Dünya

Britaniya kəşfiyyatı: Mariupolda böyük vəba epidemiyası riski var

10 İyun, 2022
653

Açıq mənbələrdən götürülüb

Mariupol şəhərində böyük vəba epidemiyası riski var. May ayından bəri şəhərdə vəbaya yoluxma halları qeydə alınıb.

Bu barədə Böyük Britaniya hərbi kəşfiyyatının Ukrayna müharibəsi barədə gündəlik xülasəsində bildirilir. 

Kəşfiyyatın xronikasında qeyd olunur ki, Ukraynada 1995-ci ildə böyük vəba epidemiyası baş verib. O vaxtdan bəri, xüsusən də Azov dənizinin sahillərində, o cümlədən Mariupolda yalnız kiçik epidemiyalar baş verib. Aylar boyunca Rus qoşunlarının mühasirədə qalan, minlərlə dinc sakinin (Ukrayna mənbələri 20 minin üzərinə göstərir) həlak olduğu Mariupolda epidemiyanın yenə baş qaldıracağından ehtiyat edilir.

Bildirilir ki, Mariupolda tibbi xidmətin vəziyyəti böyük ehtimalla çökməyə yaxındır. Şəhərdə vəba epidemiyasının baş qaldırması vəziyyəti daha da gərginləşdirəcək.

"Rusiya işğal olunmuş ərazilərdə əhaliyə əsas dövlət xidmətləri göstərməyə çalışır. Lakin təhlükəsiz içməli suya çıxış qeyri-sabit olaraq qalır və ciddi telefon, internet kəsintiləri davam edir. Həmçinin Xersonda böyük ehtimalla ciddi dərman çatışmazlığı var", - deyə kəşfiyyatın məlumatında qeyd olunub. 

Xronika

Rusiya 2022-ci il, fevralın 24-də Ukraynada "xüsusi hərbi əməliyyat adlandırdığı" genişmiqyaslı müharibəyə başlayıb. 

Hərbi əməliyyatlarla əlaqədar Prezident Vladimir Putin bəyan edib ki, Moskvanın məqsədi Donbass regionunda “səkkiz il ərzində Kiyev rejimi tərəfindən zorakılığa və soyqırıma məruz qalmış insanları qorumaqdır”.

Hərbi əməliyyatların başlamasından 2 gün əvvəl, fevralın 22-də isə Kreml Ukraynanın şərqindəki separatçı qurumları - "Donbas Xalq Respublikası"nı və Luqansk Xalq Respublikasını" rəsmən tanıyıb. 

Ukraynada müharibə başlayandan sonra ABŞ, Avropa Birliyi, Böyük Britaniya, Kanada, Yaponiya, Avstraliya və digər Qərb ölkələri Rusiyaya qarşı sərt sanksiyalar tətbiq etməyə başlayıblar. Sanksiyalar paketinə Rusiya neftinə embarqo qoyulması, Rusiya iqtisadiyyatını təcrid edilməsi, oliqarxlara və siyasətçilərə məhdudiyyətlərin tətbiqi daxildir. Rusiya Prezidenti də sanksiya tətbiq edilən şəxslər siyahısına salınıb.

Aprelin 7-də BMT Baş Assambleyası Rusiyanın təşkilatın İnsan Hüquqları Şurasından çıxarılması ilə bağlı qətnamə qəbul edib.

Rusiya ordusunun Buça və digər Ukrayna şəhərlərində kütləvi qətliamlar və müharibə cinayətləri törətdiyi iddia olunur. BMT-nin açıqlamasına görə, müharibə başlayandan bəri 10 milyondan çox ukraynalı ölkəni tərk edib. Müharibənin Ukrayna iqtisadiyyarına milyardlarla dollar ziyan vurduğu bildirilir.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Çin ABŞ-dan Ukraynaya silah tədarükünü dayandırmağı tələb edir

Toplum TV
30 Yanvar 2023

Açıq mənbələrdən götürülüb

Çin Xarici İşlər Nazirliyi (XİN) ABŞ-ı Ukrayna böhranının təşəbbüskarı adlandırıb və silah tədarükünü dayandırmağa çağırıb. Toplum TV "Reuters"-ə istinadən xəbər verir ki, bu barədə XİN-in nümayəndəsi Mao Ninq açıqlama verib. "ABŞ Ukrayna böhranının əsas təşəbbüskarı və hərəkətverici qüvvəsidir. Onlar Ukraynanı davamlı olaraq ağır və hücum xarakterli silahlarla təchiz etməklə münaqişəni uzadır və onu daha da gərginləşdirirlər. Əgər ABŞ həqiqətən də böhranın tezliklə bitməsini istəyirsə, Ukrayna xalqının təhlükəsizliyini həqiqətən düşünürsə, o zaman silah göndərməyi dayandırmalı və müharibədən qazanc əldə etməyi sonlandırmalıdır”, - deyə o bildirib.  https://toplum.tv/dunya/pqerb-ukraynaya-tanklar-goumlnderir-amma-indi-basqa-problem-varp Bundan əvvəl Vaşinqton administrasiyası Ukraynaya "Abrams" tanklarını göndərmək qərarına gəlib. Qeyd olunur ki, hərbi texnikanın...
Dünya

Ərdoğan Makronu Fransaya layiq rəhbər hesab etmir

Toplum TV
30 Yanvar 2023

Daily Sabah

Türkiyə Prezidenti Rəcəb Tayyib Ərdoğan fransalı həmkarı Emmanuel Makronu tənqid edərək, onun vəzifəsi üçün zəruri “keyfiyyətlərə malik olmadığını” iddia edib. Toplum TV "Anadolu" agentliyinə istinadən xəbər verir ki, Türkiyə lideri arqumentini əsaslandırmaq üçün Fransanın müasir dövrdə belə Afrikanı istismar etdiyini qeyd edib.  Onun iddiasına görə, Parisin Mali və Burkina Faso ilə əlaqələri bunu göstərir.  https://toplum.tv/dunya/perdoganin-muumlsaviri-bu-sertler-daxilinde-isveccedil-ve-finlandiyanin-nato-ya-uumlzvluumlyuuml-bas-tutmayacaqp “Mali Fransa ilə əlaqələrini tam kəsmək üzrədir. Burkina Faso da son möhlət verib: “Mən sizə bir ay möhlət verirəm. Bir aydan sonra biz burada fransız əsgərlərini görmək istəmirik”, – Türkiyə prezidenti bildirib. Ərdoğanın ehtimalına görə, Toqo da yaxınlarda eyni cür hərəkət edəcək.  "Fransa Afrikadakı nüfuzunu...

Seçilmiş Videolar

Toplum TV loqo