Dünya

Avropalı liderlər Ukraynanın AB üzvlüyünə namizəd olmasını istəyir

17 İyun, 2022
140

Açıq mənbələrdən götürülüb

Almaniya, Fransa, İtaliya və Rumıniya Ukraynaya Avropa Birliyinə üzvlüynə namizəd statusunun dərhal verilməsini dəstəkləyir

Fransa Prezidenti Emmanuel Makron Kiyevə səfəri zamanı bildirib ki, ölkəsi, eləcə də Almaniya, İtaliya və Rumıniya Ukraynaya Avropa Birliyi (AB) üzvlüyünə namizəd statusunun təcili verilməsini dəstəkləyir.  

İtaliyanın "Ansa" agentliyi xəbər verir ki, AB-nin digər ölkələrinin bu məsələyə münasibətini nəzərdə tutan Makron “Yaxın günlərdə biz 27 ölkənin birliyini yaradacağıq” söyləyib. 

https://toplum.tv/dunya/makron-ukrayna-rusiya-ile-danisiqlar-aparmali-olacaq

Makron həmçinin, yalnız Ukraynanın sülh şərtlərini müəyyənləşdirəcəyini, Fransa və Almaniyanın ukraynalıların arxasından Rusiya ilə danışıq aparmayacağını deyib.

Bundan əvvəl Makronun Ukrayna barədə açıqlamaları narazılıqla qarşılanmışdı. 

Fransa Prezidenti iyunun 15-də Rumıniyaya səfəri zamanı demişdi ki, “nə vaxtsa” Ukrayna Prezidenti və bu ölkənin digər rəsmiləri Rusiya ilə sülh danışıqları aparmalı olacaqlar".

Eyni zamanda Makronun Rusiyanı “alçaltmaq” olmaz fikri AB ölkələrində kəskin tənqidlərə səbəb olmuşdu. Həmçinin bundan əvvəl çıxışlarında dəfələrlə Ukraynanın AB üzvü olmasına qarşı çıxmışdı. 

Almaniya, İtaliya və Rumıniya liderləriylə birgə dünən, iyunun 16-da Kiyevə səfər edəndən sonra isə o, Ukraynanın birliyə üzv olmasını dəstəklədiyini bəyan edib. 

Makron Kiyevə gəldikdən sonra bildirib ki, səfərin əsas məqsədi Avropanın Ukrayna ilə həmrəyliyini nümayiş etdirməkdir. Almaniya kansleri isə qeyd edib ki, söhbət həm də praktiki məsələlərdən gedir: "Bizim təşkil etdiyimiz yardım - maliyyə, humanitar, eləcə də hərbi - davam etdiriləcək. Biz yardımı Ukraynanın müstəqilliyi uğrunda mübarizəsi üçün nə qədər lazımdırsa, davam etdirəcəyik". 

Dünya

Ukraynada Kommunist Partiyasının fəaliyyəti qadağan edildi

5 İyul 2022

Açıq mənbələrdən götürülüb

Lvov Səkkizinci İnzibati Apellyasiya Məhkəməsi “Xoşbəxt Ukrayna” siyasi partiyasının və Ukrayna Kommunist Partiyasının fəaliyyətini qadağan edib. Bu barədə iyulun 5-də «Ukrainskaya Pravda» nəşri məlumat yayıb.  Lvov məhkəməsi hər iki partiyanın qadağan edilməsi ilə bağlı Ukrayna Ədliyyə Nazirliyinin iddialarını təmin edib.  https://toplum.tv/dunya/ukrayna-ruslar-ucun-viza-tetbiq-etdi “Xoşbəxt Ukrayna” - Rusiyaya qaçan Viktor Yanukoviç hökumətinin keçmiş gəlirlər və rüsumlar naziri Aleksandr Klimenkonun siyasi layihəsi hesab edilirdi. Məhkəmə qərarından bir neçə gün əvvəl partiyanın adı dəyişdirilmişdi: əvvəllər o, "Uğurlu Ukrayna" adlanırdı. Ukrayna Kommunist Partiyası isə Petro Simonenkonun ideya məhsuludur. Bu partiya hələ 2015-ci ilin dekabrında Kiyev Rayon İnzibati Məhkəməsi tərəfindən qadağan edilib, amma məhkəmə dartışması səbəbindən mövcudluğunu...
Dünya

Finlandiya və İsveç NATO-ya üzvlük protokollarını imzaladı

5 İyul 2022

ZDF

Finlandiya və İsveçin xarici işlər nazirləri NATO-ya daxil olmaq haqqında protokolları imzalayıblar. "Reuters" xəbər verir ki, Finlandiyanın xarici işlər naziri Pekka Haavisto, İsveçin xarici işlər naziri Ann Linde və 30 NATO ölkəsinin səfirləri NATO-nun mənzil-qərargahında keçirilən rəsmi mərasimdə iki Skandinaviya ölkəsinin Şimali Atlantika Alyansına qoşulması ilə bağlı protokolları imzalayıblar.  “Bu gün biz rəsmi olaraq üzvlük protokolunu imzalayırıq və ratifikasiya proseduruna başlayırıq. NATO-nun qapısı bütün Avropa demokratiyaları üçün açıqdır. Bu, Finlandiya, İsveç və NATO üçün yaxşı gündür, biz 32 üzv ölkə ilə daha da güclənəcəyik”, - NATO-nun baş katibi Yens Stoltenberq mərasimi açarkən deyib. Finlandiya və İsveç Rusiyanın Ukraynada başlatdığı müharibə...

Seçilmiş Videolar

Toplum TV loqo