Sosial

Ekspert: "Qoy DİM bilsin ki, bu işlərdə özbaşınalıq olmaz”

6 İyul, 2020
1539
Nabatəli Qulamoğlu: "Dövlət İmtahan Mərkəzi illərdir ki, səhvlərini boynuna almır”

"Düşünmürəm ki, iyunun 10-u keçirilən imtahana düşən test tapşırıqları özündən əvvəlki və sonrakı imtahanlarla müqayisədə daha çətin idi”, - təhsil eksperti Kamran Əsədov Toplum tv-yə açıqlamasında belə deyib. 
 

 
İyulun 2-də Riyaziyyat elmləri doktoru Rəşid Əliyev və Azərbaycan dili və ədəbiyyat müəllimi Ülviyyə Əliyeva Dövlət İmtahan Mərkəzinə açıq məktub göndərib. 

Məktubda müəllimlər iyunun 10-da keçirilən imtahan suallarından, onun nəticələrindən narazılıqlarını ifadə edib, DİM-dən mütəxəssislər dəvət edərək sualların yenidən yoxlanılmasını xahiş ediblər. 

Müəllimlər qeyd ediblər ki, iyunun 10-11-i keçirilən buraxılış imtahanları bir-birindən sualların çətinliyinə görə ciddi şəkildə fərqlənir. 

DİM-in Mətbuatla iş sektorunun müdiri Xanlar Xanlarzadə müəllimlərin açıq məktubuna cavab olaraq bildirib ki, hər iki imtahanda vahid yanaşmaya riayət olunub və istifadə olunan suallar elmi-metodik baxımdan düzgün tərtib edilib. 

Kamran Əsədov isə düşünür ki, şagirdlərin martın 3-dən etibarən dərslərə getməməkləri nəzərə alınarsa, imtahan sualları daha asan olmalı idi. 

Onun fikrincə, imtahan iştirakçılarının kütləviliyi nəzərə alındığı təqdirdə isə sualların asanlaşdırılması yolverilməzdir: "47 min plan yerinə 90 min nəfər sənəd verib”. 

Ekspert bildirib ki, imtahanlara düşən suallar martın 3-dən əvvəl keçirilən mövzuları əhatə edir, eyni zamanda DİM-in 2019-cu ildə çap etdirdiyi "Abituriyent 1” jurnalındakı proqrama tamamilə uyğundur.  

"Sualların ağırlıq dərəcəsi kifayət qədər gözlənilib. Yəni orada çətin və çox çətin sualların sayı digərləri ilə müqayisədə azlıq təşkil edirdi. Bu, bir şagirdi digərindən fərqləndirmək üçün ən uyğun variantdır”, – Kamran Əsədov qeyd edib. 
Onun sözlərinə görə, kompüter vasitəsilə seçilən suallarda ekspertlər müəyyən redaktələr aparsalar da, sualda ciddi dəyişiklik edə, onun formatını dəyişə bilməz.

Ekspert imtahana martın 3-dən sonra keçirilən mövzuların salınmadığına görə, onlayn apelyasiya prosesində karantin dövrünün nəzərə alınmayacağını deyib.

Nabatəli Qulamov: "Bu məsələdə müəllimlər tamamilə haqlıdır”
 

 
Digər təhsil eksperti Nabatəli Qulamoğlu isə Kamran Əsədovdan fərqli olaraq müəllimləri iradlarında tamamilə haqlı hesab edir. 

Onun sözlərinə görə, dalbadal keçirilən iki imtahanın bir-birindən bu qədər fərqlənməsi gözlənilən deyildi: "Ən azı mübahisəli suallar imtahana salınmamalı idi”. 

Ekspert Dövlət İmtahan Mərkəzinin illərdir ki, öz səhvlərini boynuna almadığını bildirib. 

O qeyd edib ki, artıq Azərbaycan dili və ədəbiyyatı qrupunda DİM-ə ünvanlanmış məktub üçün müəllimlərin imzaları toplanır. 

Nabatəli Qulamoğlu Xanlar Xanlarzadə ilə də əlaqə saxladığını deyib: "Monitorinqdə iştirak edə biləcəyimizi dedi. Düzdür, onun dialoq mədəniyyəti var. Amma biz bu məsələdə haqlıyıq və məhkəməyə qədər gedəcəyik. Qoy DİM bilsin ki, bu işlərdə özbaşınalıq olmaz”. 

Müəllimlər iyulun 13-ü keçiriləcək onlayn apelyasiya prosesində də iştirak edəcəklər. 

Ekspert apelyasiya şikayətindən ümidli olmasa da, bu prosedurdan keçməli olduqlarını söyləyib. 

"Əvvəllər belə hallar olsa da, məhkəməyə qədər getməmişdik. Bu dəfə müəllimlər möhkəm dayanıblar”, – o əlavə edib. 

Şəbnəm Adil

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo