Dünya

ABŞ kəşfiyyatı: Rusiya Ukraynaya qarşı hücuma  hazırlaşır

4 Dekabr, 2021
172

Açıq mənbələrdən götürülüb

Rusiya gələn il Ukraynaya hücuma keçməyi planlaşdırır. Hücum bir neçə cəbhədən təşkil olunacaq və əməliyyatlarda 175 min rus hərbçisi iştirak edəcək.

"Reuters"-in məlumatına görə, bu iddia ilə ABŞ kəşfiyyat idarəsinin rəsmiləri çıxış ediblər.

Bildirilir ki, Rusiya hücuma keçərkən zirehli texnika və artilleriyadan da istifadə edəcək.

Kiyev hökuməti yanvarda müharibə olacağı ilə bağlı xəbərdarlıq edib.

Məsələ ilə əlaqədar çıxış edən ABŞ prezidenti Cozef Bayden Ukraynanı müdafiə etməkdən ötrü hər tərəfli hazırlıqların görüldüyünü bəyan edib.

"Biz getdikcə qızışan münaqişənin müharibəyə çevriləcəyindən narahatıq. Rusiyanın “qırmızı xətt"ini” qəbul etməyəcəyik”, - deyə Bayden vurğulayıb.

Rəsmi Kreml isə Ukraynaya qarşı müharibənin başlayacağı ilə bağlı iddiaları təkzib edir.

Dünya

Qırğızıstan-Tacikistan sərhədində toqquşma: həlak olanlar var

28 Yanvar 2022

TASS

Qırğızıstan və Tacikistan sərhədində baş verən konfliktdə ölənlərin sayı iki nəfərə çatıb. Bu haqda “Sputnik Tacikistan” məlumat yayıb. Tacikistanın Sərhəd qoşunlarının mətbuat xidməti bildirib ki, insanları sərhədyanı kənddən çıxarmağa çalışarkən təcili yardım maşınının 62 yaşlı sürücüsü Əbdüllətif Şaripov qırğız tərəfdən açılan minaatan zərbəsi nəticəsində həlak olub. Qırğızıstan tərəfindən atılan mərminin həyətində partlaması nəticəsində 1986-cı il təvəllüdlü bir sakinin həlak olması daha əvvəl xəbər verilirdi. Mətbuat xidmətindən bildiriblər ki, konflikt nəticəsində Tacikistan tərəfdə altı hərbçi və dörd mülki şəxs yaralanıb. Qırğızıstan tərəfdə isə 11 hərbçinin yaralandığı bildirilir. İki respublikanın sərhədində atışma dünən başlayıb. Tərəflər münaqişənin başlamasında bir birlərini günahlandırıblar. Daha sonra...
Dünya

NATO Rusiyaya yazılı təhlükəsizlik təkliflərini verdi

27 Yanvar 2022

Rəsmi səhifə

NATO çərşənbə günü Rusiya tərəfinə özünün təhlükəsizlik təkliflərini təqdim edib.  "İnterfaks" bildirir ki, bu barədə təşkilatın Baş katibi Yens Stoltenberq məlumat verib. “Bu gün NATO Rusiyaya yazılı təhlükəsizlik təkliflərini təqdim edib. Biz bunu Birləşmiş Ştatlarla paralel etmişik”, - o,dünən  Brüsseldə jurnalistlərə bildirib. Daha əvvəl xəbər verilirdi ki, ABŞ-ın Moskvadakı səfiri Con Sallivan Rusiyanın təhlükəsizlik təminatları ilə bağlı təkliflərinə Vaşinqtonun yazılı cavabını təqdim edib. Stoltenberq Şimali Atlantika alyansının cavabının Ukraynanı və onun ətrafındakı vəziyyəti əhatə etdiyini bildirib və Rusiyanı gərginliyi azaltmağa çağırıb.  “Rusiya Ukrayna, Gürcüstan və Moldovada bu ölkələrin razılığı olmadan yerləşdirdiyi qüvvələri çıxarmalıdır”, - NATO Baş katibi söyləyib. Stoltenberq Ukrayna...
Seçilmiş Videolar