Dünya

ABŞ və müttəfiqləri Rusiyanın qurmaq istədiyi sərhədləri heç vaxt tanımayacaq
 

15 May, 2022
134

Dünyanın ən zəngin yeddi ölkəsi şənbə günü bildirib ki, onlar Rusiyanın Ukraynada müharibə yolu ilə yaratmağa çalışdığı sərhədləri heç vaxt tanımayacaq və Kiyevə ciddi dəstək veriləcək. 

"Turan"ın Vaşinqton müxbiri xəbər verir ki, bu barədə Almaniyada keçən üçgünlük G7 görüşlərinin yekunları üzrə bəyanatda deyilir.

Dövlət Departamentinin adından yaydığı bəyanatda deyilir: “Biz Rusiyanın hərbi təcavüz yolu ilə dəyişməyə çalışdığı sərhədləri heç vaxt tanımayacağıq və Ukraynanın, o cümlədən Krımın və bütün dövlətlərin suverenliyini və ərazi bütövlüyünü dəstəkləmək öhdəliyimizi qoruyacağıq”, - Dövlət Departamentinin adından yaydığı bəyanatda G7 xarici işlər nazirləri: Kanada, Fransa, Almaniya, İtaliya, Yaponiya, Böyük Britaniya, ABŞ və Aİ-nin ali nümayəndəsi bildirib.

Bəyanatda həmçinin Ukraynaya hərbi yardımın “lazım olduğu qədər” davam etdiriləcəyi vəd edilib.

Birgə bəyanata görə, ölkələr Rusiyanın dezinformasiyasının qarşısını alacaq və Çini Moskvaya kömək etməməyə, Rusiyanın müharibəsinə haqq qazandırmamağa çağırıb. 

G7 ölkələri Çini Ukraynanın suverenliyini dəstəkləməyə çağıraraq, Ukraynaya qarşı səbəbsiz müharibənin bütün dünyanı təhdid etdiyini, ciddi ərzaq və enerji böhranına səbəb olduğunu bildiriblər.

Ayrı-ayrılıqda şənbə günü ABŞ dövlət katibi Entoni Blinken NATO-nun baş katibi Yens Stoltenberqlə NATO xarici işlər nazirlərinin bu gün Berlində baş tutan görüşü barədə danışıb.

Dövlət Departamentinin bəyanatında deyilir ki, onlar Ukrayna xalqını və Ukraynanın ərazi bütövlüyünü dəstəklədiklərini bir daha təsdiqləyiblər: “28-30 iyunda Madriddə keçiriləcək NATO Sammitinə hazırlıq məsələlərini, o cümlədən növbəti onillikdə NATO-ya rəhbərlik edəcək yeni NATO Strateji Konsepsiya sənədini müzakirə ediblər”.

Dünya

Ukraynada Kommunist Partiyasının fəaliyyəti qadağan edildi

5 İyul 2022

Açıq mənbələrdən götürülüb

Lvov Səkkizinci İnzibati Apellyasiya Məhkəməsi “Xoşbəxt Ukrayna” siyasi partiyasının və Ukrayna Kommunist Partiyasının fəaliyyətini qadağan edib. Bu barədə iyulun 5-də «Ukrainskaya Pravda» nəşri məlumat yayıb.  Lvov məhkəməsi hər iki partiyanın qadağan edilməsi ilə bağlı Ukrayna Ədliyyə Nazirliyinin iddialarını təmin edib.  https://toplum.tv/dunya/ukrayna-ruslar-ucun-viza-tetbiq-etdi “Xoşbəxt Ukrayna” - Rusiyaya qaçan Viktor Yanukoviç hökumətinin keçmiş gəlirlər və rüsumlar naziri Aleksandr Klimenkonun siyasi layihəsi hesab edilirdi. Məhkəmə qərarından bir neçə gün əvvəl partiyanın adı dəyişdirilmişdi: əvvəllər o, "Uğurlu Ukrayna" adlanırdı. Ukrayna Kommunist Partiyası isə Petro Simonenkonun ideya məhsuludur. Bu partiya hələ 2015-ci ilin dekabrında Kiyev Rayon İnzibati Məhkəməsi tərəfindən qadağan edilib, amma məhkəmə dartışması səbəbindən mövcudluğunu...
Dünya

Finlandiya və İsveç NATO-ya üzvlük protokollarını imzaladı

5 İyul 2022

ZDF

Finlandiya və İsveçin xarici işlər nazirləri NATO-ya daxil olmaq haqqında protokolları imzalayıblar. "Reuters" xəbər verir ki, Finlandiyanın xarici işlər naziri Pekka Haavisto, İsveçin xarici işlər naziri Ann Linde və 30 NATO ölkəsinin səfirləri NATO-nun mənzil-qərargahında keçirilən rəsmi mərasimdə iki Skandinaviya ölkəsinin Şimali Atlantika Alyansına qoşulması ilə bağlı protokolları imzalayıblar.  “Bu gün biz rəsmi olaraq üzvlük protokolunu imzalayırıq və ratifikasiya proseduruna başlayırıq. NATO-nun qapısı bütün Avropa demokratiyaları üçün açıqdır. Bu, Finlandiya, İsveç və NATO üçün yaxşı gündür, biz 32 üzv ölkə ilə daha da güclənəcəyik”, - NATO-nun baş katibi Yens Stoltenberq mərasimi açarkən deyib. Finlandiya və İsveç Rusiyanın Ukraynada başlatdığı müharibə...

Seçilmiş Videolar

Toplum TV loqo