Siyasət

Tofiq Yaqublunun məhkəməsinin vaxtı açıqlandı

18 Sentyabr, 2020
365
Bakı Apelyasiya Məhkəməsi Tofiq Yaqublu barəsində verilmiş apelyasiya şikayətinin hazırlıq iclasını sentyabrın 18-də saat 16:00-a təyin edib. 

Bu barədə T.Yaqublunun vəkili Aqil Layıc məlumat yayıb: "Bakı şəhəri Nizami Rayon Məhkəməsinə verdiyim vəsatəti geri götürdüm. Bakı Apelyasiya Məhkəməsi Tofiq Yaqublu barəsində verdiyimiz apelyasiya şikayətinin hazırlıq iclasını bu gün saat 16:00-a təyin edib. Azadlığa qovuşması məsələsinə də bu gün baxılacaq".

Bir gün əvvəl apelyasiya məhkəməsi sentyabrın 28-nə təyin edilmişdi. Həmin gün, sentyabrın 17-də Ədliyyə Nazirliyi və TƏBİB-in nümayəndələri "City Hospital"da müalicə olunan Tofıq Yaqubluya baş çəkiblər.

TƏBİB-in İdarə Heyəti sədrinin müşaviri Şəhriyar Fətullayev bildirib ki, xəstənin vəziyyəti kafi qiymətləndirilir: "Biz həkim olaraq dərhal aclığı dayandırmasını tövsiyə etdik. Əks halda, aclıq prosesi davam etdiyi müddətdə orqanizmində gedən metobolik proseslər daha da dərinləşə bilər. Hazırkı vəziyyətində isə həyatı üçün təhlükə yoxdur. Ümumi olaraq, T.Yaqublunun vəziyyəti kafi-ağır qiymətləndirilir".
 
Tofiq Yaqublunun qızı Nigar Həzi Toplum TV-yə açıqlamasında bildirib ki, bununla əslində hökümət TƏBİB vasitəsilə Tofiq Yaqublunun vəziyyətinin ağır olduğunu etiraf edir.

N.Həzi ayın 17- də ailəvi görüş zamanı da T.Yaqyblunun vəziyyətinin kritik olduğunu deyib: "Ailəvi görüş olsa da, ancaq anama görüş üçün icazə verildi. Anam onun halsız və güclə danışdığını deyir".

Həkim Adil Qeybulla Toplum TV-yə açıqlamasında Tofiq bəyin vəziyyətinin hazırda kritik ağır olmasa da, potensial ağır dərəcədə olduğunu bildirib: "Yəni hər an kollaps ola bilər, komaya düşə və ya ürəyi dayana bilər. Hər şey ola bilər. Çünki bu insan artıq 17 gündür ki, aclıq edir".

Tofiq Yaqublu bu il martın 22-də həbs edilib.  O, Cinayət Məcəlləsinin 221.3 (silah qismində istifadə olunan əşyalar tətbiq etməklə xuliqanlıq etmə) maddəsi ilə ittiham olunub.

Nizami Rayon Məhkəməsi Tofiq Yaqublunun 4 il 3 ay müddətinə azadlıqdan məhrum edilməsi barədə hökm çıxarıb.
Tofiq Yaqublu isə həbsinin siyasi sifariş olduğunu bildirib. 

O, sentyabrın 2-dən həbsinə etiraz olaraq aclıq aksiyası keçirir. Tofiq Yaqublu hazırda aclıq aksiyasının 17-ci günündədir. O, sentyabrın 12-də istintaq təcridxanasından "City Hospital"a köçürülüb.

Vüsalə Mikayıl

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo