Araşdırma

Bakıda yaşıllıq azaldıqca bu xəstəliklər yayılır 

19 Avqust, 2022
1120

Bir azərbaycanlıya düşən yaşıllığın sahəsi dünya ortalamasından 2,4 dəfə azdır.  

Rəsmi statistikaya görə, ölkədə adambaşına 0.2 hektar yaşıllıq düşür. Dünyada bu rəqəm ortalama olaraq 0.48 hektardır.  

Bəlkə elə bu səbəbdəndir ki, Azərbaycanda bəzi xəstəliklərə yoluxanların sayı ildən ilə artır.  

Azərbaycan Tibb Universitetinin tədris-terapevtik klinikasının şöbə müdiri Cavanşir Məhərrəmov ölkədə yaşıllığın azalmasından qaynaqlanan 3 problemə diqqət çəkir: 

"Oksigen az olan mühitdə bir çox xəstəliklər çoxalır. Çirklənmiş havada oksigen əksikliyi tənəffüs sistemimizin bir-sıfır geridə başlamasına gətirib çıxarır. 
Odur ki, dünya əhalisinin təxminən 20 milyona qədəri astma xəstəliyindən əziyyət çəkir. Bu da tənəffüs sistemimizin əsas və əziyyətverici xxəstəliklərindən biridir. İkinci etapda  bu tənəffüs əksikliyi iş qabiliyyətimizin zəifləməsinə gətirir. Ürək-damar xəstəliklərinin geniş vüsət almasına səbəb olur.  Parkların olması bizim sinir sistemimizin müsbət mənada rahatlamasına gətirib çıxarır", - deyə həkim əlavə edib. 

https://toplum.tv/multimedia/nabran-turistlerin-qoydugu-iz

Dövlət Statistika Komitəsinin verdiyi məlumata əsasən, 2019-cu ildə qeydə alınan 1 milyon 936 min 715 nəfər xəstənin təqribən 40 faizi  -  771.571 nəfəri tənəffüs orqanlarındakı problemlərdən şikayətçi olub.  
 
Maraqlıdır ki, pandemiya vaxtı, koronavirus infeksiyasının yayıldığı dövrdə bu göstərici artmayıb, əksinə azalıb. 2020-ci ildə tənəffüs orqanlarından əziyyət çəkən 677.346 nəfər olub -  ümumi xəstələrin 37 faizi.  

Həmin dövrdə Azərbaycanda zərərli maddələrin atmosferə atılması da azalıb.  

2019-cu ildə Azərbaycanda atmosferə atılan çirkləndirici maddə həcmi 1 milyon 122 min ton olub. Pandemiya ilə bağlı məhdudiyyətlərin tətbiq edilməyə başladığı 2020-ci ildə bu rəqəm 25 faiz və ya 300 min tona yaxın azalıb. 
 
Ətraf mühiti məsələləri üzrə ekspert Rövşən Abbasov deyir ki, yaşıllığın azalmasının ilkin səbəbi mərkəz hissədə torpaq qiymətlərinin kəskin artmasıdır. 

“Bu mənada mən Neftçilər ərazisini və ətrafını xüsusilə qeyd etmək istəyirəm. Burada əhali sıx yaşayır və burada yaşıllıq olan ərazilər ona görə qırıldı ki,  çoxlu sayda ictimai iaşə obyektləri yaradıldı. Neftçilər metrosu ilə Xalqlar dostluğu arasındakı yolun sağ və solunda həmişə yaşıllıq olub. Bəs indi niyə görə bilmirik? Çünki çoxlu restoran-kafelər, mağazalar tikildi”, - deyə ekspert bildirib. 

Bugünlərdə paytaxt Bakıdakı yaşıllıq sahələri ilə bağlı maraqlı rəqəm açıqlanıb. Bakı Şəhər Memarlıq və Şəhərsalma Baş İdarəsi nümayəndəsinin sözlərinə görə, indi paytaxtın 213 min 500 hektar olan inzibati ərazisinin 11 min 528 hektarı yaşıllıq sahələri və açıq məkanlardır. Bu o deməkdir ki, yaşıllıq sahələri Bakının cəmi 5.43 faizini tutur. Bakının baş plan layihəsində həmin göstəricinin 2040-cı ilədək 10 faizə yüksəldilməsi nəzərdə tutulur. 

https://toplum.tv/multimedia/kecilmez-buzovna-yollari
 
Ekspert Bakıdakı bir sıra təşkilatların, universitetlərin hasarlanması probleminə diqqət çəkir. Deyir vaxtilə park olmuş əraziləri indi universitetlər hasarlayaraq yaşıllıq ərazisini zəbt edir: 

“Tibb universitetinin hasarlandığını görürük, amma vaxtilə orada böyük park vardı .Nə olsun ki, indi bina var?  BDUnun ərazisi vaxtilə açıq idi. Amma indi ora girmək mümkün deyil. İnsanlar istirahət günlərində həsrətlə dəmir barmaqlarının arxasından ora baxırlar” 
 
Azərbaycan Diplomatiya Akademiyası da böyük yaşıllıq sahəsinin yerində inşa edilib. Vaxtilə böyük bir ərazini tutan ağaclığın yerində Akademiya ilə yanaşı daşla döşənmiş Dədə Qorqud parkı da var. Onun mərkəzində daşdan yonulmuş ağac heykəli ucalır.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Araşdırma

Maşın bazarında qəbzsiz milyonlar - Dövlət Vergi Xidməti susur

16 May 2023
Ümid Ümidli Babək prospektində yerləşən maşın bazarında avtomobil detalları satmaqla məşğul imiş. Deyir, icarəyə götürdüyü dükana görə hər ay bazar rəhbərliyinə iki min manatdan çox pul ödəyirmiş. Amma bu pulun qarşılığında qəbz almaq istəyəndə bazar rəhbərliyi ona mənfi cavab verib.     Ümid Ümidlinin sözlərinə görə, bundan sonra bazar rəhbərliyilə münasibətləri korlanıb və daha orada qalıb işləyə bilməyib.     Həmin maşın bazarındakı başqa sahibkarlar da deyir ki, hər ay ödədikləri icarə pulunun qarşılığında onlara qəbz verilmir. Sahibkarlar düşünür ki, buna səbəb onlardan icarənin rəsmi qiymətindən artıq pul alınmasıdır. Bundan başqa icarə qiymətlərinin  bahalığından da şikayətlənsələr də, kamera qarşısına çıxmaqdan...
Araşdırma

Polis saxtakarlığı? Videogörüntülər həbs məkanının saxta olduğunu göstərir 

22 Aprel 2023
Bura Haşımovlar ailəsinin Yasamal rayonunda yerləşən evidir. Ailə üzvləri deyir, oğulları Məhəmməd Haşımov Cinayət Məcəlləsinin 234.4.3-cü maddəsi narkotik vasitələrin və psixotrop maddələrin qanunsuz dövriyyəsində təqsirli bilinərək saxlanılıb. Məhəmməd Haşımov Aviasiya Akademiyasının Hüquq fakultəsində təhsil alırdı. Atası Habil Haşımov deyir, 29 mart tarixində Xətai rayon 34-cü polis bölməsindən ona zəng edib deyiblər ki, oğlu ilə bərabər bölməyə yaxınlaşsın.  Habil Haşımovun sözlərinə görə, 34-cü polis bölməsində ona əsasən İranla bağlı suallar veriblər:  “Biz orada olanda mənə bu sualı verdilər ki, sənin İranla bir əlaqən var? İrana gedib-gəlmisən? Mən bildirdim ki, xeyr. Oğluma da həmin sualı veriblər. Biz sadəcə namaz qılanıq, oruc tutanıq,...

Seçilmiş Videolar

Toplum TV loqo