Sosial

Məktəblilərin keçdiyi piyada zolağının bərpasına niyə 1 ay vaxt lazım gəlir?

20 Oktyabr, 2020
452
"Övladlarımın oxuduğu məktəbin yaxınlığında piyada zolağı pozulub. Halbuki həmin yoldan hər gün yüzlərlə məktəbli keçir. Ora dörd yol ayırıcı olduğu üçün çox işləkdir, gün ərzində bir dəqiqə belə boş olmur. Bununla bağlı Bakı Nəqliyyat Agentliyinin qaynar xəttinə müraciət etmişəm və xahiş etmişəm ki, problem təcili həll olunsun. Bildiriblər ki, problemi həll edəcəklər, amma bu, tezliklə baş verməyəcək, çünki  müəyyən prosedur qaydalarına əməl olunmalıdır. Mən bu cavabla necə razılaşa bilərəm? O yolda hər an onlarla insanın həyatı təhlükədədir, o cümlədən də mənim uşaqlarımın". Bunu "Toplum TV" - yə Biləcəri sakini Rəsmiyyə Sadıqova deyib. 
 
Məsələylə bağlı "Toplum TV" - yə açıqlama verən Bakı Nəqliyyat Agentliyinin mətbuat katibi Mais Ağayev piyada zolaqlarının vaxtaşırı yeniləndiyini bildirib: "Əməkdaşlarımız mütəmadi olaraq ərazilərə baxış keçirirlər. Bundan əlavə, vətəndaşların müraciətləri əsasında da xətlər bərpa olunur". Biləcəri sakinin qaldırdığı problemə - keçidin bərpa olunma müddətinə gəlincə, M.Ağayev bunu prosedur qaydalarıyla əlaqələndirib. "Əməkdaşımız pozulmuş keçidə baxış keçirir və məktub hazırlayaraq Dövlət Yol Polisinə göndərir. Məktub DYP-də baxılır və müvafiq cavab verilir. Yəni əgər həmin ərazidə piyada keçidinin olması nəqliyyatın hərəkətinə mane olmursa, yolun işləkliyi çox aşağı deyilsə, müsbət cavab verilir. Bundan sonra Nəqliyyat Agentliyinin sifarişi əsasında podratçı qurum gedib xətləri yeniləyir. Bütün bu işlər bəzən bir aya, bəzənsə bir az da artıq vaxt aparır".

Mais Ağayev deyir ki, rəngi getmiş keçidlərin bərpası zamanı da eyni proses həyata keçirilir. Yəni DYP-yə məktubla müraciət olunur, icazə istənir: "Məsələ bundadır ki, piyada keçidlərini bizdən əvvəl DYP çəkib və keçidlərin qeydiyyatını aparmayıb. 2015-ci ildə Bakı Nəqliyyat Agentliyi yaradıldıqdan sonra biz bu qeydiyyat məsələsini sıfırdan başlamalı olmuşuq. Ona görə də pozulmuş keçidlərin bərpa edilməsi zamanı da ilkin çəkiliş zamanı həyata keçirilən prosedur yerinə yetirilir".
 

 
"Bu müddət ərzində o keçidindən istifadə edən insanların həyatı təhlükədə olur. Proseduru sadələşdirmək mümkün deyilmi?" sualına M.Ağayev "Hələ ki ən asan yol budur. Əlbəttə, biz prosedurun təkmilləşdirilməsi üçün yollar axtarırıq" deyə cavab verib.

Nəqliyyat məsələləri üzrə ekspert Ərşad Hüseynov "Toplum TV"-yə açıqlamasında bildirib ki, Azərbaycanın qanunvericiliyində piyada keçidlərinin bərpasıyla bağlı normativlər yoxdur. "Əslində,  problem yaranan kimi bir neçə saat ərzində aradan qaldırılmalıdır və qanunvericilikdə boşluq varsa belə, bundan su-istifadə edilməməlidir. Çünki burda insanların həyatına təhlükədən söhbət gedir". 
Ekspert deyir ki, başqa ölkələrdə piyada keçidlərinin pozulması hallarını aşkarlamaq üçün müxtəlif effektiv üsullardan istifadə olunur. "Yəni buna nail olmaq lazımdır ki, yol nişanları və ya piyada keçidlərilə bağlı hər hansı problem yarandıqda, cavabdeh təşkilat özü dərhal bundan xəbər tutsun və problemi həll etsin".
 
Qızılgül Abdinova

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo