Dünya

Bayden qadınlara qarşı qısnamada ittiham olunan qubernatoru istefaya çağırdı

4 Avqust, 2021
1058

NBC News

ABŞ Prezidenti Cozef Bayden Nyu-York ştatının qubernatoru, seksual qısnamalarda ittiham olunan Endrü Kuomonu istefaya getməyə çağırıb. 

Bu məlumatı CNN-in yaydığı məlumatda bildirilir.

“Düşünürəm ki, o, istefaya getməlidir”, - deyə Bayden bildirib. 

Bununla belə, prezident Kuomonun öz xoşu ilə vəzifəsindən getmədiyi halda impiçmentə məruz qalması məsələsinə münasibət bildirməyib: “Gəlin, addım-addım irəliləyək”, - deyə o qeyd edib. 

Nyu-York ştatının baş prokurorluğu müəyyən edib ki, Endrü Kuomo ştat hökumətinin keçmiş və indiki qadın əməkdaşlarını qısnamaya məruz qoyub. İstintaq qubernatorun qadınları qucaqlamaq və öpmək istəməsi, onlara sataşması və intim xarakterli təkliflər etməsi barədə müxtəlif epizodlar aşkar edib.

2020-ci ildən başlayaraq yeddi qadın qubernator tərəfindən qısnamaya məruz qaldığı barədə şikayət verib. Kuomonun istefasını Nyu-York meri, eləcə də ABŞ-ın və Nyu-York ştatının bir sıra respublikaçı və demokrat konqresmenləri və senatorları tələb ediblər. Nyu-York parlamentinə qubernatorun impiçmenti barədə layihənin təqdim olunması planlaşdırılır. 

Endrü Kuomonun 63 yaşı var və o, Nyu-York ştatının 56-cı qubernatorudur. Demokratlar partiyasının üzvü olan siyasətçi Bill Klinton administrasiyası zamanı mənzil tikintisi və şəhərsalma naziri, daha sonra Nyu-Yorkun baş prokuroru vəzifəsini tutub. Onun atası Mario Kuomo da Nyu-Yorkun 52-ci qubernatoru (1983-1994) olub. Endrü Kuomo bir müddət ABŞ-ın 35-ci prezidenti Con Kennedinin qardaşı qızı Kerri Kennedi ilə evli olub.

Dünya

Putin Kadırova general-polkovnik rütbəsi verdi

5 Oktyabr 2022

Açıq mənbələrdən götürülüb

Çeçenistan Respublikasının rəhbəri Ramzan Kadırov general-polkovnik rütbəsi alıb.  Bu barədə o, oktyabrın 5-də özünün "Teleqram" kanalında məlumat verib.  Onun sözlərinə görə, yeni təltiflə bağlı xəbəri ona Rusiya prezidenti Vladimir Putin çatdırıb. Bu, Kadırovun Ukraynada keçirilən xüsusi əməliyyat zamanı aldığı ikinci rütbədir, martın sonunda o, general-leytenant rütbəsi almışdı.  https://toplum.tv/dunya/kreml-rusiya-herbcilerinin-geri-cekildiyi-eraziler-geri-qaytarilacaq “Rusiya prezidenti məni general-polkovnik rütbəsi ilə təltif etdi.  Bu barədə mənə şəxsən Vladimir Vladimiroviç məlumat verib və məni təbrik edib", - deyə Çeçenistan rəhbəri yazıb.
Dünya

Kreml: Rusiya hərbçilərinin geri çəkildiyi ərazilər geri qaytarılacaq

5 Oktyabr 2022

Rəsmi səhifə

"Rusiyanın tərkibinə keçən yeni bölgələrin Rusiya hərbçiləri tərəfindən müvəqqəti tərk edilmiş əraziləri geri qaytarılacaq".  Bu sözləri Rusiya Prezidentinin mətbuat katibi Dmitri Peskov oktyabrın 5-də jurnalistlərə açıqlamasında deyib. "Burada heç bir ziddiyyət yoxdur. O ərazilər əbədi olaraq Rusiyanın tərkibində olacaqlar və geri qaytarılacaqlar", - deyə Peskov bildirib və əlavə edib ki, həmin bölgələrin sakinlərinə indi "Rusiya ilə əbədi" birlikdə olduqların dair vəd verilib.  https://toplum.tv/dunya/qazaxistan-rusiyanin-ukrayna-ile-bagli-telebini-redd-edib Bununla belə, az əvvəl Rusiya Müdafiə Nazirliyi "ölkənin tərkibinə qatılmış yeni bölgələrindən" ordunun geri çəkilməsini təsdiqləmişdi. Həmçinin qondarma Xerson vilayəti administrasiyası rəhbərinin müavini Kirill Stremousov Rusiya hərbçilərinin Xerson yaxınlığında yenidən qruplaşmalar apardığını bildirmişdi. Onun sözlərinə görə, Ukrayna...

Seçilmiş Videolar

Toplum TV loqo