Siyasət

Tofiq Yaqubluya məhdudiyyətlər davam edir

7 May, 2020
425
Həbsxanada Tofiq Yaqubluya görə digər məhbuslara da əngəl yaradıldığı bildirilir 

Müsavat Partiyasının və Milli Şuranın Koordinasiya Mərkəzinin üzvü Tofiq Yaqubluya geyim və sovqat qadağası qoyulub.

Bu barədə Arqument.Az-a məhbusun qızı Nigar Həzi məlumat verib.

Hazırda Şüvəlan həsbxanasında saxlanılan Tofiq Yaqubluya qanunla müəyyən olnmuş telefon danışığına isə günün sonunda icazə verilir. 

"Dünən ata zəng etmişdi, soruşdum ki, niyə gec zəng etdin? Dedi ki, məni ən axırda (bütün məhbuslar danışandan sonra) telefonla danışmağa gətirirlər", - Nigar Həzi bildirib. 

Qızının sözlərinə görə, Tofiq Yaqubluya görə digər məhbuslara da problemlər yaradılır: "O da məlum oldu ki, ona görə həbsxanada digər məhbuslara da əngəllər yaradırlar". 

Bundan başqa, Tofiq Yaqubluya geyim və sovqat aparmağa da imkan yaradılmır: "Paltar problemi hələ də həll olunmamış qalır. Qeyd etdi ki, karantin qaydalarında yumşalma olduğu halda, geyim dükanlarının açılmasına baxmayaraq, həbsxanada sovqat qəbuluna qoyulan qadağanı götürmürlər". 

"Necə olur ki, həbsxananın icərisindəki mağazaya ərzaqdan tutmuş geyimə qədər gətirə bilirlər, ancaq sovqat qəbul etmirlər. Bu nə məntiqsizlikdir? Məni incitmək üçün hər cür əngəllər yaradırlar", - bunu isə Tofiq Yaqublu qızı ilə telefon danışığı zamanı deyib. 

Tofiq Yaqublu martın 22-də həbs edilib. Ona qarşı Cinayət Məcəlləsinin 221.3-cü maddəsi ilə (xuliqanlıq) cinayət işi açılıb, Nizami Rayon Məhkəməsinin qərarı ilə barəsində 3 aylıq həbs qətimkan tədbiri seçilib. 

ABŞ Dövlət Departamenti, Avropa Birliyinin Liberal-demokratlar fraksiyası (ALDE) və bir sıra beynəlxalq hüquq-müdafiə təşkilatları Tofiq Yaqublunun dərhal azad olunmasını tələb ediblər.

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo