Dünya

Aleksey Navalnıya qarşı yeni cinayət işi açıldı

30 Aprel, 2021
1186

BBC

Rusiya İstintaq Komitəsində müxalif siyasətçi Aleksey Navalnıya və onun təşkilatının əməkdaşları - Leonid Volkov və İvan Jdanova qarşı yeni cinayət işi açılıb. 

"Radio Svoboda"-nın verdiyi məlumata görə, onlar "fəaliyyəti vətəndaşlar üzərində zorakılıqla və onların sağlamlığına zərər vurmaqla müşayiət olunan ictimai təşkilata rəhbərlik etmək" maddəsiylə ittiham olunurlar. 

Əslində, cinayət işi hələ fevralın əvvəlində açılıbmış, amma təzəlikcə, Navalnının fondlarının və qərargahlarının ekstremist təşkilat kimi tanınması işi üzrə sənədlər yayımlanandan sonra ortaya çıxıb. Bu maddə üzrə maksimum dörd il həbs cəzası nəzərdə tutulur. 

Aleksey Navalnı səkkiz il öncəki cinayət işinə görə hazırda həbsdədir. Hökmə əsasən, o, 2023-cü ilin yayında azadlığa çıxacaq. Jdanov və Volkov isə hazırda ölkə xaricindədirlər. Mart ayında Litva Rusiyanın sorğusu əsasında Volkovu həbs etməkdən imtina edib. Rusiyada onun barəsində yeniyetmələri qanunsuz etiraz aksiyalarına cəlb etmək və mitinqlərdə sanitar normaları pozmaq ittihamları ilə də cinayət işi açılıb. 

Dünya

Putin MDB-yə KTMT-də müşahidəçi statusunun verilməsini istəyir

16 May 2022

kremin.ru

Rusiya Prezidenti Vladimir Putin mayın 16-da Kollektiv Təhlükəsizlik Müqaviləsi Təşkilatının (KTMT) Moskvada keçirilən sammitindəki çıxışı zamanı Müstəqil Dövlətlər Birliyinə (MDB) təşkilatda müşahidəçi statusunun verilməsi təklifi ilə çıxış edib. “TASS”ın məlumatına görə, Prezident Şanxay Əməkdaşlıq Təşkilatı (ŞƏT) və MDB məkanında təbii tərəfdaşlarla əməkdaşlığın qurulmasının vacibliyini vurğulayıb. Putin onu da qeyd edib ki, KTMT payızda birgə hərbi təlimlər planlaşdırır. Onun sözlərinə görə, təlimlərin sayı getdikcə artacaq və onlar Qazaxıstan, Qırğızıstan və Tacikistanda keçiriləcək. Mayın 15-də Belarusun müdafiə naziri Viktor Xrenin bir neçə ildən sonra onlarla ölkənin KTMT-yə qoşulacağını bəyan etmişdi. Hazırda təşkilatın üzvləri Rusiya, Belarus, Qazaxıstan, Ermənistan, Qırğızıstan və Tacikistandır. Putin sammitdəki...
Dünya

BMT: Hər 10 ukraynalıdan 9-u yoxsulluq təhlükəsiylə üz-üzədir

16 May 2022

Getty Images

Rusiya ilə Ukrayna arasındakı müharibə uzanarsa, bu, hər 10 ukraynalıdan 9-nun yoxsulluq həddinindən də aşağı həddə düşməsinə gətirib çıxaracaq. Bu barədə BMT məlumat yayıb. “Ukraynada azı 100 milyard ABŞ dolları dəyərində olan binalar, yollar, körpülər, xəstəxanalar, məktəblər dağıdılıb. Müəssisələrin yarısı tamamilə bağlanıb, digər yarısı isə çətinliklə üzləşib”, - deyə BMT-nin açıqlamasında bildirilir. Qurum qeyd edir ki, əgər Ukraynada müharibə uzanarsa, bu, ölkənin inkişafını iyirmi ilə yaxın müddətdə təhlükə altına qoya bilər. Mayın əvvəlində «CNN» xəbər vermişdi ki, Ukraynanın cənubunda rus hərbçiləri işğal etdikləri ərazilərdə ukraynalı fermerlərdən taxıl ehtiyatını və kənd təsərrüfatı texnikasını oğurlayır, həmçinin ərzaq anbarlarını atəşə tuturlar. Kiyev İqtisadiyyat...

Seçilmiş Videolar

Toplum TV loqo