Sosial

Bakı Nəqliyyat Agentliyi: “Tələblərə əməl edilməsə daşıyıcı şirkətlər cəzalandırılacaqlar”

27 Mart, 2020
1518
Koronavirusun yayılmasının qarşısının alınması məqsədilə xüsusi krantin rejimi tətbiq edilsə də, hələ də günün bəzi saatlarında marşrut xətlərində sıxlıq nəzərə çarpır. 

Bakı Nəqliyyat Agentliyinin rəsmi "Facebook” səhifəsində belə deyilir: "Xüsusi karantin rejimində müntəzəm marşrut xətləri üzrə daşınan sərnişin sayının 60-70 faiz azalmasına baxmayaraq, gündəlik reysə çıxan avtobusların sayı azaldılmayıb. Həmçinin daşıyıcılara avtobuslararası intervalın epidemik vəziyyət nəzərə alınmaqla tənzimlənməsi ilə bağlı göstəriş verilib. Məqsəd ilk növbədə dövlət əhəmiyyətli, həyat təminatlı obyektlərdə, həmçinin, digər vacib xidmət sahələrində çalışan vətəndaşlarımızın ictimai nəqliyyatla daşınmasını təmin etməkdir". 

Bakı Nəqliyyat Agentliyi rəsmi xəbərdarlığa əməl olunmadığını bildirir. Buna görə də marşrut xətləri ilə bağlı əlavə məhdudiyyətlərin tətbiq edilməsinin zəruri olduğunu bəyan edir. 

"Belə olacağı halda müntəzəm marşrut xətlərinin fəaliyyəti tamami dayandırılacaq və sərnişindaşımaları yalnız müəyyən istiqamətlər üzrə hərəkət edən ekspress xətt avtobusları həyata keçiriləcək”, - BNA-nın martın 27-də yaydığı məlumatda deyilir. 

Qurumun mətbuat xidmətinin rəhbəri Mais Ağayev ToplumTV-yə isə deyir ki, onların qarşısında məsul şəxslər sürücülər yox, daşıyıcı şirkətlərdir: "Hər bir marşrut xətti üzrə məsul olan daşıyıcı şirkətlər var və sürücülər də onların əməkdaşıdır. Biz sürücülərə deyil, daşıyıcılara tapşırıq veririk, daşıyıcılar da öz əməkdaşlarına lazimi tapşırıqları verir. Bizim qarşımızda məsul şəxslər daşıyıcı şirkətlərdir. Ona görə biz daşıyıcılara verilən tapşırıqların maximum yerinə yetrilməsini nəzarətdə saxlamalarını tələb etmişik, xüsusi ilə də son günlərdə verilən tapşırıqların”. 

Mayis Ağayevin sözlərinə görə qoyulan tələblərə əməl edilmədiyi təqdirdə daşıyıcı şirkətlər cəzalandırılacaqlar, qanunvericilik çərçivəsində ən sərt formada tədbirlər görüləcək. 

BNA rəsmisi sərnişinlərin də karantin qaydalarına əməl etmədiyini bildirir: "Təəssüflər olsun ki, bəzi sərnişinlər xüsusi karantin rejimi qaydalarına və tövsiyələrini əməl etməyərək zərurət olmadan belə evdən çıxırlar. Nəticədə səhər və axşam saatlarında bəzi istiqamətlər üzrə avtobuslarda sərnişin sıxlığı müşahidə olunur. Bu isə fəaliyyəti hər birimiz üçün vacib olan şəxslərin sağlamlığına təhlükə yaradır və yoluxma riskini artır”. 

Mais Ağayev bir daha vətəndaşlardan xahiş edir ki, zərurət olmadığı halda evlərini tərk etməsinlər.

Martın 24-dən Azərbaycanda koronavirusla mübarizə məqsədilə xüsusi karantin elan edilib. Bu müddətdə yaşı 65-dən yaşdan yuxarı şəxslərin evdən çıxması qadağan olunub. 

Bundan başqa sərnişinlərə metropolitendən yox, yerüstü nəqliyyatdan istifadəyə üstünlük vermək tövsiyə edilib. Bu məqsədlə xüsusi marşrutlar müəyyənləşdirilib.

Zülfiyyə Quliyeva

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo