Dünya

ABŞ gürcü hökumətinə çağırış etdi, Saakaşvili aclığa başladı

5 Oktyabr, 2021
1161

Açıq mənbələrdən götürülüb

ABŞ Dövlət Departamentinin rəsmi nümayəndəsi Ned Prays mətbuat birifinqdə bildirib ki, Gürcüstan hökuməti ölkənin keçmiş prezidenti Mixail Saakaşviliyə ədalətlə yanaşmalıdır.
 
Bu barədə qurumun oktyabrın 5-də verdiyi məlumatda bildirilir.
 
Departament rəsmisi Saakaşvilinin hüquqlarının qorunmasının zəruriliyini diqqətə çatdırıb. “Biz Gürcüstan hökumətini Saakaşvili ilə ölkə qanunlarına və insan hüquqları sahəsindəki beynəlxalq öhdəliklərə uyğun şəkildə davranmağa çağırırıq”, - Ned Prays deyib.
 
ABŞ daha əvvəl bildirmişdi ki, Gürcüstanın eks-prezidenti M. Saakaşvilinin həbsi ilə bağlı vəziyyəti izləməkdə davam edirlər. Jurnalistlərdən birinin Saakaşvilinin həbsi fonunda Gürcüstan səfirinin Departamentdə çağırılıb-çağrılmayacağı barədə sualına aydınlıq gətirilməmişdi.
 
Hazırda Rustavi şəhərindəki 12 saylı penitensiar müəssisədə saxlanılan sabiq prezident isə aclıq aksiyasına başladığını elan edib. O, gürcü xalqına ünvanladığı məktubda bildirib: "Aclıq elan etmişəm. İstəyirəm biləsiniz ki, mən və mənə görə həbs olunan şəxslər azad olunmayana qədər qəti şəkildə aclığı dayandırmayacam. Yaşamağı sevirəm, amma bu aclıq ömrümün sonuna qədər davam edəcək".
 
O, həmçinin hər hansı tibbi yardım və müdaxilədən imtina etdiyini dəbildirib.
 
Saakaşvili həmçinin Ukrayna Prezidenti Volodimir Zelenskiyə müraciət ünvanlayıb: “Mən Gürcüstanımı həyatımdan daha çox sevirəm. İkinci vətənim Ukraynanı da çox sevirəm. Bütün həyatım boyu həyata keçirdiyiniz tarixi dəyişikliklər və islahatlara kiçik töhfə vermək imkanına malik olduğuma görə qürur duyacam”.
 
Gürcüstanın Baş naziri İrakli Qaribaşvili sabiq prezidentin həbs olunması barədə xəbəri oktyabrın 1-də elan edib. Saakaşvilinin Gürcüstan sərhədini iri yük maşınının ventilyasiya kabinəsində keçdiyi güman edilir.
 
M. Saakaşvili Gürcüstanı 2013-cü ildə prezident səlahiyyətlərini təhvil verəndən dərhal sonra tərk etmişdi. Ona qarşı bir neçə maddə üzrə cinayət işi qaldırılmış və haqqında qiyabı həbs cəzası kəsilmişdi. Keçmiş prezident son dövrlərdə Ukraynada yaşayır və İslahatlar Şuranın sədri vəzifəsini daşıyırdı.
 
İ. Qaribaşvili sabiq prezidentin üçüncü ölkəyə ekstradisiya olunmayacağını və həbsini tam şəkildə Gürcüstanda çəkəcəyini bəyan edib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Pakistanın keçmiş baş naziri İmran Xan nədə ittiham edilir?

Yadigar Sadıqlı
17 Mart 2023

Açıq mənbələrdən götürülüb

Martın 15-də Pakistan məhkəməsi polisə keçmiş baş nazir, indi müxalifət lideri İmran Xanın həbs cəhdlərini dayandırmaq barədə göstəriş verib. BBC bildirir ki, bu addım ölkədəki gərginliyi azaltmaq məqsədilə atılıb. Keçmiş baş nazirin yüzlərlə tərəfdarı iki gün ərzində onun həbsə alınmasına imkan vermirdilər və gözyaşardıcı qazdan, su şırnaqlarından istifadə edən polislə şiddətli toqquşmalara girirdilər. Həbsin dayandırılması barədə göstərişdən az sonra İmran Xan evdən çıxaraq tərəfdarları ilə şəkil çəkdirib. Pəncab vilayətinin yüksək çinli məmurlarından biri deyib ki, həbsin təxirə salınması ölkənin əsas idman tədbirinin – kriket üzrə superliqanın finalının keçirilməsi ərəfəsində asayişi bərpa etmək zərurətindən doğub. Final martın 19-da Xanın evindən bir...
Dünya

Kılıçdaroğlu prezident seçilsə, Rusiyaya Türkiyənin NATO üzvü olduğunu "xatırlatacaq"

Toplum TV
17 Mart 2023

Açıq mənbələrdən götürülüb

Kamal Kılıçdaroğlu Türkiyədə keçirilən prezident seçkilərində qalib gəlsə, Moskvaya Türkiyənin NATO-nun üzvü olduğunu xatırladacaq.  Toplum TV xəbər verir ki, bunu Türkiyə müxalifətinin vahid namizədi Kamal Kılıçdaroğlunun müşaviri Ünal Çeviköz “Politico” nəşrinə verdiyi müsahibədə deyib. Müsahibəsində o, Türkiyənin Rusiya ilə Ukrayna arasında vasitəçi rolunu davam etdirəcəyini, amma Kılıçdaroğlu hakimiyyətə gələrsə, Türkiyənin Rusiya Federasiyası ilə “bərabər münasibətlərə” can atacağını bildirib. Onun sözlərinə görə, Ankara İsveç və Finlandiyanın NATO-ya üzv olmasına da mane olmayacaq. https://toplum.tv/dunya/perdoganin-prezidentliye-namizedliyi-tesdiqlendip Hazırda müharibə səbəbindən Rusiyanı tərk edən vətəndaşlar fəal şəkildə Türkiyədə mülk alırlar. Ünal Çeviköz müsahibəsində onu da qeyd edib ki, əgər Kılıçdaroğlu seçkilərdə qalib gələrsə, əcnəbilərin Türkiyədə ən...

Seçilmiş Videolar

Toplum TV loqo