Dünya

ABŞ Rusiyanı terroru sponsorluq edən dövlət kimi tanıya bilər

28 İyul, 2022
1363

ABŞ Senatı Ağ Evi Rusiyanı terrorizmə sponsorluq edən dövlət kimi tanımağa çağırıb. 

“The New York Times” xəbər verir ki, qətnamə iyulun 28-də keçirilən səsvermədə yekdilliklə qəbul edilib.

Mətndə senatorlar Dövlət Departamentini Çeçenistan, Gürcüstan, Suriya və Ukraynada “saysız-hesabsız günahsız kişi, uşaq və qadının” ölümünə səbəb olan hərəkətlərə görə Rusiyanı terrorizmin sponsoru kimi tanımağa çağırırlar.

“The New York Times” qəzeti həmçinin xəbər verir ki, oxşar qətnamə  ABŞ parlamentinin aşağı palatası olan Konqresə təqdim edilib. Onun Demokratlar Partiyasında əhəmiyyətli nüfuzu olan Nümayəndələr Palatasının spikeri Nensi Pelosi tərəfindən dəstəklənəcəyi gözlənilir.

Lakin konqresmenlər və senatorlar bu qərarı təkbaşına qəbul edə bilməzlər, bunu ABŞ Xarici İşlər Nazirliyinin funksiyalarını yerinə yetirən Dövlət Departamenti verməlidir.

https://toplum.tv/dunya/rusiyaya-muharibe-ne-ucun-lazimdir

Mayın 3-də Ukrayna Ali Radası Konqresin hər iki palatasına Rusiyanı terrorizmi himayə edən ölkə kimi tanımaq xahişi ilə müraciət edib. Ukrayna Prezidenti Volodimir Zelenski və ölkənin Xarici İşlər Nazirliyinin rəhbəri Dmitri Kuleba mütəmadi olaraq dünya ictimaiyyətinə bununla bağlı çağırışlar edirlər. Ukrayna Prezident Ofisinin rəhbəri Andriy Yermak iyul ayında verdiyi müsahibədə deyib ki, Zelenski administrasiyası bunu özünün əsas xarici siyasət məqsədlərindən biri kimi görür.

Hazırda ABŞ-ın terroru sponsor ölkələr siyahısında dörd ölkə var: Suriya, İran, Kuba və Şimali Koreya. Bu siyahıya daxil olmaq ölkələr arasında diplomatik əlaqələrin demək olar ki, tamamilə dayandırılması və onlara qarşı sərt sanksiyaların tətbiqi deməkdir.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Makron Avropadakı müttəfiqləri qorxaq olmamağa çağırıb

6 Mart 2024

Açıq mənbələrdən götürülüb

Fransa Prezidenti Emmanuel Makron Avropa dövlət başçılarına Ukrayna məsələsində qorxaqlıq etməmək barədə çağırış edib.  Toplum TV xəbər verir ki, Makron bu barədə Çexiyaya səfəri zamanı Praqada həmvətənləri qarşısında çıxış edərkən bildirib.  "Avropada qorxaqlıq etməməyin vacib olduğu bir məqama yaxınlaşırıq. Bizi gözləyən dramlardan danışmaq həmişə çətindir. Amma düşünürəm ki, Fransa da, Çexiya da baş verənləri anlayır. Müharibə torpaqlarımıza gəlib çatıb, dayandırılması qeyri-mümkün olan qüvvələr bizə qarşı hücum təhlükəsini genişləndirməkdə davam edir", - deyə o bildirib.  https://toplum.tv/dunya/pputin-qerbi-hedeleyib-facievi-neticeleri-olacaqp Xatırladaq ki, Fransa Prezidenti fevralın 26-da Parisdə Ukraynaya dəstək üçün keçirdiyi görüşdən sonra verdiyi açıqlamada Qərb qoşunlarının Ukraynaya göndərilməsini istisna etmədiyini bildirmişdi: "Bu gün quru...
Dünya

Fransa abort hüququnu konstitusiyaya salan ilk ölkə olub

5 Mart 2024

Açıq mənbələrdən götürülüb

Fransa qadınların abort hüququnu öz Konstitusiyasına salan ilk ölkə olub.  Toplum TV xəbər verir ki, qərar, lideri olduğu "Renessans" partiyası ilə birlikdə düzəlişlərin müəllifi olan Prezident Emmanuel Makron tərəfindən hərarətlə qarşılanıb. Fransa Parlamentinin sədri Yael Braun-Pive bildirib ki, 780 deputat təşəbbüsün lehinə, 72-si isə əleyhinə səs verib. https://toplum.tv/dunya/pquotpolitikoquot-fransa-nato-ya-qosunlarin-ukraynaya-goumlnderilmesini-teklif-edibp "Reuters" xəbərinə görə, parlamentin iclasında spikerin açıqlaması alqışlarla qarşılanıb. Dəyişiklik Konstitusiyanın 34-cü maddəsinə əlavə ediləcək. 

Seçilmiş Videolar

Toplum TV loqo