18:08, 30 Oktyabr 2018 (Çərşənbə axşamı) 167

Tramp doğum hüququ ilə vətəndaşlığın ləğvini istəyir

Tramp doğum hüququ ilə vətəndaşlığın ləğvini istəyir


/ DÜNYA
ABŞ Prezidenti Donald Tramp ABŞ torpağında doğulmuş qeyri-vətəndaş və mühacirlərin övladlarına vətəndaşlıq verən konstitusiya hüququnu bitirmək üçün sərəncam imzalamaq istəyir.

ABŞ Konstitusiyasına 14-cü düzəliş Birləşmiş Ştatlarda anadan olan uşaqlara vətəndaşlıq hüququnu təmin edir.

Trampın "Axios on HBO”ya verdiyi müsahibəsindən bir hissə oktyabrın 30-da yayımlanıb.

"Biz dünyada yeganə ölkəyik ki, buraya gələn şəxsin övladı olursa, o, 85 il ərzində Birləşmiş Ştatlar vətəndaşına çevrilir, bütün imtiyazları da əldə edir”, – Tramp deyib.

"Bu gülüncdür. Buna son qoyulmalıdır”, – o, sözlərinə əlavə edib.

Ancaq Trampın dediyinin əksinə olaraq, Kanada və Meksika daxil olmaqla bir çox ölkələr ərazilərində doğulan uşaqlara məhdudiyyətsiz vətəndaşlıq verirlər.

Tramp sərəncamı nə vaxt imzalayacağını deməsə də, "proses gedir. Bu baş verəcək”, deyə vurğulayıb.

Belə bir sərəncamın legitimliyinə gəlincə, Tramp deyib ki, "deyirlər, bunu sadəcə, bir sərəncamla edə bilərəm”.

Bu hüququn ləğvi prezidentin konstitusiyaya düzəlişi ləğv etmək səlahiyyətinə dair məhkəmə dartışmasına yol açar.

Noyabrın 6-da ABŞ konqresini seçkilər keçiriləcək. Səsvermədən öncə ölkədə immiqrasiya siyasətinin sərtləşdirilməsi gündəmdədir.