Dünya

ABŞ Ukrayana məsələsi ilə bağlı Rusiyadan izahat tələb etdi

7 Aprel, 2021
46

Business Insider

"Biz Ukraynanı yüksək səviyyədə dəstəkləyirik və onlara qarşı təhdidin qarşısını almağa çalışırıq, ancaq Ukraynanın Alyansa üzvlüyü barədə qərarı NATO verməlidir”.

UNİAN-nın aprelin 6-da verdiyi xəbərə görə, bunu Ağ Evin mətbuat katibi Cen Psaki deyib.

Onun sözlərinə görə, Ukrayna artıq çoxdandır ki, NATO-ya üzv olmağa çalışır və Co Bayden administrasiyası bu məsələni onlarla müzakirə edir.

Pentaqonun mətbuat katibi Con Kirbi Ukrayna ilə bağlı Rusiyaya çağırış edib. O, Rusiyanı Ukraynanın cənub-şərq sərhədində və Krımda hərbi qüvvələrin cəmlənməsi ilə bağlı niyyətini izah etməyə çağırıb.

“Rusiyanı sərhəd boyu bu qüvvələrlə nə etdiyinə dair niyyətlərini daha aydın göstərməyə çağırırıq. Vacib olan sərhəd boyunca gərginliyi azaltmaqdır. Bütün tərəflərin Ukrayna ilə Rusiyanın dəstəklədiyi separatçılar arasında münaqişəyə dair 2014-2015-ci il tarixli Minsk razılaşmalarına riayət etməsi zəruridir. Rusiya hərbi qüvvələrinin Ukrayna ilə sərhəd boyunca, Krımda, xüsusən daha çox cənub-şərqə doğru yerləşdirildiyini görürük. Biz bu prosesi çox yaxından izləyirik”, - rəsmi bildirib. 

Kanadanın baş naziri Castin Trüdo da Ukraynaya dəstəyini ifadə edib. 

”Kanada dövlətinin Ukraynaya verdiyi dəstək dəyişməz olaraq qalır” - Trüdo Ukrayna prezidenti Volodimir Zelenski ilə telefon danışığından sonra "Tvitter" hesabında yazıb.

O, Kanada ilə Ukrayna arasında əməkdaşlığın gücləndirilməsinin də vacibliyini vurğulayıb.

Baş nazir bildirib ki, Ukraynanın ərazi bütövlüyü və suverenliyinin dəstəkləməsi ilə bağlı ölkəsinin mövqeyi dəyişməzdir.

Ukrayna prezidenti Volodimir Zelenski bir neçə gün əvvəl NATO-nu Qara dənizdə mövcudluğunu gücləndirməyə çağırmışdı. 

Dünya

ABŞ İrana qarşı tətbiq olunan sanksiyaları ləğv etməyəcək

10 Aprel 2021

Panda Security

ABŞ 2017-ci ildə İrana qarşı tətbiq etdiyi sanksiyaları ləğv etməyəcək. CNN-nin məlumatına görə, bunu aprelin 10-da Dövlət Departamentinin rəsmisi deyib. O bildirib ki, İranın bütün sanksiyaların ləğv olunmasına dair tələbi qəbulolunmazdır: "Əgər İran 2017-ci ildə qəbul edilən sanksiyaların ləğv olunmasını tələb edib, əks təqdirdə sazişin əldə olunmayacağı ilə bağlı mövqeyində israr edəcəksə, o zaman danışıqlar dalana dirənəcək". İran ABŞ-ın tələb etdiyi nüvə sazişinin yenidən bərpa olunması üçün bütün sanksiyaların ləğvini tələb edir. 
Dünya

Gürcüstan prezidenti müxalifəti anlayışlı olmağa çağırdı

10 Aprel 2021

Agenda.ge

Salome Zurabişvili bütün siyasi partiyaları ölkənin ərazi bütövlüyünün həlli, pandemiya ilə mübarizə və siyasi gərginliyin azaldılması üçün həmrəyliyə çağırıb. "Sputnik Gürcüstan"ın aprelin 10-da verdiyi xəbərə görə, bu barədə Zurabişvili parlamentdəki çıxışı zamanı danışıb.  “Bu gün böyük çətinliklərlə üzləşən ölkə öz tarixi təcrübəsinə söykənməli və həmrəyliyə nail olmalıdır”, - prezident seçkilərin nəticələrinə etiraz olaraq parlamentdəki yerlərdindən imtina edən siyasi partiyalara müraciət edərkən deyib. O, partiya təmsilçilərini ölkənin siyasi həyatında fəal rol oynamağa və müxalifəti  ölkənin maraqlarına daha çox anlayış göstərməyə çağırıb.  Zurabişvilinin sözlərinə görə, Abxaziya və Cənubi Osetiyanın işğalına son verilməsi, Gürcüstanın NATO və Avropa İttifaqına inteqrasiyası prioritet məsələlər olmalıdır.  “Əgər...
Seçilmiş Videolar