16:51, 08 Yanvar 2021 (Cümə) 61

“YAŞAT" Fonduna SMS vasitəsilə ianə etmək imkanı yaradıldı

“YAŞAT
FOTO: YAŞAT Fondu
 
Azərbaycan Respublikası Prezidentinin Fərmanına əsasən yaradılan "YAŞAT” Fonduna SMS vasitəsilə ianə etmək imkanı yaradılıb.

"ASAN xidmət"dən APA-ya verilən məlumata görə, bütün mobil operatorlardan 8110 qısa nömrəsinə SMS göndərməklə Fonda 1 AZN-dən 50 AZN-dək ianə etmək mümkündür. SMS-in mətnində 1, 3, 5, 10, 20, 50 rəqəmlərini yazmaqla müvafiq olaraq, 1AZN, 3 AZN, 5 AZN, 10 AZN, 20 AZN və 50 AZN ianə etmək olar.

Bununla yanaşı, "YAŞAT” Fonduna onlayn formatda "ASAN Ödəniş” vasitəsilə dəstək olmaq şəraiti yaradılıb. Bunun üçün vətəndaşlar asanpay.az portalında "Ən populyar ödənişlər” bölməsində ilk sırada olan "YAŞAT” Fondu bölməsini seçməklə ödənişi həyata keçirə bilərlər.

Həmçinin Fonda bank hesabları və ödəmə terminalları vasitəsilə də ianə etmək mümkündür.

Bank rekvizitləri ilə aşağıdakı keçiddən tanış olmaq mümkündür:  http://vxsida.az/az/annouces/1493

 SMS ianə ilə bağlı daha ətraflı məlumat üçün təlimat videosu: https://youtu.be/YN4yCBXMY40

Bu gün həmçinin Fonda toplanan ümumi vəsaitin həcmi də açıqlanıb

Verilən məlumata görə, bu günə qədər Fonda toplanan ümumi vəsait 24 804 936. 86 manatdır.