Dünya

Biznesmen Oleq Tinkov Rusiya vətəndaşlığından imtina edib

1 Noyabr, 2022
264

Açıq mənbələrdən götürülüb

Biznesmen Oleq Tinkov Rusiya vətəndaşlığından imtina edib. O, bu barədə "İnstaqram" səhifəsində Rusiyanın Cenevrədəki Baş Konsulluğu tərəfindən verilmiş sertifikatın şəklini əlavə edərək məlumat yayıb. Əvvəllər o, dəfələrlə Rusiyanın Ukraynadakı müharibəsinə qarşı çıxış etmişdi. Noyabrın 1-i səhər o, postunu silib. 

Milyarder “Putin faşizmi” və dinc əhalinin ölümü ilə əlaqəli olmaq istəmədiyini bildirib. O, digər rusiyalı sahibkarları da ondan nümunə götürməyə çağırıb ki, “faşizm üçün işləməsinlər”. O, həm də özünü  işğalçılıq müharibəsinin tərəfdarlarından daha böyük Rusiyanın vətənpərvəri adlandırıb. 

Oleq Tinkov uzun müddətdir ki, xaricdə yaşayır. 1996-cı ildən onun Rusiya ilə yanaşı, 2013-cü ildə imtina etdiyi ABŞ vətəndaşlığı da var. İndi onun Kipr vətəndaşlığı var.

https://toplum.tv/dunya/rusiyada-seferberlikden-yayinanlara-5-ile-qeder-hebs-cezasi-verile-biler

Tinkov Rusiyada çoxsaylı şirkətlərin təsisçisidir. Onlardan ən məşhuru müştəri sayına görə dünyanın ən böyük onlayn bankına çevrilmiş Tinkoff Bankdır. Rus "Forbes" onun sərvətini 4,7 milyard dollar qiymətləndirir.

Rusiyanın Ukraynaya hərbi təcavüzü başlayandan sonra Oleq Tinkov Rusiya aktivlərini bağladı və ya satdı. Onun "Tinkoff Bank"a sahib olan "TSC Group"-dakı payını oliqarx Vladimir Potanin alıb. Tinkov bir daha Rusiyaya qayıtmayacağını və biznesini “rus əsgərlərinin və Ukrayna sakinlərinin qanına” ləkələmək istəmədiyini bildirib. “New York Times” qəzetinə müsahibəsində o, müharibə əleyhinə mövqeyinə görə Kremldən aldığı təhdidlərdən danışıb.

Tinkov Rusiyada yaşayarkən Prezident Vladimir Putini dəstəklədiyini bəyan edərək, xüsusilə onu ömürlük hökmdar və imperator kimi görmək istədiyini bildirib.

Bundan əvvəl daha bir neçə iri rusiyalı iş adamı, o cümlədən Nikolay Storonski, "DST Global" fond qrupunun təsisçisi Yuri Milner və "Freedom Finance" investisiya şirkətinin rəhbəri Timur Turlov Rusiya vətəndaşlığından imtina edib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Bayden Ukraynaya F-16 qırıcılarının verilməyəcəyini deyib

Toplum TV
31 Yanvar 2023

Forbes

ABŞ Prezidenti Co Bayden bildirib ki, Vaşinqton Kiyevə F-16 qırıcıları verməyəcək. Toplum TV CNN-ə istinadən xəbər verir ki, brifinq zamanı jurnalistlərin Ukraynaya təyyarələrin verilməsi ideyasını dəstəkləyib-dəstələmədiyini soruşduqda Bayden “Xeyr” cavabını verib. Bundan sonra ABŞ Milli Təhlükəsizlik Şurasının rəsmi nümayəndəsi Con Kirbi Baydenin bəyanatını şərh edib. O, bildirib ki, Vaşinqton artıq Kiyevi kifayət qədər silahla təmin edib. https://toplum.tv/dunya/pqerb-ukraynaya-tanklar-goumlnderir-amma-indi-basqa-problem-varp Kiyevə qırıcı təyyarələrin tədarükü məsələsi ötən həftə Qərb istehsalı olan tankların Ukraynaya göndərilməsi təsdiqləndikdən sonra müzakirə olunmağa başlayıb. Ukrayna ordusu 180-ə yaxın qırıcı təyyarəyə ehtiyac olduğunu bildirib. Hollandiya və Polşa Ukraynanı öz F-16 qırıcıları ilə təmin etməyə hazır olduqlarından bildiriblər. Yanvarın 30-da Polşanın...
Dünya

Çin ABŞ-dan Ukraynaya silah tədarükünü dayandırmağı tələb edir

Toplum TV
30 Yanvar 2023

Açıq mənbələrdən götürülüb

Çin Xarici İşlər Nazirliyi (XİN) ABŞ-ı Ukrayna böhranının təşəbbüskarı adlandırıb və silah tədarükünü dayandırmağa çağırıb. Toplum TV "Reuters"-ə istinadən xəbər verir ki, bu barədə XİN-in nümayəndəsi Mao Ninq açıqlama verib. "ABŞ Ukrayna böhranının əsas təşəbbüskarı və hərəkətverici qüvvəsidir. Onlar Ukraynanı davamlı olaraq ağır və hücum xarakterli silahlarla təchiz etməklə münaqişəni uzadır və onu daha da gərginləşdirirlər. Əgər ABŞ həqiqətən də böhranın tezliklə bitməsini istəyirsə, Ukrayna xalqının təhlükəsizliyini həqiqətən düşünürsə, o zaman silah göndərməyi dayandırmalı və müharibədən qazanc əldə etməyi sonlandırmalıdır”, - deyə o bildirib.  https://toplum.tv/dunya/pqerb-ukraynaya-tanklar-goumlnderir-amma-indi-basqa-problem-varp Bundan əvvəl Vaşinqton administrasiyası Ukraynaya "Abrams" tanklarını göndərmək qərarına gəlib. Qeyd olunur ki, hərbi texnikanın...

Seçilmiş Videolar

Toplum TV loqo