14:49, 26 Oktyabr 2020 (Bazar ertəsi) 102

Bişkek merinin istefası tələb edilib

Bişkek merinin istefası tələb edilib
Naməlum şəxslər Bişkek merinin iqamətgahına daxil olmağa cəhd edib.

Bu barədə "24.kg” informasiya agentliyi məlumat verib. 

Məlumatda 100-ə yaxın insanın iqamətgah qarşısında toplaşdığı bildirilib.

Onlar hazırda şəhər meri vəzifəsini icra edən Nariman Tyulayevin istefasını tələb ediblər: "Nariman, əgər sən getməsən, biz gələcəyik. Bizə gənclər lazımdır, qocalar yox”.

Oktyabrın 20-də Bişkek meri vəzifəsindən istefa verən Əziz Surakmatovun yerinə bu vəzifəyə şəhərin eks-meri Nariman Tyulayev təyin olunub. 

Qanuna görə, Bişkek meri şəhər şurasının (Keneş) deputatları tərəfindən seçilir.

2013-cü ildə Tyuleyev Bişkek meri olduğu zaman korrupsiya ittihamı ilə əmlakı müsadirə olunmaqla 11 il müddətinə ağır rejimli koloniyada cəza çəkməklə azadlıqdan məhrum olunub.

2016-cı ildə amnistiyaya düşüb və dövlətə 30 milyon som (375 min dollar) məbləğində dəyən ziyanı ödədikdən sonra sərbəst buraxılıb. 

Nariman Tyulayev 2008-2010-cu illərdə Bişkekin meri vəzifəsində çalışıb.