Sosial

Xəzər sakinləri: "Su dilənirik, borca su götürürük" - REPORTAJ

15 İyul, 2019
1023
Bakının Xəzər rayonun "Südçülük sovxozu" adlanan ərazisinin sakinləri illərdir yolsuzluqdan və susuzluqdan şikayətçidirlər. 

Deyirlər ki, düz 5 ildir su problemi ilə bağlı döymədikləri qapı qalmayıb. Yolların çala-çökür olması problemi daha da böyüdür.

"Su üçün "kaçalka” quyular qazdırırdıq"
 


Ataməli İsmayılov 2011-ci ildən buranın sakinidir. 

Onun sözlərinə görə əvvəllər ərazidə su problemi yaşamayıb: "Burada ilk yaşayanlardan biri mənəm. İlk vaxtlar bizdə su problemi olmayıb. Su üçün "kaçalka” quyular qazdırırdıq ki, su məsələsini həll edək. İstixana tikilənə qədər hər şey yaxşı idi”. 

Onun sözlərinə görə, tək su mənbəyi "kaçalka” olub, onu da əllərindən alıblar: "Suyun rəngi əvvəllər belə qırmızı deyildi. İstixana tikiləndən bir müddət sonra suyun rəngi dəyişməyə başladı. İstixananın yerləşdiyi əraziyə qədər suyun rəngi normaldır, ondan sonrakı ərazidə rəngi dəyişir. Düzdür, əvvəldən suda duzluluq var idi, amma məişətdə istifadə edirdik. İndi suyun rəngi dəyişib, istifadəsi mümkünsüzləşib”. 

"Bu su ilə çiməndə bədənimiz yara səpir" 

Ataməli İsmayılov deyir ki, rəngi dəyişmiş sudan istifadə etdikdə müxtəlif xəstəliklərə yoluxurlar: "Bu su ilə çiməndə bədənimiz yara səpir. Harasa gedəndə qaşına-qaşına qalırıq. Nə qədər adamın bədəni yara töküb. Paltar yuyuruq, codlaşır”. 

"Suyun tərkibində kimyəvi dərmanlar çoxdur"
 


Sakin Tərlan Teymurov isə deyir ki, problemin əsas səbəbi istixananın tullantı sularının yığıldığı hovuzdur: "İstixana tikiləndə işçilər deyirdilər ki, su hovuzun düzgün tikilməyib. 2014-cu ildən istixana işləyir. 3-4 il qabaq suyu analizə verdik. Tərkibindən hər şey çıxdı. Suyun tərkibində kimyəvi dərmanlar çoxdur. Orada işləyənlər deyir ki, su hovuzunu tikəndə izolyasiya etməyiblər, ona görə də su sızır. Həmin sızan su da bizim "kaçalka” quyularımıza dolur”. 

"Borca su götürürük"
 
 

Tərlan Teymurov suyu pulla alır. Deyir ki, yollar bərbad olduğundan su maşınları tez-tez gəlmir: "Suyu tonla alırıq. Onun da tonu 7 manatdır. Ayda 4-5 ton su lazımdır. Qənaətlə işlətməyə çalışırıq. Heç bilmirik gətirilən su haradan götürülüb. Maşın da olmayanda qonşulardan su dilənirik, borca su götürürük, su alanda aparıq qaytarırıq”. 

"Gərək xəstəlik tapaq, ondan sonra su çəkələr?"
 
 

Sakinlər deyir ki, dəfələrlə şikayət etsələr də, problemlərini həll edən yoxdur: ""Azərsu”ya dəfələrlə şikayət etmişik. Şikayət edəndə deyir, hələ buralar plana düşməyib. Bilmirik nə vaxt plana düşəcək? Burada məscid deyilən yerə qədər su var, oradan bu tərəfə su yoxdur. Gərək xəstəlik tapaq, ondan sonra su çəkələr? İstixanaya gedib şikayət etdik, bizi qovdular. İndi ora heç yaxınlaşa bilmirik. Hamı bir-birinin üstünə atır. Gərək şikayət edək, bir şeyi də özləri düşünsünlər ki, belə olmaz. Kimdənsə pulsuz su istəmirik ki? Gəlib su çəksinlər, pulumuzu verək. Ucqar kəndlərə belə su, qaz çəkirlər, biz Bakıda yaşıya-yaşıya susuzluqdan əziyyət çəkirik”. 

"Azərsu”dan Toplum Tv-yə bildirilib ki, problemlə tanışdılar, məsələ ilə bağlı işlər görüləcək.

Əbülfət Baxşəli

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo