Sosial

ABŞ-da koronavirusa yoluxanların sayı artır

3 İyul, 2020
1018
Birləşmiş Ştatlarda koronavirusa gündəlik yeni yoluxmalar daha bir rekord vurub, 55 mini keçib. Bu, iki həftə öncəkindən iki dəfə çoxdur. Heç bir ölkədə indiyədək belə gündəlik yoluxan olmayıb.

Bu arada Birləşmiş Ştatlar 4 iyul Müstəqillik gününü qeyd etməyə hazırlaşır. Adətən, bu gün amerikalılar səyahət edir, yığıncaqlar, tədbirlər keçirir.

Prezident Donald Trump Müstəqillik Günü ərəfəsində atəşfəşanlığa qatılmaq üçün Cənubi Dakotada Rushmore Dağı abidəsini ziyarət edəcək. Abidə dağ döşünə həkk olunmuş dörd prezidentin büstündən ibarətdir.

Tədbirə 7 min 500 nəfərin qatılacağı gözlənir. Ştatın qubernatoru deyib ki, tədbirdə sosial məsafə qaydası tətbiq olunmayacaq, üz maskaları paylansa da, taxılmağı məcburi deyil.

Dörd ştatda 25 min yeni yoluxma

Ölkə üzrə narahatlıq yaradan 50 ştatdan 40-da yoluxmaların artan xətt üzrə getməsidir. Özəlliklə cənub və qərb hissədə pandemiya güclənir.

Dörd ştatda – Arizona, Kaliforniya, Florida və Texasda iyulun 2-də üst-üstə 25 min yeni yoluxma təsdiqlənib.
Testlərin miqyası, eləcə də pozitiv nəticələrin çəkisi artmaqdadır.

Xəstəxanaya yerləşdirilənlərin sayı artıb. Artıq ölkədə koronavirusdan 128 mindən çox insanın vəfat etdiyi bildirilir.

Ölkənin yoluxucu xəstəliklər üzrə aparıcı eksperti Anthony Fauci deyib ki, yoluxmalar "ölkəyə bütünlükdə risk yaradır”. O, vəziyyət dəyişməsə, günə 100 min yeni yoluxmanın baş verə biləcəyini vurğulayıb.

Yoluxmaların artması özəlliklə cənub və qərb ştatlarının iqtisadiyyatı yenidən açmaq qərarlarını dayandırmağa məcbur edib. Bir sıra ştatlar həftəsonuna düşən 4 iyul bayramı ərəfəsində restoranların, bar və çimərliklərin bağlanmasına göstəriş verib.
T
exas da maskanı məcburi edir

Mayda ştatın təkrar açılması üçün canfəşanlıq edən Texas qubernatoru Greg Abbot ictimaiyyət arasında maska taxmağı məcburi elan edib.

Birləşmiş Ştatlarla müqayisədə Avropada yoluxma və ölüm halları kəskin azalıb, qitənin əksər hissəsində açılım gedir. Avropa Birliyi iyulun 1-dən 15 ölkədən ziyarətçilər üçün sərhədlərini açıb.

Britaniya isə iyulun 3-də elan edib ki, iyulun 10-dan başlayaraq Almaniya, Fransa, İspaniya və İtaliyadan gələnlərdən daha özünütəcrid tələb olunmayacaq.

"Aşağı riskli” ölkələrin tam siyahısı iyulun 3-də dərs olunmalıdır.

Müqayisə üçün ABŞ-ın 7,3 milyon əhalisi olan Arizona ştatı 446 milyon əhali yaşayan Avropa Birliyindən daha çox yeni yoluxma qeydə almaqdadır.

Dünyada ABŞ-dan sonra ikinci yerdə gələn Braziliyada iyulun 2-də koronavirusdan ölü sayı 62 minə yaxınlaşıb.

Dünya üzrə yoluxma sayı 10,8 milyondur, 520 min nəfər vəfat edib.
 
azadliq.org

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo