Dünya

Bayden Ukraynaya dəstək üçün Konqresdən 33 milyard istəyir

29 Aprel, 2022

AP /Alex Brandon

ABŞ Prezidenti Co Bayden Ağ evdə çıxışı zamanı Ukraynaya 33 milyard dollar yardım ayırmaq üçün Konqresə müraciət etdiyini bildirib.

CNN məlumat verir ki, Baydenin sözlərinə görə, Birləşmiş Ştatlar Rusiya təcavüzünü dəf etmək üçün Ukraynaya yardım göstərməkdə davam edəcək.

ABŞ lideri ölkəsinin Ukraynaya yardım edərkən Rusiyaya hücum etmədiyini, təcavüzün dəf olunmasına vəsilə olduğunu söyləyib. O, Amerikanın Ukraynaya öz hərbçilərini göndərməyəcəyini bir daha vurğulayıb, eyni zamanda müttəfiqləri ilə birlikdə ağır silahlar təchizatını artıracağını açıqlayıb.

Bayden nüvə silahının işlədilməsi barədə Moskvada səslənən təhdidləri məsuliyyətsiz adlandırıb və ölkəsinin Rusiyanın bütün addımlarına hazır olduğunu bildirib.

Konqresdən istənilən məbləğin 20 milyarddan çoxu Ukraynaya və qonşu ölkələrə hərbi yardıma sərf olunacaq. 8,5 milyard iqtisadi yardıma, daha 3 milyard isə humanitar yardıma ayrılacaq.

Ağ ev sahibi həm də əlavə edib ki, sanksiya altına düşən rusiyalı oliqarxların əmlakının müsadirəsi üçün hüquq-mühafizə orqanlarının səlahiyyətləri artırılacaq: “Rusiya kleptokratiyası ilə əlaqəli olan mülkiyyəti müsadirə etmək lazımdır”.

Konqresin daha əvvəl qəbul etdiyi qanuna görə, Rusiya vətəndaşlarından müsadirə olunan əmlakın satışından əldə olunan vəsait Ukraynaya hərbi və humanitar yardıma, eləcə də dağıdılmış infrastrukturun bərpasına sərf olunacaq.

Oxşar Xəbərlər

Bayden Ukraynaya artilleriya və radarlar vəd edib

Böyük Britaniya Rusiyanın 3 aviaşirkətinə sanksiya tətbiq edib

“Human Rights Watch”: Rusiya ordusu Ukraynada hərbi cinayətlər törədib

Ukraynanın müdafiə naziri: Rusiya uzunmüddətli müharibəyə hazırlaşır

Daha bir qrup ukraynalı hərbçi “Azovstal”dan çıxarılıb

Dövlət Departamenti 14 may aksiyası ilə bağlı çağırış edib

Redaktorun Tövsiyələri

Müştəri restoranda servis haqqı ödəməlidirmi?

Bakıda etiraz aksiyası keçirilib, saxlanıların olduğu deyilir

Siyasi şərhçi: "Rusiya istəyir ki, münaqişə onun monopoliyasında olsun"

“Mətbuat intiharı epidemiya kimi yayır”

Mədəniyyət evlərinin acınacaqlı vəziyyəti – “Büdcədən vəsait ayrılacağı təqdirdə tədbir görüləcək”

55 yaşlı Gülər: "Vaqifi gözləyirəm, gələn kimi qoşulub onunla gedəcəm"

Dünya

Türkmənistan qadınların xarici görünüşünə və davranışlarına nəzarəti gücləndirib

20 May 2022

AFP

Aprelin əvvəlindən Türkmənistan hakimiyyəti qadınların öz bədənlərinə nəzarət etmək hüquqlarını əhəmiyyətli dərəcədə məhdudlaşdırıb. Bu barədə BBC və “Azadlıq” radiosunun türkmən xidməti məlumat yayıb. Paytaxt Aşqabadda dövlət qurumlarının əməkdaşlarından “xarici cəlbediciliyi artırmaq üçün əlavə üsullardan çəkinmək” barədə yazılı vəd vermələri tələb olunur. Əvvəllər qadınlara qarşı analoji tələblər ölkənin digər bölgələrində də irəli sürülürdü. Hakimiyyətin təzyiqi ilə dövlət işçiləri kosmetikadan istifadə etməməyə, saçlarını boyamamağa, manikür etməməyə, cins şalvar və dar paltar geyinməməyə - bunun əvəzinə geniş ənənəvi paltar və baş örtüyü taxmağa məcburdurlar. İşdən çıxarılma təhlükəsi altında qadınlar tez bir zamanda saxta dırnaq və kirpiklərdən qurtulmalı, sarı saçlarını tünd rəngə boyamalıdırlar. Eyni...

Davamını oxu

Dünya

Türkmənistan qadınların xarici görünüşünə və davranışlarına nəzarəti gücləndirib

20 May 2022