Dünya

Bayden Putinin debat təklifinə cavab vermədi

19 Mart, 2021
1662

CNN

ABŞ prezidenti Co Bayden Rusiya prezidenti Vladimir Putinlə debata çıxıb-çıxmayacağına dair suala cavab verməyib. 

"RİA Novosti"nin martın 19-da verdiyi xəbərə görə, Co Baydenin Ağ Evdə koronavirusun yayılmasına qarşı mübarizədən bəhs edən çıxışından sonra jurnalistlərdən biri ondan Rusiya prezidentinin debat təklifi barədə nə düşündüyünü soruşub. ABŞ rəhbəri suala cavab verməyib və vitse-prezident Kamala Harrisin müşayiəti ilə tribunadan ayrılıb. 

Martın 17-də "ABC News" telekanalına müsahibə verən Bayden demişdi ki, ABŞ seçkilərinə müdaxiləyə görə Rusiyanı cəzalandıracaq. O, özünün Rusiya prezidenti ilə söhbətindən söz açmış və bildirmişdi ki, əgər Putinin təqsirkar olduğu aydınlaşarsa, o, buna görə cavab verəcək. Müsahibə zamanı Bayden jurnalistin "Putini qatil hesab edirsinizmi" sualına isə "bəli" deyə təsdiqləyici cavab vermişdi.

Dünən ABŞ prezidentinin onun haqqındakı sözlərini şərh edən Putin bildirib ki, Baydenlə canlı yayımda açıq söhbət etmək istəyir. Rusiya prezidenti debatın mövzusunun strateji sabitlik, koronavirus pandemiyası və regional konfliktlər ola biləcəyini söyləyib. O, həmin debatı ya cümə günü, ya da gələn həftə keçirilməsinə hazır olduğunu açıqlayıb.

Co Bayden Putinin debat təklifinə cavab verməsə də, Ağ Evin mətbuat katibi Ceyn Psaki deyib ki, Baydenin cümə günü Putinlə debata çıxması mümkün deyil, çünki həmin gün o, "çox məşğul olacaq".

Psaki onu da vurğulayıb ki, ABŞ prezidenti rusiyalı həmkarı ilə bağlı verdiyi açıqlamalara görə təəssüflənmir.
 

Dünya

Sabah Kremldə Ukraynanın 4 vilayətinin ilhaqı ilə bağlı sənədlər imzalanacaq

29 Sentyabr 2022

Açıq mənbələrdən götürülüb

Sentyabrın 30-da Kremldə “Rusiyaya yeni ərazilərin daxil olması” haqqında müqavilələr imzalanacaq.  Bu barədə Rusiya prezidentinin mətbuat katibi Dmitri Peskov məlumat verib. Söhbət Rusiya qoşunlarının işğalı altında olan Donetsk, Luqansk, Zaporojye və Xerson vilayətlərindən gedir.  Dövlət Dumasının deputatları sentyabrın 30-da saat 15:00-da Rusiya Prezidenti Vladimir Putinin iştirakı ilə keçiriləcək tədbir üçün Kremlə dəvət olunublar. Bu barədə RİA “Novosti” Rusiya Federasiyası Kommunist Partiyasından olan deputat Denis Parfenova istinadən məlumat yayıb. Peskovun sözlərinə görə, ilhaq sənədlərini imzalamazdan əvvəl Putin deputatlar qarşısında çıxış edəcək.  Razılaşmalar separatçı “Donetsk Xalq Respublikası” və “Luqansk Xalq Respublikası”nın liderləri, həmçinin Xerson və Zaporojye vilayətlərinin Rusiya işğal administrasiyalarının rəhbərləri ilə...
Dünya

Rusiya “Şimal axını”ndakı insidentlərin arxasında ABŞ-ın dayandığını iddia edir

29 Sentyabr 2022

Reuters

“Şimal axını” qaz kəmərlərindəki insidentlər ABŞ kəşfiyyatının məsuliyyət daşıdığı zonada baş verib. "RİA Novosti" xəbər verir ki, bunu sentyabrın 29-da Rusiya Xarici İşlər Nazirliyinin rəsmi nümayəndəsi Mariya Zaxarova "Solovyov Live" proqramının efirində deyib. Onun sözlərinə görə, qaz kəmərlərində sızmalar Danimarka və İsveçin ticarət-iqtisadi zonasında baş verib və bu əraziyə “Amerikanın kəşfiyyat xidməti nəzarət edir”.  https://toplum.tv/dunya/putin-heqiqeten-nuve-silahindan-istifade-ede-bilermi Bundan əvvəlsə məlum olub ki, İsveç Sahil Mühafizəsi “Şimal axını 1” və “Şimal axını 2” boru kəmərlərində dördüncü qaz sızmasını aşkar edib. Dörd sızıntıdan ikisi İsveçin iqtisadi zonasında baş verib. "Svenska Dagbladet" nəşrinin yazdığına görə, indiyə qədərki  məlumatlar sızıntıya səbəbin təxribat olduğunu göstərir. “Şimal axını”...

Seçilmiş Videolar

Toplum TV loqo