10:30, 10 Dekabr 2019 (Çərşənbə axşamı) 170

Rusiyaya idman yarışlarında iştirak etmək qadağan olundu

Rusiyaya idman yarışlarında iştirak etmək qadağan olundu


/ DÜNYA
Ümumdünya Antidopinq Agentliyi (WADA) Rusiyanı dörd il müddətinə cəzalandırıb.

Bu, Rusiyanın analiz nəticələrinin məlumat bazasını saxtalaşdırmaqda ittiham olunmasından sonra baş verir.

WADA-nın qərarına əsasən Rusiya Tokioda keçiriləcək 2020-ci il Yay Olimpiada Oyunları və Qətərdə keçiriləcək 2022 Futbol üzrə Dünya Kuboku da daxil olmaqla, əsas idman tədbirlərinə iştirak edə bilməyəcək. Rusiyaya həmçinin idman tədbirlərinə ev sahibliyi etmək də qadağan edilib.
 
Qurumun yaydığı hesabatda 45 belə idmançının 4 növü təmsil etdiyi açıqlanıb. Onlardan 41-i ağırlıqqaldıran, 2-si taekvondoçu, hərəyə 1-i güləşçi və kanoçidir.

Bundan başqa, WADA Beynəlxalq Atletika Federasiyaları Assosiasiyasını Rusiyadan olan 66 idmançının işi ilə bağlı məlumatlandırıb. Daha 2 hal isə biatlonçulara aiddir.

Buna baxmayaraq, dopinq istifadə etmədiklərini sübut edən rusiyalı atletlər neytral bayraq altında yarışlarda çıxış edə bilərlər.

Qadağanın Rusiyanın Avro-2020 futbol çempionatında iştirakına təsiri olmayacaq. Gələn yay futbol turnirində Sankt-Peterburq da ev sahibi şəhərlərdən biri olaraq qalacaq.

Qadağa barədə qərar WADA-nın İsveçrənin Lausanne şəhərində keçirilən tədbirində qəbul edilib.

WADA rəsmiləri bəyan ediblər ki, Rusiyanın qərardan etiraz şikayəti vermək üçün 21 gün vaxtı var, əgər bu baş versə onlar İdman Arbitraj Məhkəməsinə müraciət edəcəklər.

WADA-nın vitse-prezidenti Linda Helleland qadağanın "yetərli olmadığını" söyləyib.

O, sanksiyalar tələb etdiyini bildirib.
 
Bu ilin əvvəlində WADA-nın Uyğunluğa Nəzarət Komitəsi (CRC), Rusiya Antidopinq Agentliyini (Rusada) idmançıların analiz nəticələrinin əsas bazasında olan nəticələrə uyğun olmadığını elan edib.

Rusada-nın rəhbəri Yuri Ganus kiminsə "minlərlə" girişi dəyişdirdiyini və ya sildiyini təsdiqləyib.

Rusiyanın idman naziri Pavel Kolobkov BBC-dən Sarah Rainsford-un suallarını cavablandırmayıb və deyib ki, Lausanne görüşünün nəticələrini gözləmək lazımdır.

Rəsmilər 2014 Soçi Qış Olimpiya Oyunlarını keçirdiyi zaman da daxil olmaqla, dopinq istifadəsini ört-basdır etməkdə ittiham olunur.

Rusiyanın keçən il Cənubi Koreyada keçirilən PyeongChang Qış Olimpiya Oyunlarında iştirakı qadağan edilmişdi, ancaq Rusiyadan olan dopinq istifadə etməmiş olduqlarını sübut edən idmançılara neytral bayraqla çıxış etməyə icazə verilmişdi.