Dünya

ABŞ İran kəşfiyyatını jurnalistləri oğurlamaq cəhdində ittiham edir

15 İyul, 2021
420

New York Times

Şübhəlilərin “İran kəşfiyyat şəbəkəsinin” üzvləri olduğu bildirilir

"Azadlıq Radiosu"nun məlumatına görə, Nyu York şəhərində dörd İran vətəndaşı ABŞ-da yaşayan jurnalisti qaçırmağı planlaşdırmaqda ittiham edilib.

Rəsmi Tehran İran hökumətinin insan haqlarını pozmasını tənqid edən bir jurnalistin qaçırılması planı barədə ittihamları əsassız adlandırıb.

Şübhəlilər İran kəşfiyyatının zabiti və digər üç nəfər isə iddia edildiyinə görə “İran kəşfiyyat şəbəkəsinin” üzvləridir.

İttiham tərəfi onların jurnalisti oğurlamaq əməliyyatının İran hökuməti tərəfindən dəstəkləndiyini iddia edib.

ABŞ Ədliyyə Nazirliyi jurnalistin kimliyini yalnız onun Bruklində yaşayan ABŞ vətəndaşı, insan haqları fəalı olması ilə açıqlayıb.

Lakin Bruklində yaşayan fəal və yazar Məsih Əlinejad bildirib ki, ABŞ hakimiyyət orqanları onun hədəflənənlər arasında olduğunu bildirib və deyib ki, o ABŞ sakinidir.

Alinejad ABŞ hökuməti tərəfindən maliyyələşdirilən “Amerikanın səsi” radiosunun Fars xidmətində ştatdankənar müxbir kimi çalışıb və İranda insan haqlarının vəziyyəti ilə bağlı reportajlar verib.

Alinejad "Tvitter"-də yazıb:

"Mən İslam Respublikası Kəşfiyyat Nazirliyinin mənim oğurlanmam üçün planının qarşısını aldığına görə FTB-yə minnətdaram. Bu plan Ruhaninin hökuməti tərəfindən idarə olunub”.

“Amerikanın səsi” üçün hazırladığı ayrıca video bəyanatında Alinejad onu və ailəsini mühafizə etdiyinə görə ABŞ hakimiyyətinə minnətdarlığını bildirib.

Ədliyyə Nazirliyi "Röyters" agentliyinin Alinejadın belə bir planın hədəfi olub-olmadığına dair sualına şərh verməkdən imtina edib.

Nyu York Cənub Sahəsinin prokuroru Odri Ştraus deyib:

"İddia olunduğuna görə dörd müttəhim rejim avtokratiyasını tənqid edən İran mənşəli ABŞ vətəndaşını izləyiblər və qaçırmaq istəyiblər. Onlar daha sonra qurbanlarını zorla İrana aparmağı planlaşdırblar. Orada onun taleyi ən yaxşı halda qeyri-müəyyən olacaqdı”.

İran Xarici İşlər Nazirliyinin sözçüsü Səid Xatibzadə bu iddiaları “axmaq və əsassız” adlandırıb.

FTB-nin Nyu York ofisindən bildirilib:

"Biz iddia edirik ki, İran hökuməti tərəfindən dəstəklənən bir qrup ABŞ-da mənzillənmiş jurnalisti bizim torpağımızda oğurlamağı və zorla İrana qaytarmağı planlaşdırıb”.

Müttəhimlər

İyulun 13-də Manhetten federal məhkəməsində açıqlanmış ittihamnamədə həm də Vəzarət Səlimi və Hacəli kimi tanınan Əlirza Şavəroğlu Fərəhaninin, habelə Mahmud Xazeyin, Kiya Sadeqi və Omid Nurinin adları çəkilir. Onların hamısı iranlıdır.

İtithamnaməyə görə Fərəhani İran kəşfiyyatının rəsmisidir. Qalan üç nəfərin Fərəhaninin rəhbərliyi altında işləyən “kəşfiyyat adamları” olduğu qeyd edilir.

Onlara qarşı ittihamnaməyə adam oğurluğu cəhdindən başqa sanksiyaların pozulması, bank və şəbəkə dələduzluğu, çirkli pulların yuyulması kimi ittihamlar da daxil edilib.

Əgər təqsirləri isbat olunsa, onları ömürlük həbsxana cəzası gözləyə bilər.

ABŞ Ədliyyə Nazirliyinin bəyanatında deyilir ki, Fərəhani və başqa üç nəfər ən geci 2020-ci ilin iyunundan bəri bu planın həyata keçirilməsinə başlayıblar.

Bu da qeyd olunur ki Fərəhani və onun iddia edilən əlbirləri hədəflənən jurnalistin və ailə üzvlərinin izlənməsi, şəkil və videolarının çəkilməsi üçün özəl xəfiyyələr tutublar.

“Venesuelaya sürət qayığı”

Nazirliyin bəyanatında deyilir ki, şübhəlilər Nyu Yorkdan Venesuelaya hərbi tipli kater xidmətlərinin internet axtarışını aparıblar.

Venesuela və İran hökumətlərinin yaxın münasibətləri var.

İttihamnamədə habelə deyilir ki, İran hökuməti 2018-ci ildə jurnalisti qaçırmaq məqsədilə tovlayaraq üçüncü bir ölkəyə gətirməyə çalışıb.

Bu da bildirilir ki, jurnalistin İrandakı qohumları bu əməliyyata dəstək verməkdən boyun qaçırıblar.

Ədliyyə Nazirliyinin məlumatına görə, Nilufər Bahadurifər adlı başqa bir iranlı iyulun 1-də Kaliforniyada həbs edilib.

O İrana qarşı sanksiyaları pozmaqla iranlı sakinlərə maliyyə və başqa xidmətlər göstərməkdə ittiham olunur.

Bahadorifər təqsirli olmadığını bildirib və zaminə buraxılıb. Onun vəkili "Associated Press" agentliyinin suallarına cavab verməkdən imtina edib.

Dünya

Türkiyə və İsrail qarşılıqlı səfir təyin edirlər

17 Avqust 2022

AA

Türkiyə İsraillə diplomatik münasibətləri tam bərpa etmək və Tel-Əvivdəki səfirliyini bərpa etmək qərarına gəlib.  "Anadolu" agentliyinin məlmatına görə, bunu avqustun 17-də Türkiyənin xarici işlər naziri Mövlud Çavuşoğlu Ankarada keçirdiyi mətbuat konfransında bildirib. "İsrail ilə diplomatik münasibətlərin normallaşması və tam bərpası prosesi çərçivəsində Türkiyə bu ölkəyə səfir təyin etmək qərarına gəlib. Səfirin kimliyi prezidentin müvafiq sərəncamı imzalandıqdan sonra açıqlanacaq", - Türkiyənin xarici işlər naziri deyib. https://toplum.tv/dunya/rusiya-turkiyeye-ikinci-s-400-partiyasini-verecek Bundan əvvəl İsrailin Baş nazirlik idarəsi İsrail və Türkiyə liderlərinin diplomatik münasibətləri tam şəkildə bərpa etmək və iki ölkənin səfirlərini paytaxtlara qaytarmaq barədə razılığa gəldiyini açıqlamışdı. Xarici İşlər Nazirliyi arasında keçirilən təmaslar zamanı “iki ölkə...
Dünya

Tramp FTB-nin axtarış zamanı götürdüyü pasportları qaytardığını deyir

17 Avqust 2022

MARCA

ABŞ-ın keçmiş prezidenti Donald Tramp bildirib ki, Federal Təhqiqatlar Bürosu (FTB) onun Floridadakı mülkündə axtarış zamanı ələ keçirilən pasportları geri qaytarıb. Tramp özünün "Truth" sosial şəbəkəsində yazıb: “Ədliyyə Nazirliyi və FTB pasportlarımı qaytarıb". O, bildirib ki, axtarış zamanı hüquq-mühafizə orqanlarının əməkdaşları özlərini quldur kimi aparıb, ələ keçən hər şeyi götürüblər. "Belə bir şey Amerikada baş verməməlidir", - Tramp deyib. https://toplum.tv/dunya/tramp-malikanesinden-goturulen-senedlerin-geri-qaytarilmasini-teleb-edir Daha əvvəl Tramp demişdi ki, axtarış zamanı FTB onun 3 pasportunu müsadirə edib, onlardan birinin müddəti bitib. Sabiq prezident keçən həftə Floridadakı malikanəsində FTB agentləri tərəfindən axtarış aparıldığını və heç kimə, o cümlədən vəkillərə axtarışda iştiraka icazə verilmədiyini söyləyib. ABŞ-ın...

Seçilmiş Videolar

Toplum TV loqo