17:50, 24 Sentyabr 2020 (Cümə axşamı) 137

Putin "Nobel"ə namizəd oldu

Putin


/ DÜNYA
Rusiya prezidenti Vladimir Putinin Nobel Sülh mükafatına namizədliyi irəli sürülüb.

Bu barədə rus yazıçı Sergey Komkov məlumat yayıb.

"RİA Novosti” xəbər verir ki, bunu Komkov "Rusiya prezidenti Vladimir Putinin 2021-ci ildə Nobel Sülh Mükafatına namizəd göstərilməsi” ilə bağlı keçirilən mətbuat konfransında deyib. 

O, namizədlik üçün müraciətlərin sentyabrda başlandığını və oktyabrda sona çatacağını bildirib. 

Onun sözlərinə görə, komitə marta qədər mürciətləri nəzərdən keçirəcək və mart-aprel aylarında təklifi göndərənlərə müraciətin qəbul edildiyi, baxıldığı və qeydiyyata alındığı barədə məlumat verəcək. 

Prezidentin mətbuat katibi Dmitri Peskov Putinin "Nobel”ə namizəd göstərilməsinə münasibət bildirib. 

"Bilirsiniz ki, bu mükafata müxtəlif insanların namizədliyi irəli sürülür. Bu, belə bir təkliflə çıxış edənlərin təşəbbüsüdür. Bu halda təşəbbüskar qeyd etdiyiniz yazıçıdır. Namizədlərə baxmağın müəyyən bir proseduru var. Qərar verilsə, çox gözəl olar. Verilməsə də, dəhşətli bir şey deyil. Burada başqa bir şey söyləmək çətindir”, - Peskov deyib. 

Vladimir Putin 1975-ci ildə Leninqrad Universitetini (universitetin yeni adı, Sankt-Peterburq Universiteti) beynəlxalq hüquq fakültəsini bitirib.

İlk dəfə 2000-2008-ci illər arasında Rusiya prezidenti vəzifəsini icra edib. 

O, 2000-2020 illər ərzində üç dəfə prezident seçilib. 

Hazırda Rusiya Federasiyasının prezidentidir.

Elməddin Şamilzadə