14:31, 24 Avqust 2019 (Şənbə) 40

Trump Fransanı hədələdi

Trump Fransanı hədələdi


/ DÜNYA
ABŞ prezidenti Donald Trump deyib ki, fransız şərablarına vergi tətbiq edə bilər. 

Azadlıq Radiosunun xəbərinə görə, o, bunu avqustun 23-də Fransaya Böyük Yeddilərin sammitinə yola düşməzdən əvvəl Ağ Evdə jurnalistlərə bildirib. 

Trump deyib ki, texnologiya şirkətlərinin "böyük fanatı” deyil: "Lakin həmin şirkətlər ABŞ-ın nəhəng şirkətləridir. Açığı, mən Fransanın vergi tələb etməsini istəmirəm. Yox, əgər onlar bunu etsələr, biz də onların şərabına vergi tətbiq edəcəyik”.

Trump oxşar açıqlamanı bir müddət əvvəl də vermişdi.

İyulun əvvəlində Fransa senatı Fransada gəliri 25 milyon avro, dünya üzrə isə 750 milyon avro olan texnalogiya şirkətlərindən 3 faiz dəyərində vergi tutulmasını təsdiq edib.

Bu şirkətlərin arasında ABŞ-ın Google, Apple, Facebook şirkətlərinin də olduğu bildirilir.