Dünya

Avropa Rusiyaya qarşı 7-ci sanksiya paketini tətbiq etməyə hazırlaşır  

14 İyul, 2022
193

Açıq mənbələrdən götürülüb

Avropa İttifaqının (Aİ)  yeddinci sanksiya paketində Rusiya qazına embarqo nəzərdə tutulmayacaq.

Bu barədə Çexiyanın Baş naziri Petr Fiala iyulun 14-də "Reuters" agentliyinə açıqlamasında bildirib. 

Onun sözlərinə görə, enerji idxalına məhdudiyyətlərin qoyulması problemlidir, çünki “sanksiyalar onları tətbiq edən ölkələrə nisbətən Rusiyaya daha çox təsir etməlidir, bu qaydaya riayət etmək lazımdır”. O, bir sıra Aİ ölkələrinin Rusiya qazından çox asılı olduğunu vurğulayıb.

Fiala deyib ki, yeni sanksiyalar paketinə Rusiyadan qızıl idxalına qadağa da daxil olacaq. Həmçinin şəxslərə yönəlmiş sanksiyaların və Rusiyaya ixracı qadağan edilən ikili təyinatlı məhsulların siyahısının genişləndirilməsi planlaşdırılır.

Baş nazir yaxın vaxtlarda yeddinci sanksiyalar paketinin təqdim olunacağını qeyd edib. 

Müharibə başlayandan bəri Aİ Rusiya və Belarusa qarşı altı sanksiya paketi qəbul edib. Rusiya neftinə qismən embarqonu nəzərdə tutan altıncı paket iyunun əvvəlində təsdiq edilmişdi.

Dünya

Rusiya Türkiyəyə ikinci S-400 partiyasını verəcək

16 Avqust 2022

Açıq mənbələrdən götürülüb

Moskva Türkiyəyə S-400 zenit-raket komplekslərinin ikinci partiyasının satışını elan edib, Rusiya artıq müqavilənin icrası üzərində işləyir.  Bu barədə Rusiya Hərbi-Texniki Əməkdaşlıq üzrə Federal Xidmətin rəhbəri Dmitri Şuqayev məlumat verib.  Şuqayev müqaviləni Moskvada "Ordu-2022" forumunda elan edib. O, sövdələşmənin nə vaxt bağlandığını açıqlamayıb, lakin qeyd edib ki, bu, Türkiyədə komplekslərin istehsalının qismən lokallaşdırılmasını nəzərdə tutur. Onun sözlərinə görə, “çətin siyasi vəziyyət” “Rusiya tərəfinin tərəfdaşlarla qarşılıqlı fəaliyyətinin bəzi aspektlərinə təsir göstərib”, lakin Türkiyə ilə hərbi-texniki əməkdaşlıq davam edir. https://toplum.tv/dunya/putin-qehreman-ana-titulunu-berpa-etdi S-400 zenit-raket kompleksi uzaq və orta mənzilli raket sistemidir, 2007-ci ildə istifadəyə verilib, Türkiyədən əlavə, Moskva Çin və Hindistana da ondan tədarük edib,...
Dünya

Estoniyada daha altı sovet abidəsi söküləcək

16 Avqust 2022

РИА Новости

Narvadakı "T-34" tank abidəsindən əlavə, Estoniya hakimiyyəti daha altı sovet abidəsini sökəcək. ERR xəbər verir ki, bunu Estoniyanın Baş naziri Kaja Kallas Tallində keçirdiyi mətbuat konfransında bildirib. Onun sözlərinə görə, Narvadakı tank Estoniya ölkənin daxili təhlükəsizliyinə həsr olunan Müharibə Muzeyinə veriləcək.  https://toplum.tv/dunya/krimda-silsile-partlayislar-sakinler-texliye-olunur Qeyd olunur ki, ondan əlavə, Petrovski meydanındakı xatirə lövhələri, Qırmızı Ordu əsgərlərinə qoyulan abidə, Sovet İttifaqı Qəhrəmanı İqor Qrafovun abidəsi, Narva-Yıesuu şəhərində İkinci Dünya Müharibəsinə həsr olunmuş bir neçə abidə, Meriküla kəndindəki sovet desantın qoyulan abidə də söküləcək. Artıq Narvada "T-34" tank-abidəsinin hərbi muzeyə təhvil verilməsi üzrə işlərə başlanıldığı bildirilib. 

Seçilmiş Videolar

Toplum TV loqo