Manşet

Yerevanda müdafiə nazirliyinin keçmiş sözçüsünə hücum etdilər

17 Noyabr, 2020
419
Ermənistan müdafiə nazirliyinin keçmiş mətbuat katibi Artsrun Hovannisyana Yerevanda naməlum şəxslər hücum edib. Hovannisyanın sözlərinə görə, 9 noyabrdan etibarən ona müxtəlif təhdidlər edilib, amma o buna əhəmiyyət verməyib və bu insanlarla bağlı polisə şikayət etməyib. Bu barədə noyabrın 17-də "newsarmenia.am" saytı xəbər verib. 

"Dünən gecə iki nəfər mənə hücum etdi, xoşbəxtlikdən mən özümü müdafiə edə bildim. Mən heç kimdən qorxmuram və heç kimi də düşmənim hesab etmirəm. Ancaq mənimlə haqq-hesab çəkiləcəyi ilə bağlı bu gün də təhdidlər eşitməkdəyəm, bəzi məkanlarda izlənirəm, buna görə də polisə müraciət etməyə məcburam", - deyə Artsrun Hovannisyan özünün "Feysbuk" hesabında yazıb. 

Artsrun Hovannisyan 44 günlük II Qarabağ müharibəsində Ermənistanın müdafiə nazirliyinin sözçüsü kimi çıxış edib. Müharibə başa çatdıqdan sonra o, vəzifəsindən istefa verib. Ermənistanda bəzi müxalifət fəalları Hovannisyanı müharibəylə bağlı yalan məlumatlar yaymaqda və cəmiyyəti səhv istiqamətləndirməkdə ittiham edirlər. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Manşet

"Cənab prezident, sərhədləri açın, uşaqlarımıza kömək edə bilək"

1 Sentyabr 2022
Azərbaycanda  pandemiyaya görə tətbiq edilən bir sıra məhdudiyyətlər aradan qaldırılıb. Quru sərhədlərin bağlı qalması iki ildən çoxdur ki, davam edir. Hazırda insanlar ölkəni yalnız hava yolu ilə tərk edə bilirlər.       Rüxsarə Əliyeva "Toplum TV"-yə deyir ki, oğlu Məhəmmədi müalicə ilə bağlı İrana aparmalıdır. Amma maddi durumu və oğlunun təyyarəyə olan fobiyasına görə, artıq iki ildir ki, Bakıdan çıxa bilmirlər.   Məhəmməd ağır dərəcəli revmatizm-artiret xəstəliyindən əziyyət çəkir, sümük-oynaq problemlərinə görə, hərəkətində məhdudiyyətlər yaranıb.   "Demək olar ki, son 3-4 il ərzində oturub-durmağı çətinləşib. Sümük böyüdükcə, inkişaf etdikcə çətinlik də artır. Pilləkan çıxıb düşə bilmir, düz yolu mənim...
Manşet

Keçmiş MTN polkovniki  hökmü eşidəndə halı pisləşdi 

24 İyun 2022

e-huquq.az

İyunun 24-də Bakı Ağır Cinayətlər Məhkəməsində 2015-ci ildə ləğv edilmiş Milli Təhlükəsizlik Nazirliyinin keçmiş polkovniki, işdən uzaqlaşdırılandan sonra Lənkəran Dövlət Universitetinin prorektoru olmuş, sonradan bu işindən də kənarlaşdırılmış Bahadır Qocayevin məhkəməsi başa çatıb. Məhkəmə iclasına hakim İradə Həsənzadə sədrlik edirdi.  Ötən il Dövlət Təhlükəsizlik Xidmətinin həbs etdiyi Bahadır Qocayev 70 min manatdan çox pulu dələduzluq yolu ilə ələ keçirməkdə ittiham olunur. İttihama görə, o, bir neçə il əvvəl Xaçmazın Seyidlər kəndindəki bağ evini borclu olduğu bir şəxsə borc əvəzi etibarnamə ilə verib. Həmin şəxs də evi Fazil Alıyev adlı digər şəxsə 60 min manata satıb. Bir müddət sonra Bahadır Qocayevin...

Seçilmiş Videolar

Toplum TV loqo