16:55, 18 Sentyabr 2019 (Çərşənbə) 47

“Turizm haqqında” qanunun üzərində 2015-ci ildən işləyirik, hələ ərsəyə gətirə bilməmişik"

“Turizm haqqında” qanunun üzərində 2015-ci ildən işləyirik, hələ ərsəyə gətirə bilməmişik
"Biz "Turizm haqqında” qanunun üzərində 2015-ci ildən işləyirik, hələ ərsəyə gətirə bilməmişik. Turizm sahəsində ən böyük problemin restoranlarda, yeməkxanalarda qiymətlərin od tutub yanmasıdır. Bu barədə ciddi düşünmək lazımdır”.

"Report.az"ın verdiyi  xəbərə görə, Milli Məclisin Əmək və sosial siyasət komitəsinin iclasında deputat Araz Əlizadə deyib.

Deputat deyib ki, turistlərin ən çox verdiyi işlətdiyi  "harada normal qiymətə yemək yemək olar?" sualıdır.

"Nə qədər turist yaxınlaşıb soruşur ki, harada normal qiymətə yemək yemək olar? Düzdür, bizə o qədər də yüksək səviyyəli ərəb turistlər gəlmir. Elə çıxır ki, biz turizmi ancaq ərəblərə tuşlamışıq, ayrı yerdən turistlər lazım deyil. Xeyr, bizə ayrı ölkələrdən turistlər lazımdır. Azərbaycanı bütün dünya tanımalı, mədəniyyətimizi, incəsənətimizi gəlib görməlidirlər. Ona görə də bu sahədə ciddi işlər görmək lazımdır” - deputat qeyd edib.