Sosial

“Hamıya bərabər şəkildə uşaqpulunun verilməsini məntiqsiz sayıram” - İqtisadçı

27 Noyabr, 2019
639
Əmək və Əhalinin sosial müdafiəsi naziri çıxışında uşaqpulunu vermək üçün 3,3 milyard manat tələb olunduğunu qeyd etmişdi və bu qədər vəsaitin bu məqsəd üçün gələn ilin büdcəsindən ayrılmasının mümkünsüz olduğunu bildirmişdi.

İqtisadçı Qubad İbadoğlu isə deyir ki, büdcəni rasionallaşdırmaqla bu pulu ayırmaq mümkündür. 

İqtisadçı feysbuk hesabında məsələni şərh edərkən bildirib ki, növbəti ilin dövlət büdcəsində iqtisadi təsnifat üzrə "Malların satınalması” bölməsi 28,2 faizlik xüsusi çəki ilə 7,6 milyard manat məbləğində nəzərdə tutulub: ""Büdcə zərfi”nə daxil edilmiş məlumatlar əsasında aparılmış təhlil həmin vəsaitin 45,6 faizinin "Sair xərclər” və "İstehlakyönümlü xərclər” üzrə proqnozlaşdırıldığını göstərir. Bu o deməkdir ki, 3,5 milyard manatlıq vəsait "Sair xərclər” və "İstehlakyönümlü xərclər” adı ilə qapalı saxlanılır, yəni bu xərc maddəsi üzrə 3,5 milyard manat hələ bölüşdürülməyib.

Hesablama Palatasının hesablamalarına görə, 2020-ci ilin dövlət büdcəsinin layihəsində birdəfəlik təyinatlı xərclər üzrə 4602,1 milyon manat nəzərdə tutulmuşdur ki, bu da 2018-cı ilin icra göstəricisindən 1534,5 milyon manat və ya 50 faiz çoxdur”.

Qubad İbadoğlu qeyd edib ki, 2020-ci il üçün nəzərdə tutulmuş birdəfəlik təyinatlı xərclərin dövlət büdcəsinin xərclərində xüsusi çəkisi 17,1 faiz təşkil edir: "Birdəfəlik təyinatlı xərclər üzərində son təyinatı icra hakimiyyəti müəyyənləşdirir. Bu xərc maddəsi də bölüşdürülməyib. Odur ki, rəhbərlər istəsəydilər uşaq pullarının ödənilməsi üçün 2020-ci ilin büdcəsini rasionallaşdırıb, vəsait ayıra bilərlər”. 

İqtisadçı Natiq Cəfərli isə hamının eyni qaydada, bərabərləşdirilmiş şəkildə uşaqpulu almasına qarşıdır: "Mən diferensial yanaşmağın tərəfdarıyam. Yəni aztəminatlı çoxuşaqlı ailələr, ailəsində əngəlli uşağı olanlar, doğurdan da sosial müavinət, uşaqpulu və ünvanlı yardım almalıdır. Uşağı var deyə hamıya ucdantutma  uşaqpulunun verilməsi utopik  sosialist yanaşmasıdır. Bir sosial problemin utopik təzahürüdür. Azərbaycanda elə ailələr var ki, onların heç birinin uşaqpuluna ehtiyacı yoxdur. Niyə onlar almalıdırlar? Niyə ehtiyacı olmayanlara da eyni vəsait verilməlidir? Yəni bu, doğru yanaşma deyil. Ona görə də dövlətin bir strateji yol xəritəsi olmalıdır və bu yol xəritəsinə uyğun olaraq düzgün indikatorlar vasitəsilə təsbit edilməlidir ki, doğrudan da, ehtiyacı olan insanlara sosial müavinət və uşaqpulu ünvanlı şəkildə verilmələdir. Burada bərabərlik prinsipinin düzgün olmadığını düşünürəm. Ucdantutma hamıya uşaq pulunun verilməsi vəziyyətdən çıxış yolu deyil”.

Natiq Cəfərlinin sözlərinə görə ölkədə 18 yaşına qədər olan uşaqların sayı nəzərə alınsa, dövlət büdcəsi  hər il bu qədər böyük vəsaitin qəbul olmasında böyük problemlərlə qarşılaşa bilər: "Hazırda neftin qiyməti normal vəziyyətdədir, neft gəlirlərimiz var. Bəs sabah nə olacaq? Sabahı da düşünmək lazımdır. Ona görə də bu məsələdə populizmə qarşıyam. Ünvanlı sosial yardımlar isə artırılmalıdır. Bərabər şəkildə hamıya uşaqpulunun verilməsini məntiqsiz sayıram. 100-200 manat verilsə, bu milyardlarla vəsait edəcək. Məhz verilən pulun həmin uşağa xərcləndiyinə dövlət tərəfindən nəzarət olunmalıdır. Xarici ölkələrdə bununla bağlı praktika belədir ki, uşaq pulu verilən ailələrə qəflətən yoxlamalar tətbiq olunur  və uşağa istifadə olunan pulların çeki tələb olunur. Doğurdan da, dövlətdən alınan vəsait uşağa xərclənir. Ola bilər ki, uşağa verilən vəsait başqa yerlərə xərclənib. Buna nəzarət mexanizmi olmalıdır. Ona görə də bu məsələyə daha ciddi  elmi-populizmdən kənar yanaşmağın tərəfindəyəm”.

Şəmsiyyə İbişova

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo