Siyasət

Məhkəmə Razim Əmiraslanlını həbsdə saxladı

20 Noyabr, 2019
582
Noyabrın 20-də Müsavat Partiyasının başqan müavini Razim Əmiraslanlının apelyasiya şikayətinə baxılıb.

Bakı Apelyasiya Məhkəməsinin hakimi Vaqif Mursaqulovun sədrliyi ilə keçirilən prosesdə başqan müavininin şikayəti təmin olunmayıb.

Razim Əmiraslanın vəkili Nemət Kərimli Toplum TV-yə deyib ki,  məhkəmə vəsatətlərin heç birini qəbul etməyib.

Məhkəmə prosesində  Razim Əmiraslanlı qeyd edib ki,  onun həbsi siyasi  xarakter daşıyır. 

"Onun həbs edilməsi  Müsavat Partiyasının noyabrın 10-na  təyin etdiyi piket və mitinqlə bağlıdır. Bugünkü məhkəmə prosesində isə  məsələni araşdırmaq üçün  vəsatətlər verildi. Vəsatətlərdən biri də polisin iddia etdiyi  avtobus sürüsünün arxasınca nalayiq ifadələr işlətməsi haqda oldu. Deyilən ərazidə yerləşən "Seval” marketinin qabağındakı videokameralardakı görüntülər, eləcə də şəxsin  polis bölməsinə daxil olarkən kameradakı video görüntüləri məhkəməyə təqdim etmələrini istədik, lakin vəsatətimiz təmin olunmadı.  Bununla da məhkəmə bir daha  sübut etdi ki, qərar siyasi xarakterlidir”.

Nemət Kərimli bildirib ki, inzibati qaydada saxlanılmış Razim Əmiraslanlının polis bölməsində əlinin qandallanması və ayaqqabılarının alınmasıyla bağlı da vəsatət qaldırılıb: "Konvensiyanın 3-cü maddəsinin pozulması məhkəmənin diqqətinə çatdırıldı. Məhkəməyə bildirildi ki, insan ləyaqətini alçaldan hərəkət edilib, digər tərəfdən də işgəncə əlamətləri var ki, 3-cü maddə tanınmalıdır. Lakin bu da təmin edilmədi”.

Razim Əmiraslanlı noyabrın 11-də saxlanaraq Binəqədi Rayon Məhkəməsinə aparılıb.

Məhkəmə Razim Əmiraslanlını İnzibati Xətalar Məcəlləsinin 535-ci (Polis işçisinin və ya hərbi qulluqçunun qanuni tələbinə qəsdən tabe olmama) maddəsinin tələblərini pozmaqda təqsirli bilib, onun barəsində 15 sutka inzibati həbs cəzası çıxarıb.

Elmar Əziz

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo