11:18, 11 İyul 2019 (Cümə axşamı) 50

Yaponiyanın kosmik aparatı asteroidə enib

Yaponiyanın kosmik aparatı asteroidə enib


/ DÜNYA
Yaponiyanın "Hayabusa2" heyətsiz kosmik aparatı uzaq məsafədə yerləşən asteroidə ikinci dəfə uğurlu eniş edib. 

Azadlıq Radiosu xəbər verib ki, bu barədə ölkənin kosmik agentliyi məlumatı aparatdan ötürülən informasiyaya əsasən yayıb.

Yaponiya Aerokosmik Tədqiqat Agentliyi (JAXA) iyulun 11-də bildirib ki, "eniş uğurlu olub”, bu xəbər missiyaya nəzarət otağında alqışlarla qarşılanıb.

Aparatın məqsədi günəş sisteminin təkamülünə öyrənməyə kömək edəcək nümunələr götürməkdir.

Ryugu asteroidi Yerdən 300 milyon kilometr məsafədə yerləşir və "Hayabusa2" aparatı çoxillik missiyası dövründə artıq ikinci dəfədir ora enir.

İlk dəfə fevralda eniş etmiş aparat asteroidin səthinə güllə atmış və nümunə üçün toz əldə etmişdi.

"Hayabusa2" böyük soyuducu boydadır, enerji təminatından ötrü günəş panelləri ilə təchiz olunub.

Onun sələfi "Hayabusa1" 2010-cu ildə daha kiçik asteroiddən toz nümunələri götürərək Yerə qayıtmışdı. O, kosmosda yeddi il qalmışdı.

2014-cü ildə buraxılmış "Hayabusa2"-nin gerçəkləşdirdiyi missiyanın dəyəri 270 milyon dollardır.