20:18, 10 Sentyabr 2019 (Çərşənbə axşamı) 79

Türkiyə XİN: "Dağlıq Qarabağda keçirilən "seçkiləri" tanımırıq"

Türkiyə XİN:
"Azərbaycanın Dağlıq Qarabağ və ətraf ərazilərinin Ermənistan tərəfindən işğalı Cənubi Qafqazda regional sabitliyə və inkişafa ən böyük əngəldir”. 

APA İA verdiyi məlumata görə, sentyabrın 8-də Ermənistanın işğal etdiyi Azərbaycan torpaqlarında qondarma rejimin keçirdiyi "yerli özünüidarəetmə seçkiləri” ilə bağlı Türkiyə XİN açıqlamada yayıb.

Açıqlamada qeyd olunub ki, Türkiyə Dağlıq Qarabağ münaqişəsinin Azərbaycanın suverenliyi, ərazi bütövlüyü, beynəlxalq hüquq və BMT müvafiq 4 qətnaməsi çərçivəsində, sülh şərtləri daxilində həll edilməsini arzu edir: "Bu baxımdan Türkiyə Ermənistanın qanunsuz olaraq zəbt etdiyi işğal altındakı Dağlıq Qarabağ ərazisində keçirilən "yerli seçkiləri” tanımır. Ona görə də Ermənistanın beynəlxalq hüquq normalarına zidd status-kvonu qanuniləşdirmək səylərini keçmişdə olduğu kimi, bu gün də qəbul etmirik və bu qanunazid addımların problemin həllinə heç bir faydası olmadığını bir daha bəyan edirik”.