Sosial

Qəbul imtahanı necə keçiriləcək, abituriyentlər narahatdır

26 Mart, 2020
2363
Səadət Kərimovanın övladı 11-ci sinif şagirdidir. 

O, ali məktəblərə qəbul imtahanlarının nə vaxt və necə keçirilməsi barədə məlumatsız olduğu üçün narahatdır. 

Ölkədə koronavirusla bağlı xüsusi karantin elan olunib, bundan öncə - martın 3-də orta və ali məktəblərdə tədris dayandırılıb. Bu səbəbdən ali və orta ixtisas müəssisələrinə apreldə keçirilməli qəbul imtahanları da ertələnib. 

Valideynlər və abituriyentlər gərgindirlər, rəsmi qurumlarsa dəqiq danışa bilmirlər.

"Övladım stress yaşayır. Elə mən də narahatam. Bu təhlükə keçib gedəcək. Amma mən istəmirəm ki, bu vəziyyət oğlumun gələcək təhsilinə təsir etsin”, - Səadət Kərimova danışır.

O, həmçinin imtahan qaydalarında dəyişikliklərin olub-olmamasına görə də narahat olduğunu bildirir: "Mövcud vəziyyətdə oğlum vaxt darlığına görə həyəcan yaşayır. Hansısa yeni qaydaların tətbiq ediləcəyi barədə də məlumatımız yoxdur”.

Təhsil eksprti Kamran Əsədovsa qəbula hazırlaşanları arxayınlaşdırmağa çalışır. 

Ekspert "Facebook” hesabında yazır ki, qəbul imtahanlarında keçirilməyən mövzular test tapşırığına salınmayacaq: "Dövlət İmtahan Mərkəzinin (DİM) keçirdiyi bu ilki bütün növ imtahanlarda tədris olunmayan mövzulardan suallar tərtib olunmayacaq. Bu o deməkdir ki, 3 martdan etibarən 9-cu və 11-ci sinif şagirdlərinin keçməli olduğu, amma keçə bilmədiyi mövzulardan test tapşırığı salınmayacaq”. 

Repetitorluqla məşğul olan Zeynəbxanım Hüseynova isə keçirilməyən mövzuları izah etməkdə israrlıdır: "Mövzular bir-biri ilə əlaqədardır. Belə bir qərar olsa da, abituriyentlərimə keçirilməyən mövzuları izah etməyə çalışacağam”.

K. Əsədovsa Toplum Tv-yə açıqlamasında keçirilməyən mövzuların imtahana salınmamasını ədalətli saydığını bildirir: "Ali təhsil müəssisələrinə qəbul zamanı orta məktəb müəssisələrində qavranılmış biliklər və formalaşmış bacarıqlar yoxlanılır”.

Koronavirus təhlükəsi ilə bağlı təhsil prosesinin dayandığını vurğulayan ekspert bunun elektron resurslar hesabına tam şəkildə formalaşdırılmağın mümkün olmadığını qeyd edir: "Hətta tədris bərpa edildikdən sonra belə dərinləşdirilmiş, gücləndirilmiş dərslər belə keçirilsə tədris prosesinin axarı pozulub. Buna görə də həmin mövzularda test tapşırıqları tərtib edilərək şagirdlərin bilikləri yoxlanıla bilməz. Şagirdlərin dövlət tərəfindən lazımi dərs vəsaitləri ilə təmin olunması və eyni zamanda, elektron dərslər keçirilməsinə baxmayaraq, bunların heç bir proqramı tam mənimsəməyə imkan vermir”.

Təhsil eksperti Nabatəli Qulamoğlu da hesab edir ki, bu daha düzgün addımdır: "Şagirdlər keçirilməmiş mövzular haqqında məlumat əldə etsələr də, bunları ciddi emal etmək imkanları olmadığından nəticə effektiv olmayacaq. Çünki şagird məlumatı müəllim vasitəsilə emal edir. Hazırki vəziyyətdə isə bu mümkün deyil. Buna görə də Dövlət İmtahan Mərkəzinin(DİM) buna yönəlik addımlarını düzgün hesab edirəm”.

Azərbaycanda Novruz bayramı ilə bağlı qeyri-iş günü olduğundan məsələylə bağlı Dövlət İmtahan Mərkəzindən qəbul imtahanları ilə bağlı məlumat almaq mümkün olmadı. 

Vüsalə Mikayıl

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo