Siyasət

Azərbaycan din və ifadə azadlığını müdafiə edən bəyanatı imzalamaqdan imtina edib

19 İyul, 2019
391
İyulun 18-də Azərbaycan ABŞ-ın dəstəklədiyi düşüncə, vicdan, din, etiqad və ifadə azadlığını müdafiə edən əsas bəyanatı imzalamaqdan imtina edən yeganə Cənubi Qafqaz ölkəsi olub.

Məlumatı Turan İA verib.

Bildirilir ki, ABŞ Dövlət Departamentində keçirilən "Tarixdə ən böyük dini azadlıq hadisəsi" adlanan üçgünlük nazirlər toplantısının sonuncu günündə ABŞ vitse-prezidenti Maykl Pens və dövlət katibi Mayk Pompeo 106 ölkədən yüzlərlə nazir, dini lider və fəalın qarşısında çıxış edib.

Azərbaycanı Dini Qurumlarla İş üzrə Dövlət Komitəsinin sədri Mübariz Qurbanlı təmsil edib. Ermənistan nümayəndə heyətinə isə XİN rəhbəri Zöhrab Mnatsakanyan rəhbərlik edib.

ABŞ hökuməti yığıncağa müxtəlif bölgələrdə dini azadlıqla bağlı narahatlığa dair 9 bəyanat təqdim edib.

Bunların arasında terrorizmə qarşı mübarizə; Birma-Myanmadakı vəziyyət; Çində dini azlıqların vəziyyəti və s. bəyanatlar olub. İştirakçı ölkələrə əsas məsələlər üzrə ümumi narahatlığı nümayiş etdirmək üçün bəyanatlara qoşulmaq imkanları verilib.

Azərbaycan 9 bəyanatdan 4-nü, o cümlədən terrorçu və ekstremist qruplar tərəfindən dini azadlığın sistematik, davamlı və görünməmiş şəkildə pozulmasını pisləyən bəyanatı dəstəkləyib.

Eyni zamanda Azərbaycan nümayəndə heyəti küfr və mürtədlik haqqında qanunlara dair bəyanatları dəstəkləməyib. Digər Cənubi Qafqaz ölkələri- Gürcüstan və Ermənistan bütün bəyanatları dəstəkləyiblər.

"Beynəlxalq birliyin nümayəndələri olaraq biz birlikdə düşüncə, vicdan, din və ya əqidə və ifadə azadlıqlarını dəstəkləyirik", - əsas bəyanatda deyilir.

Eyni zamanda sənəddə qeyd olunur ki, küfr və mürtədlik haqqında qanunlardan tez-tez kütlə tərəfindən din adına zorakılığa bəraət qazandırmaq və ya şəxsi incikliklə bağlı təqiblər üçün bəhanə kimi istifadə olunur.

"Biz görürük ki, hökumətlər belə qanunlardan qanunsuz həbslər, dini baxışları və əqidəsi rəsmi və ya əhalinin əksəriyyətinin fikirlərindən fərqlənən şəxsləri cəzalandırmaq üçün istifadə edirlər. Biz bu qanunlardan istifadə edən hökumətləri belə əsaslarla həbs olunmuş insanları azad etməyə, həmçinin beynəlxalq hüquqa uyğun olaraq ifadə, din və ya əqidə azadlığının həyata keçirilməsinə mane olan küfr, mürtədlik və digər qanunları ləğv etməyə çağırırıq.

Biz əvvəlkitək tərəfdaşlarımız ilə dini dözümsüzlüyə əsaslanan sektaçılıq, diskriminasiya və zorakılıq kimi problemlərə qarşı mübarizədə fəaliyyət göstərməyə hazırıq ki, fikir, elm, din, əqidə və fikrin ifadə olunması azadlığı daxil olmaqla, əsas azadlıqlara hörmətlə yanaşılsın", - sənəddə deyilir.

Azərbaycanın imzalamaqdan imtina etdiyi digər sənəd "Terrorizmə qarşı mübarizə dini azadlığın sıxışdırılması üçün bəhanə kimi" adlanır.

Bununla belə, Azərbaycan da daxil olmaqla, 30-a yaxın iştirakçı ölkə bütün konfessiyaların dini icmalarının sülh işinə töhfə verə bilməsinin tanınmasına dair daha bir bəyanat imzalayıblar.

"Biz bütün hökumətləri insanların istənilən dini ənənəyə inanıb-inanmamaq, etiqad edib-etməmək hüququna hörmətlə yanaşmağa çağırırıq", - sənəddə vurğulanır.

Həmçinin Bakı qeyri-dövlət subyektlərinin din xadimləri tərəfindən sui-istifadəsi, eləcə də ibadət yerlərinin qorunması haqqında bəyanatlara qoşulub.

"Dini təqiblər bütün dünya birliyi üçün problemdir", - vitse-prezident Mayk Pens və dövlət katibi Mayk Pompeo iştirakçılara bildiriblər.

Pompeo yekun çıxışında deyib ki, "öz əqidələrmizi hərəkətə çevirməyin vaxtı çatıb" və iki təşəbbüs haqda danışıb. Birinci təşəbbüs budur ki, Dövlət Departamenti Beynəlxalq Dini Etiqad Azadlığı Fondu təsis edib. Çoxlu donorun iştirakı ilə təsis edilən bu fond bütün dünyada təqib qurbanlarına çevik yardım göstərir. "O, xeyir əmələ xidmət edir və onun məqsədi bütün dünyada yayılır", - Pompeo deyib.

Digər təşəbbüs Beynəlxalq Din Azadlığı İttifaqının yaradılmasıdır. "Ümid edirik ki, bu yeni mexanizm - dünyada bu konkret mövzuya həsr olunan ilk beynəlxalq orqan - indiyədək göstərilmiş səylərə əsaslanacaq və beynəlxalq dini azadlığa qarşı çağırışlar əleyhinə mübarizədə həmfikirləri birləşdirəcək", - sənəddə vurğulanır.

Yaxın gələcəkdə Albaniya, Kolumbiya, Mərakeş və Vatikanda regional konfranslar keçiriləcək.

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo