Dünya

Avropa Birliyi: Rusiya münaqişədə tərəfdir, vasitəçi yox

3 Mart, 2021
141

Steemit

Martın 2-də Avropa Birliyi (AB) Şurasının sədri Şarl Mişel Ukraynanın şərqindəki münaqişə zonasına baş çəkib.

“Fransa Beynəlxalq Radiosu” martın 3-də xəbər verib ki, Şarl Mişel Ukrayna prezidenti Vladimir Zelenski ilə birlikdə Luqansk vilayətində, münaqişə tərəflərinin təmas xəttində böyük buraxılış məntəqəsinin açıldığı Sçastye şəhərində olub.

Şarl Mişel Ukraynanın müstəqilliyinə, suverenliyinə və ərazi bütövlüyünə dəstəyini ifadə edib. O, Avropa qitəsində silahlı münaqişənin 2021-ci ildə davam etməsini “biabırçı gerçəklik” adlandırıb. AB rəsmisi Rusiyanın münaqişənin tənzimlənməsində vasitəçi deyil, münaqişədə tərəf olduğunu vurğulayıb. Onun sözlərinə görə, bu üzdən separatçılara dəstəyə görə AB-nin Rusiyaya tətbiq etdiyi sanksiyalar hələ qüvvədə qalacaq.

Şarl Mişel “Şərq tərəfdaşlığı” proqramının iştirakçısı olan dövlətlərə səfər edir. O, Kiyev ziyarətindən əvvəl Moldova və Gürcüstanda olub. Kişinyovda prezident Maya Sandu ilə görüşən Mişel ölkənin korrupsiya ilə mübarizəsinə tam dəstəyini ifadə edib. O, Avropa Birliyi Şurasının islahatlar yolunda “Moldova Respublikasının ən etibarlı partyoru” olduğunu bildirib.

Avropa Birliyi Şurasının sədri Tbilisidə prezident Salome Zurabaşvili ilə görüşüb və təşkilatının Gürcüstanın ərazi bütövlüyünün qorunması prinsipinə bağlılığını səsləndirib. Gürcüstanın siyasi partiyalarının nümayəndələri ilə də görüşən Mişel onları ixtilafların həllinə və siyasi dialoqun bərpasına çağırıb.

Dünya

ABŞ İrana qarşı tətbiq olunan sanksiyaları ləğv etməyəcək

10 Aprel 2021

Panda Security

ABŞ 2017-ci ildə İrana qarşı tətbiq etdiyi sanksiyaları ləğv etməyəcək. CNN-nin məlumatına görə, bunu aprelin 10-da Dövlət Departamentinin rəsmisi deyib. O bildirib ki, İranın bütün sanksiyaların ləğv olunmasına dair tələbi qəbulolunmazdır: "Əgər İran 2017-ci ildə qəbul edilən sanksiyaların ləğv olunmasını tələb edib, əks təqdirdə sazişin əldə olunmayacağı ilə bağlı mövqeyində israr edəcəksə, o zaman danışıqlar dalana dirənəcək". İran ABŞ-ın tələb etdiyi nüvə sazişinin yenidən bərpa olunması üçün bütün sanksiyaların ləğvini tələb edir. 
Dünya

Gürcüstan prezidenti müxalifəti anlayışlı olmağa çağırdı

10 Aprel 2021

Agenda.ge

Salome Zurabişvili bütün siyasi partiyaları ölkənin ərazi bütövlüyünün həlli, pandemiya ilə mübarizə və siyasi gərginliyin azaldılması üçün həmrəyliyə çağırıb. "Sputnik Gürcüstan"ın aprelin 10-da verdiyi xəbərə görə, bu barədə Zurabişvili parlamentdəki çıxışı zamanı danışıb.  “Bu gün böyük çətinliklərlə üzləşən ölkə öz tarixi təcrübəsinə söykənməli və həmrəyliyə nail olmalıdır”, - prezident seçkilərin nəticələrinə etiraz olaraq parlamentdəki yerlərdindən imtina edən siyasi partiyalara müraciət edərkən deyib. O, partiya təmsilçilərini ölkənin siyasi həyatında fəal rol oynamağa və müxalifəti  ölkənin maraqlarına daha çox anlayış göstərməyə çağırıb.  Zurabişvilinin sözlərinə görə, Abxaziya və Cənubi Osetiyanın işğalına son verilməsi, Gürcüstanın NATO və Avropa İttifaqına inteqrasiyası prioritet məsələlər olmalıdır.  “Əgər...
Seçilmiş Videolar