Müsahibə

Rəşad Museyibzadə: "Almaniyada təhsil daha sistemlidir"

19 Oktyabr, 2018
3392
Rəşad Müseyibzadənin imzası ara-sıra yerli mətbu orqanlarda görünsə də, o, jurnalistikanı deyil, ixtisası üzrə peşəkarlaşmağı seçib. 

Azərbaycan Tibb Universitetini bitirən Rəşad Müseyibzadə Almaniyada təhsilini davam etdirib, sonradan isə elə orada da işləməyə qərar verib. 

O, Bayern əyalətinin Bad Aiblinq şəhərində "Ghersburg Geriatriya” reabilitasiya mərkəzində çalışır.

Azərbaycandan xarici ölkələrə müalicə üçün gedənlərin çoxluğu daim mətbuatın gündəmindədir. İmkansızların yaxın ölkələrə - İrana, Gürcüstana, bir qədər imkanı olanların isə Türkiyə və Almaniyaya üz tutduqları deyilir. Almaniya səhiyyəsinin vəziyyəti haqda məlumatlar bu ölkəyə marağı daha da artırır.

Toplum Tv də bu marağı nəzərə alaraq Rəşad Müseyibzadə ilə söhbətləşib.

- Rəşad bəy, Almaniyadaki təhsillə Azərbaycandakı təhsilin fərqi nədədir?

- Almaniyada daha peşəkar təhsil verilir. Tibb sahəsi sırf almancadır, digər sahələrdə isə ingiliscə də təhsil almaq mümkündür. Mənim sahəm tibb sahəsidir və məcburən alman dilində oxuyuram, yeni dərman və üsullar haqda öyrənmək imkanım daha çox olur. Bu da insanın öz sahəsində inkşafına gətirib çıxarır. Almaniyada təhsil daha sistemlidir. İş vizası aldıqdan sonra, xəstəylə baş-başa qalmağa imkanın daha çox olur. Orada həkimlərə güvən çoxdur.

- Xarici tələbələrin adaptasiya prosesinə yardımcı olacaq mühit varmı?

- Buna ehtiyac da olmur. Xarici  tələbələrlə, alman tələbələrlə və ya iş yoldaşları ilə normal ünsiyyət qurmağa başladılarsa, adaptasiyaya ehtiyac da qalmır. Xüsusən də xəstəxanalarda sənə nəsə öyrətməyə meyilli olurlar. Ən üst təbəqədən, ən alt təbəqəyə qədər hər kəs sənin öyrənməyin üçün şərait yaradır.

- Ümumiyyətlə, Azərbaycanla Almaniya səhiyyəsi arasında fərq nədədir?

- Tibblə bağlı yeniliklər çoxdur. Orada öyrəndiyim bir çox şey var ki, onu Azərbaycanda heç eşitməmişəm. Bizim savadımız əslində onların savadından geri qalmır. Sadəcə, dərmanlar, üsullar yenidir. Bunları öyrənirsən. Burda azərbaycanlıların öyrənməsi üçün çətinlik yoxdur.

- Bir həkim kimi iş tapmaq asandırmı? Orada həkim işləyən azərbaycanlılar çoxdurmu? 

- Azərbaycanlı və alman tələbələrin iş tapma prosesi fərqlidir. Biz birinci hansısa xəstəxanaya yazırıq: "Olarmı gəlib sizdə təcrübə keçək?” Dil seritifikatından əlavə tibbi dillə bağlı da imtahan veririk. Almaniyada xarici həkimlərə ehtiyac var. İş görüşməsində xoşlarına gəlsən, səni işə götürürlər. Yəni çətin proses deyil. Rahatlıqla iş tapmaq mümkündür.
Ümumiyyətlə, xaricdə azərbaycanlı həkimlərin sayı çoxudur və hamısı da yüksək səviyyəli yerlərdədirlər. Bu gün də azərbaycanlı həkimlərin Almaniyaya axını davam edir.

- Sizin ixtisasınız da fərqlidir. Bildiyim qədər Azərbaycanda, bu, hələ tətbiq olunmur…

- Mənim hazırda işlədiyim yer 70-75 yaş sonrası xəstələrin terapiyası və psixoterapiyası ilə məşğul olan bir reabilitasiya mərkəzidir. Tutaq ki, hansısa xəstənin ayağı sınıb, müalicə olunub və daha sonra bizə  müraciət edib. Ya da hər hansı psixoloji problemi olan bir şəxs gəlib bizdə reabilitasiya keçir. Əslində, bunun Azərbaycanda tətbiqi mümkündür. Sadəcə buna vəsait lazımdır. Bunlar Almaniyada sığorta şirkəti ilə baş verir. Yəni xəstənin cibindən bir qəpik də çıxmır. Bunun bizdə tətbiqi üçün, ilk növbədə, sığorta sistemi normal olmalıdır. 

Gülzar N. Məmmədli
Toplum TV

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Müsahibə

İH şöbə müdiri: Problem müharibə iştirakçılarının işsizliyidir

17 İyul 2022

Toplum TV

Qazi Elvin Cəfərovun Sabirabad rayon İcra Hakimiyyəti qarşısında özünü yandırmasından sonra Toplum TV icra başçısı Siraqəddin Cabbarova  iki  dəfə müsahibə üçün müraciət edib, ancaq başçı hər dəfə çox məşğul olduğunu bildirərək müsahibə verməyib. Suallara  Sabirabad rayon İcra Hakimiyyəti yanında Vətən müharibəsi iştirakçıları və şəhid ailələri ilə işin təşkili şöbəsinin müdiri Müslüm Rzayev cavab verib. -Elvin Cəfərovdan başqa da Sabirabadda qazi intiharları olub. Sizcə niyə qazilər etiraz üçün son varianatı - intiharı seçirlər? - Özünü asan qazini nəzərdə tutursunuz yəqin. Onun da ailəsi intiharın səbəbi ilə bağlı müraciət edib, bizim rəhbərlik onları qəbul edib, dinləyib. Kim bu barədə soruşursa, öyrənmək istəyirsə,...
Müsahibə

Rasim Balayev AKİ-yə sədr seçildi

31 May 2022

açıq mənbədən götürülüb

Azərbaycan Kinematoqrafçılar İttifaqının (AKİ) İdarə Heyətinin ümumi yığıncağı baş tutub. Report-un xəbərinə görə, Xalq artisti Rasim Balayev ittifaqın sədri seçilib. Toplantını Azərbaycan Yazıçılar Birliyinin sədri, Xalq yazıçısı Anar Rzayev açıb və ittifaqın sədrliyinə Rasim Balayev namizədliyinin irəli sürüldüyünü deyib. Anar Rzayev seçkinin açıq səsvermə ilə keçirilməsini təklif edib və onun təklifi qəbul olunub. Açıq səsvermə ilə Rasim Balayev Azərbaycan Kinematoqrafçılar İttifaqının yeni sədri seçilib. İttifaqın əvvəlki sədri Xalq yazıçısı Rüstəm İbrahimbəyov martın 10-da Rusiyada vəfat edib. O, Birinci Fəxri Xiyabanda dəfn olunub.

Seçilmiş Videolar

Toplum TV loqo