Siyasət

Nazir müavini: "Özlərini təbiət cəfakeşi təqdim edirlər”

25 Noyabr, 2019
573
"Ömründə bir ağac belə əkməyənlər, özlərini təbiət cəfakeşi təqdim edirlər”

"2017-ci idə Meşə Məcəlləsinə edilən dəyişikliyə əsasən, meşələrin icarəyə götürülməsi məsələsi uzadıldı. Bu vaxta qədər isə meşələrin icarəsi 10 illə məhdudlaşırdı”, - bu sözləri jurnalistlərə açıqlamasında Ekologiya və təbii sərvətlər nazirinin müavini Firdovsi Əliyev deyib.

"Elə ağaclar var 5-6 ildən sonra məhsul verməyə başlayır. Bu zaman icarə üçün milyonlarla manat xərcələyən sahibkar üçün meşəni qısa zamana icarəyə götürmək maraqlı olmur. Bu səbəbdən icarə müddəti uzadıldı. Artıq meşə ilə örtülü olmayan ərazilər də sahibkarlara icarəyə verilir. Orada yerli şəraitə uyğun ağacların əkilməsi ilə bağ salınır. Bu, Azərbaycanda həm məhsul bolluğunun yaranmasına, həm də əlavə iş yerlərinin açılmasına səbəb olur”, - nazir müavini fikrini belə əsaslandırıb.

Onun sözlərinə görə, sosial şəbəkələrdə aqrobağların salınması ilə bağlı görülən işlərə kölgə salmaq məqsədilə düzgün olmayan informasiyalar yayılır.

"Bu məlumatlar onların təxəyyülünün nəticəsidir. Onların da bir neçəsi meşə müəssisələrində işləyib, ordan çıxarılan şəxslərdir. Ömründə bir ağac belə əkməyən şəxslər, özlərini təbiət cəfakeşi kimi təqdim etmək istəyirlər, amma hər kəs onları yaxşı tanıyır. Nazirlik olaraq bütün şikayətçiləri dinləməyə hazırıq", - deyə F.Əliyev bildirib.

Eko-fəal Cavid Qara Toplum Tv-yə açıqlamasında deyib ki, Ekologiya və Təbii Sərvətlər Nazirliyində birillik müqavilə əsasında işləyib və müqavilə müddətinə 2 ay qalmış öz ərizəsilə işdən ayrılıb: "Biz təxəyyüllə yox, qanunun maddələri ilə danışırıq. Onlar qanunun hansı maddəsinə istinad etdiklərini bildirməlidirlər”.

Cavid Qara deyib ki, icarə müqaviləsi 10 ildən 49 ilə uzadılıb və burada aqrobağ salınması nəzərdə tutulmayıb: "Sözügedən ərazilərdə min hektarlarla meşə fondu torpaqlarının aqrobağ salınması məqsədi ilə icarəyə verilməsinin "Meşə fondu torpaqlarının icarəyə verilməsi" Qaydası haqqında Nazirlər Kabinetinin qərarını kobud sürətdə pozması ilə bağlı bizdə əsaslı narahatlıqlar var. Belə ki, sözügedən qərara əsasən ancaq meşə bitkiləri ilə örtülü olmayan ərazilər meşə bərpası məqsədilə icarəyə verilə bilər və bu proses aşkarlıq şəraitində, yerli icmanın maraqları nəzərə alınmaqla , imtiyazlı şəxslərə üstünlük verilməklə baş tutmalıdır. Sözügedən qərarın heç bir maddəsində "aqrobağ” sözü və buna oxşar ifadə işlənməyib. Bağlanmış icarə müqavilələrinə xitam verilməsi üçün yetərincə hüquqi əsasların ortaya çıxıb. Meşə Məcəlləsinə istinadən (maddə 7.) "kənd təsərrüfatı məhsullarının istehsalı üçün istifadə edilən bitkilərdən ibarət yaşıllıqlar (əkinlər)” meşə fonduna daxil olmayan yaşıllıqlara aid edilir. Həmçinin, aparılan irimiqyaslı kürümə işlərinin meşə qırılması, məşə salınması və ya aqropark adlandırmasından asılı olmayaraq, "Ətraf Mühitə Təsirin Qiymətləndirilməsi haqqında” Qanuna əsasən,"böyük ərazilərdə (5 ha-dan çox olan) meşələrin irimiqyaslı qırılması və ya irimiqyaslı (10 ha-dan çox olan) meşəsalma”, "irimiqyaslı kənd təsərrüfatı (aqroparklar)” fəaliyyyətləri üzrə layihələr "Ətraf mühitə təsirin qiymətləndirilməsi tələb olunan fəaliyyət növlərinin siyahısı”-na daxildir. Bunlardan başqa aqropark salınması ilə bağlı ətraf mühitə təsirin qiymətləndirilməsi ilə bağlı hesabat sənədi hazırlanmalıdı”.

Roza Məmmədova

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo