Siyasət

Yeni siyahıda 150 "siyasi məhbus" var

7 Dekabr, 2018
1279
10 dekabr - Beynəlxalq İnsan Hüquqları Günü ərəfəsində "Azərbaycan siyasi məhbusların azadlığı uğrunda" (ASMAU) hüquq-müdafiə təşkilatı siyasi məhbusların yenilənmiş siyahısını açıqlayıb.

Qurumun həmtəsisçilərindən, Azərbaycan Ziyalılar Birliyinin rəhbəri Eldəniz Quliyev deyib ki, yenilənmiş siyahıda 150 nəfərin adı var.

"Onlardan 70%-i dindardır və böyük hissəsi 2015-ci il Nardaran hadisələrilə bağlı həbs olunub. Həmin hadisələrlə bağlı həbs olunanlar ümumilikdə 500 il həbs cəzası alıb”, Quliyev qeyd edib.

2015-ci il Nardaran hadisələril iə bağlı həbs olunanlara ümumilikdə 500 il həbs cəzası verilib.

ASMAU koordinatoru, Siyasi Məhbusların Monitorinqi Mərkəzinin rəhbəri Elşən Həsənov qeyd edib ki, avqustun əvvəlində öncəki siyahı açıqlandıqdan sonrakı müddətdə şərti olaraq buraxılan bəzi siyasi məhbuslar azadlığa çıxıb.

Eyni zamanda siyasi məhbusların sıralarına yeni şəxslər daxil olub. Belə ki, Müsavat Partiyasının fəalı, Litvada siyasi sığınacaq almış Azad Həsənov həbs olunub. O, atasına baş çəkmək üçün gəlib. Ancaq narkotik maddənin qanunsuz dövriyyəsi kimi uydurma ittihamla həbs edilib.

Müsavat Partiyası Gənclər Təşkilatının rəhbəri Əbülfəz Sadıqbəyli də siyasi məhbus kimi tanınıb. O, sənədlərin saxtalaşdırılmasında ittiham olunub.

"Adətən bu cür işlər üzrə istintaq məhkəməyəqədər həbs olmadan aparılır. Odur ki, fəalın səhih sübutlar olmadan tələsik həbsi onun siyasi motivli olduğunu təsdiqləyir", Həsənov bildirib.

ASİMAU-nun həmtəsisçilərindən biri, "Tolışi sado" ("Talışın səsi") qəzetinin redaktoru Hilal Məmmədov deyib ki, Azərbaycanda insan hüquqları təkcə siyasi sahədə pozulmur. O, Bakıdakı 175 saylı məktəbin direktorunun yüksək vəzifəli polisin qohumu tərəfindən döyüldüyünü qeyd edib.

Siyasi məhbuslar müxtəlif kateqoriyalara bölünür: "Nardaran məhbusları", "heykəl məhbusları", "Facebook məhbusları". Lakin bu işlərin hamısını ümumi əlamətlər və meyarlar birləşdirir - ittihamların saxtalaşdırılması, qanunsuz hökmlər, həbsxanada hüquqların pozulması.
Hilal Məmmədov
H.Məmmədov təəssüflə vurğulayıb ki, 10 dekabr Beynəlxalq İnsan Hüquqları Günü "qara bayram" kimi qeyd olunur. O həmçinin diqqəti Nardaran hadisələrinə görə həbs olunanlara yönəldib.

"Uzun müddətə azadlıqdan məhrum edilmələrinə baxmayaraq, onlar həbsxanalarda təzyiqə və işgəncələrə məruz qalır", Məmmədov qeyd edib.

O deyib ki, siyasi məhbuslar müxtəlif kateqoriyalara bölünür: "Nardaran məhbusları", "heykəl məhbusları", "Facebook məhbusları". Lakin bu işlərin hamısını ümumi əlamətlər və meyarlar birləşdirir - ittihamların saxtalaşdırılması, qanunsuz hökmlər, həbsxanada hüquqların pozulması.

"Azərbaycan siyasi məhbusların azadlığı uğrunda" yeni hüquq-müdafiıə təşkilatının təqdimatı noyabrın 14-də olub. Qurumun təsisçiləri Leyla Yunus (Sülh və Demokratiya İnstitutu), Elşən Həsənov (Siyasi Məhbusların Müdafiəsi Mərkəzi), Hilal Məmmədov ("Tolışi sado" qəzetinin baş redaktoru) və Eldəniz Quliyevdir (Azərbaycan Ziyalılar İttifaqının sədri).

Öz növbəsində, Azərbaycan hökuməti ölkədə siyasi məhbusların olması fikri ilə razılaşmır. Yüksək hökumət rəsmiləri bütün fundamental azadlıqların təmin edildiyini, insanların qanun qarşısında bərabər olduğunu bildirir. Rəsmi Bakı hüquq və azadlıqlaırn pozulması ilə bağlı tənqidləri bir qayda olaraq qərəzli adlandırır.

Bununla yanaşı, Avropa İnsan Hüquqları Məhkəməsi Azərbaycanda azadlıqların pozulması ilə bağlı çoxsaylı qərarlar qəbul edib. Amnesty İnternational təşkilatı Azərbaycanda ondan çox insanı "vicdan məhbusu” elan edib.

Amerikanın Səsi


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo