Dünya

Bayden: Putin nüvə silahından istifadəylə bağlı zarafat etmir

7 Oktyabr, 2022
1009

NBC

ABŞ Prezidenti Co Bayden bildirib ki, əgər vəziyyət indiki kimi davam edərsə, dünya Karib böhranından sonra ilk dəfə nüvə silahından istifadəylə bağlı birbaşa təhlükəylə üz-üzə qalacaq.  

Ağ Evin mətbuat xidmətinin məlumatına görə, bu barədə ABŞ Prezidenti Demokratlar Partiyasının tədbirində çıxış edərkən deyib. 

Bayden həmçinin bildirib ki, o, Rusiya Prezidenti Vladimir Putini “yaxşı tanıyır”, ona görə də onun “taktiki nüvə silahından, bioloji və ya kimyəvi silahlardan potensial istifadə haqqında danışarkən zarafat etmədiyinə” əmindir. 

https://toplum.tv/dunya/ab-rusiya-iqtisadiyyatina-qarsi-sekkizinci-sanksiyalar-paketini-tesdiqledi

Eyni zamanda Bayden qeyd edib ki, o, taktiki nüvə silahından istifadənin tammiqyaslı nüvə müharibəsinə gətirib çıxarmayacağına da əmin deyil.

Onun sözlərinə görə, nüvə silahından istifadənin fəlakətlə nəticələnməyəcəyini təsəvvür edə bilmir. 

Dünən Ukrayna Prezidenti Volodimir Zelenski də Rusiya Prezidentinin nüvə silahından istifadə edib-etməyəcəyinə dair açıqlama yaymışdı:

 "Rusiya nüvə zərbəsi endirmək qərarına gəlsə, dünya bunu ona bağışlamayacaq. Zənnimcə, Putin öz həyatını çox sevir və anlayır ki, nüvə silahından istifadə edərsə, öz həyatını xilas edə bilməyəcək."

Zelenski həmçinin NATO-ya çağırış edərək bildirmişdi ki, o, Rusiya Federasiyasına “önləyici” zərbələr endirməlidir, “Rusiyanın nüvə zərbələrini gözləməməlidir”.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Navalnı ilə vidalaşma mərasimində izdiham yaşanıb

1 Mart 2024

Sosial Media

Rusiyalı mərhum siyasətçi Aleksey Navalnının dəfn mərasimi bu gün Moskva yaxınlığındakı Müqəddəs Məryəmin İkonası Kilsəsində baş tutub. Toplum TV "Meduza" onlayn nəşrinə istinadən xəbər verir ki, kilsədəki vidalaşma mərasiminə yalnız qohumlar və yaxınlar buraxılıb. Açıq tabut mərasimindən sona tabut kilsədən çıxarılıb və qəbiristanlığa aparılıb. Vidalaşma mərasiminin 20 dəqiqədən də az çəkdiyi bildirilib.  Mərasim vaxtı ərazidə çox sayda polis nəzərə çarpıb, kilsə ərazisi metal hasarlarla əhatə olunub. Navalnı ilə vidalaşmaq istəyənlərin sırasının isə bir kilometrdən çox uzandığı qeyd olunub.  Əraziyə toplaşan insanlar vaxtaşırı "Navalnı!" və "Biz bağışlamayacağıq!" kimi şüarlar səsləndiriblər.  ABŞ-ın Rusiyadakı səfirinin, həmçinin Almaniya və Fransa səfirlərindən ibarət nümayəndə heyətinin...
Dünya

Ermənistan Rusiya sərhədçilərinin çıxarılması məsələsini müzakirə edir

1 Mart 2024

Açıq mənbələrdən götürülüb

Ermənistan rəhbərliyi rus sərhədçilərinin Yerevanın "Zvartnots" hava limanından çıxarılması məsələsini müzakirə edir. Toplum TV xəbər verir ki, bu barədə martın 1-də jurnalistlərə açıqlamasında parlamentdəki hakim “Vətəndaş müqavilə” fraksiyasının katibi Artur Hovhannisyan bildirib. “Bu məsələ həm bizi, həm də cəmiyyətimizin əksəriyyətini narahat edir. Partiyamız daxilində müzakirələr gedir, lakin hələlik heç bir qərar yoxdur”, - Hovhannisyan açıqlamasında bildirib.  Rusiya sərhədçilərinin hava limanından çıxarılması ehtimalını fraksiyanın digər deputatı Vladimir Vardanyan da şərh edib. O qeyd edib ki, ölkənin hava sərhədləri Ermənistan silahlı qüvvələri tərəfindən qorunmalıdır. https://toplum.tv/dunya/psimonyan-ermenistanin-ktmt-de-istirakini-dondurmasina-aydinliq-getiribp Qeyd edək ki, fevralın 27-də Ermənistan Parlamentinin spikeri Alen Simonyan bildirmişdi ki, rus sərhədçiləri "Zvartnots" hava limanını...

Seçilmiş Videolar

Toplum TV loqo