Araşdırma

Maşın bazarında qəbzsiz milyonlar - Dövlət Vergi Xidməti susur

16 May, 2023
2285

Ümid Ümidli Babək prospektində yerləşən maşın bazarında avtomobil detalları satmaqla məşğul imiş. Deyir, icarəyə götürdüyü dükana görə hər ay bazar rəhbərliyinə iki min manatdan çox pul ödəyirmiş. Amma bu pulun qarşılığında qəbz almaq istəyəndə bazar rəhbərliyi ona mənfi cavab verib.  
 
Ümid Ümidlinin sözlərinə görə, bundan sonra bazar rəhbərliyilə münasibətləri korlanıb və daha orada qalıb işləyə bilməyib.  
 
Həmin maşın bazarındakı başqa sahibkarlar da deyir ki, hər ay ödədikləri icarə pulunun qarşılığında onlara qəbz verilmir. Sahibkarlar düşünür ki, buna səbəb onlardan icarənin rəsmi qiymətindən artıq pul alınmasıdır. Bundan başqa icarə qiymətlərinin  bahalığından da şikayətlənsələr də, kamera qarşısına çıxmaqdan imtina ediblər. Deyirlər, buradakı işlərindən olmaqdan qorxurlar. 
 
Sahibkarlardan aylıq icarə pulunu yığdığı deyilən Rizvan adlı şəxs bunun əvəzində qəbz verməli olduğundan xəbərsiz olduğunu deyir. 
 
Məsələ ilə bağlı maşın bazarının rəhbərliyi ilə əlaqə saxlamaq istəsək də, telefonlarımızı açan olmadı. Şikayətçi deyir, maşın bazarında icarəyə verilən ən az min dükan var. Minimum icarə haqqı isə iki min manatdır. Hər ay min sahibkardan alınan minimum icarə haqqını hesablayanda ortaya çıxan məbləğ iki milyon manatdır. Dövlət Vergi Xidməti isə nə şikayətçinin verdiyi məlumata, nə də bizim informasiya sorğumuza cavab vermir. Beləcə, maşın bazarında vergidən yayındırılan milyonların aqibəti bilinmir.   
 
Şikayətçi Ümid Ümidli məhkəməyə müraciət edəcəyini deyir.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Araşdırma

Polis saxtakarlığı? Videogörüntülər həbs məkanının saxta olduğunu göstərir 

22 Aprel 2023
Bura Haşımovlar ailəsinin Yasamal rayonunda yerləşən evidir. Ailə üzvləri deyir, oğulları Məhəmməd Haşımov Cinayət Məcəlləsinin 234.4.3-cü maddəsi narkotik vasitələrin və psixotrop maddələrin qanunsuz dövriyyəsində təqsirli bilinərək saxlanılıb. Məhəmməd Haşımov Aviasiya Akademiyasının Hüquq fakultəsində təhsil alırdı. Atası Habil Haşımov deyir, 29 mart tarixində Xətai rayon 34-cü polis bölməsindən ona zəng edib deyiblər ki, oğlu ilə bərabər bölməyə yaxınlaşsın.  Habil Haşımovun sözlərinə görə, 34-cü polis bölməsində ona əsasən İranla bağlı suallar veriblər:  “Biz orada olanda mənə bu sualı verdilər ki, sənin İranla bir əlaqən var? İrana gedib-gəlmisən? Mən bildirdim ki, xeyr. Oğluma da həmin sualı veriblər. Biz sadəcə namaz qılanıq, oruc tutanıq,...
Araşdırma

“Bu ağacların məhv edilməsidir” – ekoloq

28 Mart 2023
Bura Nəsimi rayonu ərazisində yerləşən Əlimərdan Topçubaşov küçəsilə, İman Qasımov küçəsinin kəsişməsidir.Bu ərazidə yaşayan Mətləb Nəsibov deyir ki, Yaşıllaşdırma Təsərüffatı Birliyinin əməkdaşları buradakı ağaclara budamaq adı ilə zərər verir. Sakinlərdən Sona Hacıyeva ağacların budanmasına niyə qarşı olduğunu belə izah edir: "Ağac budamanın vaxtı var da. İndi bu ağacların vegetasiya dövrüdür. Yəni, ağacın tumurcuqlanan, yarpaqlanan dövrüdür. Bu vaxt ağac kəsməzlər, budamazlar. Bu Regional Ekologiya İdarəsi hara baxır, bilmirəm. Nəyə əsasən bunları bura göndəriblər? Bu qədər özbaşınalıq olmaz. Biz açıq-aşkar görürük ki, bu ağacların məhvinə yönəlmiş hərəkətlərdir". Ərazidə ağacların necə budanmasını müşahidə edən ekoloq Sadiq Həsənov da vətəndaşların sözlərini təsdiqləyir: “Videolarla tanış...

Seçilmiş Videolar

Toplum TV loqo