12:03, 10 Avqust 2020 (Bazar ertəsi) 575

"Əfqan Nağıyev ev dustaqlığına məhkum edilib"

Sosial şəbəkələrdə Dövlət Sərhəd Xidmətinin sabiq rəis müavini, general-leytenant Əfqan Nağıyevin azadlığa çıxması ilə bağlı məlumat yayılıb.

Unikal.org-a açıqlama verən Bakı Hərbi Məhkəməsinin sədri Həbib Həsənov bildirib ki, sabiq rəisin azadlığa çıxması xəbəri yalandır.

"Əfqan Nağıyev Bakı Hərbi Məhkəməsinin qərarı əsasında ev dustaqlığına məhkum edilib". 

Dövlət Təhlükəsizlik Xidmətinin keçirdiyi əməliyyat zamanı saxlanılan Ə.Nağıyev vəzifə səlahiyyətlərindən sui-istifadə edərək Xəzər dənizində balıq ovunun aparılmasına şərait yaradılması üçün çoxsaylı Azərbaycan vətəndaşlarından müxtəlif məbləğlərdə rüşvət almaqda şübhəli sayılıb və barəsində 4 ay müddətinə həbs qətimkan tədbiri seçilmişdi.
 
arqument.az