Dünya

Bayden Türkiyənin maneəçiliyinə baxmayaraq, İsveç və Finlandiyanın NATO-ya üzv olacağına əmindir

19 May, 2022
1508

Reuters

Türkiyə hökuməti Finlandiya və İsveçin NATO-ya qəbulu ilə bağlı danışıqların başlamasına mane olub. 

Bu barədə “Financial Times" xəbər verir.

Xəbərə görə, mayın 18-də NATO Finlandiya və İsveçin təqdim etdikləri üzvlük ərizələrini müzakirə etməyi planlaşdırıb. Lakin rəsmi Ankaranın mövqeyinə görə danışıqlar başlamayıb. Çünki Türkiyə açıq şəkildə bəyan edib ki, müzakirələrin başlamasını indi təsdiqləyə bilməz.

NATO-nun Baş katibi Yens Stoltenberqin daha öncə dediyi kimi, Finlandiya və İsveçdən gələn ərizələri ilk həftələrdə nəzərdən keçirməyin mümkünlüyü şübhə yaradır.

Mayın 18-də Stoltenberq Finlandiya və İsveç səfirlərindən bu ölkələrin hərbi alyansa qoşulması üçün ərizələr alıb. Rusiyanın Ukraynaya müdaxiləsi fonunda hər iki ölkə neytral statusundan imtina etmək qərarına gəlib.

Müraciətlərə NATO Şurası tərəfindən baxılacaq və sonra İsveç və Finlandiya arasında üzvlük sazişi alyansın bütün 30 üzv ölkəsi tərəfindən ratifikasiya edilməlidir. 

Bundan əvvəl Türkiyə Prezidenti Rəcəb Tayyib Ərdoğan İsveç və Finlandiyanın alyansa qoşulma planlarına müsbət yanaşmadığını bildirib.

Türkiyə hakimiyyəti Finlandiya və İsveçin NATO-ya üzv olacağı təqdirdə bir neçə şərt irəli sürüb. Onların arasında bu ölkələrin PKK-nı terror təşkilatı kimi tanınması, həmçinin 2019-cu ildə Rusiyadan S-400 sistemlərinin alınması ilə əlaqədar Ankaraya tətbiq edilən məhdudiyyətlərin aradan qaldırılması da var.

ABŞ Prezidenti Co Bayden isə məsələylə əlaqədar açıqlamasında bildirib ki, İsveç və Finlandiyanın NATO-ya üzv olmaq müraciətləri Türkiyənin maneəçiliyinə baxmayaraq, uğurlu olacaq.

Bayden jurnalistin NATO-nun Türkiyəni İsveç və Finlandiyanın alyansa qoşulmasına etirazını dayandırmağa necə inandıracağı ilə bağlı sualına cavab olaraq, "Düşünürəm ki, yaxşı olacağıq" deyib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

ABŞ Rusiyaya qarşı yeni sanksiyalar tətbiq edib

23 Fevral 2024

Rəsmi səhifə

Ağ Ev Ukraynadakı müharibə və Aleksey Navalnının ölümü ilə bağlı Rusiyaya qarşı 500 yeni sanksiyanın tətbiq edildiyini açıqlayıb. Toplum Tv xəbər verir ki, bu barədə Ağ Evin fevralın 13-də yaydığı press-relizdə bildirilir.  Məhdudiyyətlər Rusiyanın maliyyə sektorunu, hərbi-sənaye kompleksini, satınalma şəbəkəsinin iştirakçılarını, sanksiyalardan yayınanları və Aleksey Navalnının həbsinə cavabdeh olanları hədəf alacaq. Bundan əlavə, qeyd olunub ki, “Rusiya hərbi maşını”nı dəstəkləyən 100-ə yaxın təşkilata yeni ixrac məhdudiyyətləri tətbiq ediləcək. Bəyanatda deyilir ki, Ağ Ev Moskvanın enerji gəlirlərini daha da azaltmaq üçün tədbirlər görür. Sanksiyalardan danışan Prezident Co Bayden Rusiya Prezidenti Vladimir Putinin xaricdəki aqressiya və daxildə repressiyalara görə böyük əvəz ödəyəcəyini...
Dünya

Kreml: Yerevandan KTMT-də iştirakını dondurulmasıyla bağlı bildiriş gəlməyib

23 Fevral 2024

Kreml.ru

"Yerevan Kollektiv Təhlükəsizlik Müqaviləsi Təşkilatına (KTMT) üzvlüyün dondurulması ilə bağlı rəsmi bildiriş göndərməyib". Toplum TV xəbər verir ki, bunu fevralın 23-də Kremlin mətbuat katibi Dmitri Peskov “Zvezda” telekanalına açıqlamasında bildirib: “Ermənistan tərəfi bununla bağlı heç bir rəsmi addım atmayıb. Biz həmkarlarımızla əlaqə saxlamaq və bu bəyanatların mənasını aydınlaşdırmaq niyyətindəyik”. https://toplum.tv/dunya/permenistan-ktmt-de-istirakini-dondurubp Peskov qeyd edib ki, burda detalları başa düşmək çox vacibdir: "Ümid edək ki, erməni dostlarımız bizə hər şeyi izah edəcəklər". Onun sözlərinə görə, Prezident Vladimi Putin də hələ Ermənistanın Baş naziri Nikol Paşinyanla məsələ barəsində danışmayıb, hələlik belə təmaslar planlaşdırılmır. Qeyd edək ki, Nikol Paşinyan fevralın 22-də “France 24” telekanalına...

Seçilmiş Videolar

Toplum TV loqo