Siyasət

Siyavuş Novruzov: “Fazil Mustafanın da, Etibar Əliyevin də dediklərini müsbət dəyərləndirirəm”

1 İyul, 2020
2599
"Deputatlar xalq tərəfindən seçilməsələr də, parlamentdə xalqı təmsil edir. Ünvanlarına deyilən təhqiramiz ifadələrə dözmək onların borcudur, lakin belə ifadələrdən istifadə etmələri yolverilməzdir”. 

Son günlərdə millət vəkillərinin nitqlərində rast gəlinən təhqiramiz ifadələri şərh edərkən Müsavat başqanı Arif Hacılı Toplum tv-yə belə deyib. 

İyunun 8-də Milli Məclisin deputatı Fazil Mustafa Dadaş Bünyadzadə küçəsində polisin əməllərini pisləyənləri "it sürüsü” adlandırıb. 

Bir neçə gün əvvəl isə digər deputat Etibar Əliyev öz feysbuk profilində bloger Mehman Hüseynova "şərəfsiz” deyə müraciət edib.  

Arif Hacılı isə bildirir ki, bu kimi məsələlər kimlərinsə mülahizələri ilə yox, qanunla tənzimlənməlidir. 
 

 
"Azərbaycanda hüquqi mühit olmadığından belə məsələlər hakimiyyətin istəkləri əsasında həll olunur. Xalqın ünvanına təhqir səsləndirənlər cavabsız qalır, amma onlara qarşı kəskin ifadələrdən istifadə edənlər cəzalandırılır”, – Müsavat başqanı əlavə edib. 

O, Müsavat Partiyasının siyasi mübarizədə təhqiramiz ritorikanı, qara piar kampaniyasını qeyri-məqbul hesab etdiyini də qeyd edib. 

Seymur Həzi: "Onları xalq seçsəydi, xalqdan yana olardılar”
 

 
AXCP sədrinin müavini Seymur Həzinin fikrincə, hökumətin saxta yolla belə adamları parlamentə yığması elə öz siyasətlərinə qarşı çıxanları söydürmək məqsədi daşıyır. 

O qeyd edib ki, həm Fazil Mustafa, həm də Etibar Əliyev onları seçənlərin tərəfini saxlayıblar: "Onları xalq seçsəydi, xalqdan yana olardılar”. 

Seymur Həzi sonda bildirib ki, heç kəsin təhqirdən istifadə etməməlidir.   

Siyavuş Novruzov: "Onların dedikləri heç bir məsuliyyət yaratmır”
 

 
Milli Məclisin deputatı Siyavuş Novruzov isə Toplum tv-yə açıqlamasında Fazil Mustafanın və Etibar Əliyevin səsləndirdiyi fikirləri müsbət qiymətləndirdiyini bildirib. 

O qeyd edib ki, Etibar Əliyev əslində xalqı təhqir edən Mehman Hüseynovu təhqir edib: "Mehman dovşan paltarı geyinərəl xalqı təhqir edib. Əgər kimsə mənim təmsil olunduğum Azərbaycan xalqını təhqir edirsə, mən onu yeddi qat təhqir edərəm”. 

Siyavuş Novruzovun sözlərinə görə, deputatların dedikləri heç bir məsuliyyət yaratmır. 

"Gedin qanunları bir də oxuyun” - o, əlavə edib. 

Deputatdan məsələ ilə bağlı parlamentdə hər hansı bir tədbirin görüldüyünü soruşduqda isə o, bu barədə fikir bildirməyin səlahiyyətlərinə daxil olmadığını deyib: "Kimsə təhqir edirsə, bunun məsuliyyətini mən daşıyıram?”

Siyavuş Novruzov keçən il Milli Məclisin iclasında təhqirlərə qarşı yaxasını kənara çəkən deputatları pisləyib. 

O qeyd edib ki, söyüş söyən şəxslərə qarşılıqlı cavab verilməlidir: "Parlament haqqında deyilən söz bütün deputatlara aiddir. Əgər bizə söz deyilirsə, biz onlardan 20 dəfə artıq deməliyik”. 

Fariz Namazlı: "Deputatların təhqiramiz ifadələri etik məsuliyyət yaradır”
 

 
Vəkil Fariz Namazlı isə deyir ki, "Azərbaycan Respublikası Milli Məclisi deputatının etik davranış qaydaları haqqında” qanuna görə, deputat öz fəaliyyətində insanların şərəf və ləyaqətini alçaldan, işgüzar nüfuzuna xələl gətirən kobud, təhqiramiz söz və ifadələrə yol verməməlidir. 

Hüquqşünas qeyd edir ki, etik davranış qaydalarının pozulmasına görə, deputat Milli Məclisin Daxili Nizamnaməsi ilə müəyyən edilmiş qaydada məsuliyyət daşıyır: "Bu qaydalara əməl olunmasına nəzarət isə Milli Məclisin İntizam Komissiyası tərəfindən həyata keçirilir”. 

Fariz Namazlı bildirir ki, Fazil Mustafanın və Etibar Əliyevin istifadə etdikləri ifadələr AR Konstitusiyasının 89. maddəsinin (Azərbaycan respublikası Milli Məclisi deputatlığından məhrumetmə və Azərbaycan Respublikası Milli Məclisi deputatlarının sılahiyyətlərinin itirilməsi) 7-ci bəndinə (Deputat üçün qanunla müəyyən edilmiş etik davranış qaydalarını kobud surətdə pozduqda) əsasən, etik məsuliyyət yaradır.  

AR Milli Məclisinin Daxili Nizamnaməsinin 45. Maddəsinin ( Milli Məclis deputatlarının parlamentdaxili məsuliyyətinin əsasları ) 1-ci bəndində deyilir: "Milli Məcıisin deputatı "Azərbaycan Respublikazsı Milli Məclisi deputatının etik davranış qaydaları haqqında” qanunu ilə müəyyən edilmiş etik davranış qaydalarını pozduqda və ya kobud surətdə pozduqda parlamentdaxili məsuliyyətə cəlb olunur”. 

Daxili Nizamnamənin 46. maddəsində isə (Parlamentdaxili məsuliyyətə cəlb olunan Milli Məclisin deputatına tətbiq edilən intizam tədbirləri) deyilir ki, bu Daxili Nizamnamənin 45-ci maddəsinin birinci hissəsində göstərilən əsaslara görə, Milli Məclisin deputatı barəsində xəbərdarlıq, söz kəsmə, iclas salonundan çıxarma, töhmət, deputat səlahiyyətlərinin itirilməsi kimi intizam tədbirlərindən biri tətbiq edilir. 

Şəbnəm Adil

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo