Dünya

BMT: Dünyada qaçqınların sayı 100 milyonu keçib

23 May, 2022

995

UNHCR

İnsan hüquqlarının pozulması, münaqişə və zorakılıq səbəbindən evlərini tərk etmək məcburiyyətində qalan qaçqın və məcburi köçkünlərin sayı tarixdə ilk dəfə olaraq 100 milyonu keçib.

Məlumatı BMT-nin Qaçqınlar üzrə Ali Komissarlığı yayıb.

“Yüz milyon çox ciddi, eyni zamanda narahat edəcək bir rəqəmdir. Bu, heç zaman qeydə alınmamış bir rekorddur. Bu, dağıdıcı münaqişələrin həll edilməsi və qarşısının alınması, təqiblərə son qoyulması və günahsız insanları evlərini tərk etməyə məcbur edən əsas səbəblərin aradan qaldırılması üçün həyəcan siqnalı rolunu oynamalıdır”, - BMT-nin Qaçqınlar üzrə Ali Komissarı Filippo Qrandi deyib.

BMT-nin Qaçqınlar üzrə Agentliyi olan BMT QAK-ın yeni məlumatlarına görə, uzun sürən münaqişələr nəticəsində 2021-ci ilin sonunadək dünya üzrə məcburi didərgin salınmış insanların sayı 90 milyona çatıb. Bundan əlavə, Ukraynadakı müharibə bu il ölkə daxilində 8 milyon insanı didərgin salıb, Ukraynadan 6 milyondan çox qaçqının köçməsi qeydə alınıb.

Dünya əhalisinin 1%-indən çoxunu təşkil edən bu ümumi rəqəm dünyada əhali baxımından 14-cü olan ölkənin əhalisinin sayına bərabərdir.

Məcburi Köçkünlüyün Monitorinqi Mərkəzinin (IDMC) bu yaxınlarda dərc olunmuş hesabatına görə, buraya qaçqınlar və sığınacaq axtaranlar, habelə münaqişə nəticəsində ölkəsinin sərhədləri daxilində didərgin düşmüş 53,2 milyon insan daxildir.

BMT QAK “Qlobal tendensiyalara dair illik hesabat”ını iyunun 16-da açıqlayacaq. Həmin hesabatda 2021-ci il üçün zorla didərgin salınma halları ilə bağlı qlobal, regional və milli məlumatların tam toplusu, habelə 2022-ci ilin aprel ayına qədər olan bir qədər məhdud çərçivədə yenilənmiş məlumatlar, həmçinin qayıdışlar və həll yolları haqqında təfsilatlar əks olunacaq.

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Oxşar Xəbərlər

Mehriban Əliyeva UNESCO-nun xoşməramlı səfiri olmaq istəmir

BMT Təhlükəsizlik Şurası Azərbaycan və Ermənistana müraciət edib

Ərdoğan: Qərbin təhlükəsizlik sistemi dağılır

BMT: Hər 10 ukraynalıdan 9-u yoxsulluq təhlükəsiylə üz-üzədir

BMT: Ukraynadan qaçqın düşənlərin sayı 6 milyonu keçib

BMT: Müharibə başlayandan Ukraynada 3381 nəfər həlak olub

Redaktorun Tövsiyələri

Ombudsman Qarabağ ermənilərinə müraciət edib

Rusiyada Ukrayna vilayətlərinin ilhaqı bayram günü elan edilib

ABŞ Cənubi Qafqaza reaksiya komandası yerləşdirəcək

Qənirə Paşayeva dəfn edilib

Azad olunmuş ərazilərdə azı 508 şəxsə aid meyit qalıqları tapılıb

BMT missiyası Qarabağa gəlir

Dünya

Putin "Vaqner"in keçmiş komandiri ilə görüşüb

Toplum TV

29 Sentyabr 2023

Sosial media

Rusiya prezidenti Vladimir Putin "Vaqner"in keçmiş komandiri Andrey Troşevlə görüşüb. Toplum TV bildirir ki, bu haqda sentyabrın 29-da Kremlin mətbuat xidməti məlumat yayıb. Verilən açıqlamaya görə, görüş zamanı "Vaqner" muzdlularının Ukrayna müharibəsindəki fəaliyəti müzakirə edilib. “Son görüşdə biz müxtəlif döyüş tapşırıqlarını yerinə yetirə biləcək könüllü birləşmələr yaratmağınızdan danışdıq. Siz özünüz 1 ildən çox belə bir hissədə vuruşmusunuz. Siz bunun nə olduğunu, necə edildiyini bilirsiniz, döyüşün ən yaxşı və uğurlu şəkildə getməsi üçün əvvəlcədən həll edilməli olan məsələlərdən xəbəriniz var”, - Putin Troşevə bildirib. Bundan əlavə, Rusiya prezidenti hərbi əməliyyatlarda iştirak edən döyüşçülərin “Vətən Müdafiəçiləri Fondu” tərəfindən sosial dəstək veriləcəyini açıqlayıb....

Davamını oxu

Dünya

Rusiyada Ukrayna vilayətlərinin ilhaqı bayram günü elan edilib

Toplum TV

29 Sentyabr 2023

Açıq mənbələrdən götürülüb

Rusiya Prezidenti Vladimir Putin sentyabrın 28-də 2022-ci ildə Ukraynanın dörd vilayətinin ilhaq gününün bayram kimi qeyd edilməsi haqqında fərman imzalayıb. Toplum TV "Radio Svoboda"-ya istinadən xəbər verir ki, fərmana əsasən, bayram Rusiyada istirahət günü olacaq və sentyabrın 30-da qeyd olunacaq. Sənəd “Donetsk Xalq Respublikasının, Luqansk Xalq Respublikasının, Zaporojye vilayətinin və Xerson vilayətinin Rusiya Federasiyasına birləşmə günü” adlanır. Moskva 2022-ci ilin payızında Ukrayna vilayətlərinin ilhaqını elan edib. Moskvanın bunu rus qoşunları tərəfindən işğal edilmiş ərazilərdə referendum adlandırdığı səsvermənin nəticələri ilə əsaslandırıb. Ukrayna və dünyanın əksər ölkələri səsverməni saxta hesab edir və bunu beynəlxalq hüquqa qəsd kimi qiymətləndirirlər.

Davamını oxu