Siyasət

Vəkillər: "Tofiq Yaqublunun şikayəti Avropa Məhkəməsinə göndəriləcək"

20 May, 2020
1037
Müsavat Partiyası və Milli Şuranın Koordinasiya Mərkəzinin üzvü Tofiq Yaqubluya göndərilən pul və geyim əşyalarının ona çatdırılmadığı bildirilir.

Bu barədə bir neçə gün öncə qızı Nigar Həzi məlumat yayıb. 

Həmin məlumatda qeyd olunur ki, geyim əşyalarının qəbul edilməməsi ilə yanaşı, telefon danışıqlarına da maneələr yaradılır. Belə ki, bütün məhbuslardan sonra ona telefonla danışmaq icazəsi verilir. 
 
Bəs hazırda durum necədir? 

Nigar Həzi: "Sabahdan geyim və sovqata məhdudiyyətin götürüldüyü deyilir" 

Nigar Həzi Toplum TV-yə deyib ki, sabahdan, mayın 21-dən həbsxanada məhdudiyyətlərin aradab qalxacağı bildirilir: "Tofiq Yaqublu ilə bu gün danışmışam, əhvalı yaxşı idi. Sabah sovqat və geyim aparacağam. Çünki artıq icazə verirlər. Əvvəl problemli idi, rahat deyildi. Ancaq sabahdan etibarən geyim və sovqat aparmaq mümkün olacaq”.

Nigar Həzi Tofiq Yaqublunun həbsi ilə bağlı hüquqi addımların da davam etdirildiyini deyib.

O bildirib ki, şikayət Avropa İnsan Haqları Məhkəməsinə göndəriləcək: "Növbəti mərhələ Ali Məhkəməyə şikayət etmək olacaq, ondan sonra isə Avropa Məhkəməsinə şikayət göndərəcəyik”.

Nemət Kərimli: "Sonrakı addımımız Avropa Məhkəməsinə müraciət etmək olacaq”

Tofiq Yaqublunun vəkili Nemət Kərimli isə Toplum Tv-yə Tofiq Yaqublu ilə görüşdə qanundankənar yoxlamaların olduğunu bildirib: "Görüşə bilirik, lakin mənim, eləcə də digər vəkillərin görüşündə lazımsız, qanunazidd yoxlamalar olur”.
 
Vəkil Elçin Sadıqov da Tofiq Yaqublu ilə görüşdüyünü və onun həbsi ilə bağlı hüquqi addımların ardıcıl aparıldığını deyir: "Artıq onun şikayətini Avropa Məhkəməsinə göndərəcəyik”.


Xatırlatma 

Tofiq Yaqublu martın 22-də həbs olunub. 

Ona qarşı CM-nin 221.3 (silah və ya silah qismində istifadə olunan əşyalar tətbiq etməklə xuliqanlıq etmə) maddəsilə ittiham irəli sürülüb. 

İddiaya görə, T. Yaqublu avtomobili ilə qəza törədib, daha sonra o biri maşında olan ər-arvadı – Elxan və Cəvahir Cəbrayılovları döyüb, xəsarət yetirib.

T.Yaqublu İsmayıllı hadisələrinə görə həbs olunmuş, 2016-cı ilin martında azadlığa çıxmışdı. 

O, Milli Şuranın ötən il oktyabrın 19-da keçirdiyi mitinqdədə 30 günlük inzibati həbs cəzası almışdı. 

Sonuncu həbs zamanı T.Yaqublu ağır işgəncələrə məruz qaldığını bildirmişdi. 

Ailə üzvlərinin sözlərinə görə, həmin işgəncələr nəticəsində T.Yaqublunun səhhətində fəsadlar yaranıb.

Vəkil Elçin Sadıqov  T.Yaqublunu ev dustaqlığına buraxılması ilə bağlı apelyasiya şikayəti verib. Aprelin 21-də isə Nizami Rayon Məhkəməsi T.Yaqublunu ev dustaqlığına buraxmaqdan imtina edib. Belə ki, Apelyasiya Məhkəməsinin hakimi Mirzəli Abbasov T.Yaqublunun ev dustaqlığına buraxılmasına əsas olmadığını bildirərək, apelyasiya şikayətini təmin etməyib.

Yerli və beynəlxalq hüquq müdafiə təşkilatları Tofiq Yaqublunun həbsininin siyasi sifariş olduğunu bəyən edib. 

Türkay Zadə


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo