Dünya

Bayden Kabildəki partlayışa görə İŞİD-ə zərbə endirmək göstərişi verib 

27 Avqust, 2021
840

Açıq mənbələrdən götürülüb

ABŞ prezidenti Co Bayden Kabil hava limanında baş verən terror aktından sonra bəyanatla çıxış edib.  
 
"Currenttime.tv" xəbər verir ki, Bayden terror aktına görə məsuliyyəti üzərinə götürən İŞİD-in obyektlərinə və rəhbərliyinə zərbə endirməyi Pentaqona tapşırıb.  
 
Kabil hava limanının şimal girişində baş verən partlayş nəticəsində 100-dən çox adam həlak olub, 150 nəfər yaralanıb.  
 
Ölənlər arasında 13 Amerika hərbçisi var, daha 18 hərbçi yaralanıb.  
 
“Bu hücumu həyata keçirənlər və Amerikaya pislik arzulayan hər kəs bilsin: biz bunu bağışlamayacağıq. Biz bunu unutmayacağıq. Biz sizi tapacağıq və cavab verməyə məcbur edəcəyik”, - Bayden söyləyib.  
 
ABŞ prezidenti həlak olan əsgərləri qəhrəman adlandırıb və onların xatirəsini bir dəqiqəlik sükutla yad edib.

Dünya

Rusiya Finlandiyaya qaz nəqlini dayandıracaq

20 May 2022

Gazprom.ru

“Gazprom” Finlandiyanın “Gasum” şirkətini mayın 21-dən etibarən qaz təchizatının dayandırılması barədə xəbərdar edib. Bu barədə “Gasum”un rəsmi məlumatında deyilir. Finlandiya qaz çatışmazlığını Estoniyadan gələn “Balticconnector” qaz kəməri ilə kompensasiya etmək niyyətindədir. “Gasum” Rusiyanın tələbi ilə qazın rublla ödənilməsinə keçməkdən imtina edib və arbitrajda buna etiraz etmək niyyətindədir. “Reuters” yazır ki, Finlandiyanın Rusiyadan idxal etdiyi qaz ölkənin enerji istehlakının yalnız beş faizini təşkil edir. Rusiya “dost olmayan” ölkələrdən aprelin 1-dən əvvəllər bağlanmış müqavilələrə görə ödənişlərin rublla aparılmasını tələb edib. Bolqarıstan və Polşa artıq təklif olunan sxem üzrə qazın pulunu ödəməkdən imtina edib, bundan sonra bu ölkələrə tədarük dayandırılıb. Rusiya hökumətinin məlumatına...
Dünya

Türkmənistan qadınların xarici görünüşünə və davranışlarına nəzarəti gücləndirib

20 May 2022

AFP

Aprelin əvvəlindən Türkmənistan hakimiyyəti qadınların öz bədənlərinə nəzarət etmək hüquqlarını əhəmiyyətli dərəcədə məhdudlaşdırıb. Bu barədə BBC və “Azadlıq” radiosunun türkmən xidməti məlumat yayıb. Paytaxt Aşqabadda dövlət qurumlarının əməkdaşlarından “xarici cəlbediciliyi artırmaq üçün əlavə üsullardan çəkinmək” barədə yazılı vəd vermələri tələb olunur. Əvvəllər qadınlara qarşı analoji tələblər ölkənin digər bölgələrində də irəli sürülürdü. Hakimiyyətin təzyiqi ilə dövlət işçiləri kosmetikadan istifadə etməməyə, saçlarını boyamamağa, manikür etməməyə, cins şalvar və dar paltar geyinməməyə - bunun əvəzinə geniş ənənəvi paltar və baş örtüyü taxmağa məcburdurlar. İşdən çıxarılma təhlükəsi altında qadınlar tez bir zamanda saxta dırnaq və kirpiklərdən qurtulmalı, sarı saçlarını tünd rəngə boyamalıdırlar. Eyni...

Seçilmiş Videolar

Toplum TV loqo