13:28, 12 Oktyabr 2018 (Cümə) 243

Trampın müşaviri Azərbaycana gəlir

Trampın müşaviri Azərbaycana gəlir
Amerika Birləşmiş Ştatları prezidenti Donald Trampın milli təhlükəsizlik müşaviri Con Bolton Azərbaycana gəlir.

Bu barədə o, "Twitter" hesabında yazıb.

"Oktyabrın 20-də Rusiya, Azərbaycan, Ermənistan və Gürcüstana səfər edəcəyəm. Həmkarlarım və digər yüksəkçinli rəsmilərlə görüşərək bir sıra təhlükəsizlik məsələləri üzrə Amerikanın maraqlarını təşviq edəcəyəm”, – Bolton yazıb.

C. Bolton bu ilin martında Donald Trampın milli təhlükəsizlik müşaviri elan olunub.

Corc Buş administrasiyasında silahlara nəzarətə rəhbərlik edən Bolton 2003-cü ildə İraqa müdaxilənin hərəkətverici qüvvəsi olub. Bolton da Tramp kimi ABŞ-ın İranla 2015-ci il nüvə sazişindən çıxmasına tərəfdar idi və Tramp mayda həmin sazişdən çıxdığını elan elədi.