Dünya

Britaniyada 4 günlük iş həftəsi sınaqdan keçirilir

6 İyun, 2022

170

Açıq mənbələrdən götürülüb

Böyük Britaniyada müxtəlif profilli 70-dən çox şirkət dörd günlük iş həftəsinin tətbiqi üçün sınağa qoşulub.

"The Guardian" yazır ki, altı ay ərzində tədqiqatçılar əlavə istirahət gününün işçilərin məhsuldarlığına, sağlamlığına və xoşbəxtliyinə, həmçinin şirkət gəlirlərinə, ətraf mühitə və gender bərabərliyinə təsirini təhlil edəcəklər.

Təcrübə 100:80:100 modelinə əsaslanır - öhdəliyi 100% yerinə yetirmək müqabilində 80%-lik vaxt üçün 100%-lik əməkhaqqı. Tədqiqatda Böyük Britaniyanın müxtəlif şirkətlərinin 3300-dən çox əməkdaşı iştirak edəcək. Beləliklə, bu, dünyada ən böyük təcrübə olacaq.

Boston Kollecinin sosiologiya professoru və pilot layihənin aparıcı tədqiqatçısı Culiyet Şor layihəni “tarixi təcrübə” adlandırıb: "Biz əlavə istirahət gününün stress və bitginliyə, iş və həyat məmnunluğuna, işçilərin sağlamlığına, yuxusuna və enerjisinə, eləcə də onların həyatının bir çox digər aspektlərinə necə təsir etdiyini təhlil edəcəyik".

Təcrübəyə qoşulan "Platten's Fish and Chips" şirkətininin icraçı direktoru Vyatt Vatts isə fikirlərini belə ifadə edib: "Komandamızın əhval-ruhiyyəsi artıq yaxşılaşıb və ümid edirik ki, işdəki məhsuldarlığımız artacaq".

Eksperiment "4 Day Week Global" qeyri-kommersiya təşkilatı tərəfindən "Autonomy" beyin mərkəzi, "4 Günlük Həftə" kampaniyası, həmçinin Boston Kolleci, Kembric və Oksford Universitetlərinin tədqiqatçıları ilə birgə təşkil olunur. İş həftəsinin qısaldılması üzrə təcrübə altı ay davam edəcək.

2022-ci ilin sonunda oxşar təcrübələrin İspaniya və Şotlandiyada da hökumətlərinin dəstəyi ilə keçirilməsi nəzərdə tutulub.

Oxşar Xəbərlər

Britaniya Azərbaycanda minaların təmizləməsinə əlavə vəsait ayırıb

Bekhem övladlarına şərt qoydu: zorakılıq edən mirasdan məhrum olacaq

Şotlandiya müstəqillik referendumuna hazırlaşır

Boris Consona qarşı etimadsızlıq cəhdi baş tutmadı

Böyük Britaniya Rusiyanın 3 aviaşirkətinə sanksiya tətbiq edib

Britaniyanın Azərbaycandakı yeni səfiri müəyyənləşib

Redaktorun Tövsiyələri

Şahid: Almaniyaya getmək üçün mənə AXCP üzvü olmağım barədə saxta arayış verdi

Vətəndaşın 500 min dollarını kim qaytaracaq?

Bakı ilə Quba arasında batan 550 milyon manat

Dəli Arazın şor suyunun ümidinə qalanlar

Bərdə sakini uşağının pensiyasının kəsilməsindən şikayətçidir

Əvəz Hafizlinin işi üzrə məhkəmə hakim məzuniyyətə çıxdığına görə keçirilməyib

Dünya

Borrell: Avropa İttifaqının Rusiya ilə müharibə etmək niyyəti yoxdur

6 İyul 2022

Rəsmi səhifə

Avropa İttifaqının xarici işlər və təhlükəsizlik siyasəti üzrə ali nümayəndəsi Cozep Borrell bildirib ki, Avropanın Rusiya ilə müharibə etmək planları yoxdur. O, bu barədə “Yomiuri” qəzetinə yazdığı məqalədə bildirib. Borrellin sözlərinə görə, Rusiyanın Ukraynadakı işğalçılıq siyasətinə əsas cavab bundan sonra da sanksiyalar siyasəti olacaq. O, sanksiyaların təsirinin daha da artacağına əminliyini ifadə edib. Diplomat həmçinin Rusiyanın Avropa və ABŞ texnologiyalarından asılılığının Çindən altı dəfə çox olduğunu qeyd edib. Borrel hesab edir ki, buna görə də sanksiyalar altındakı Rusiya iqtisadiyyatı ehtiyaclarını ödəyə bilməyəcək. Borrell artıq sanksiyalara görə Rusiyanın “İskəndər” və “X-101” kimi dəqiq raketlər istehsal etmək imkanlarının məhdudlaşdığına diqqət çəkib. "Neft...

Davamını oxu

Dünya

Rusiya Xarkov Universitetini raketlə vurub

6 İyul 2022

İyulun 6-da gecə saatlarında Rusiya ordusunun Xarkovun Osnovyanski rayonlarına və Kiyev vilayətinə raket zərbəsi endirdiyi bildirilir. Xarkov Vilayət Hərbi Administrasiyasının rəhbəri Oleq Sinegubov “Telegram”da məlumat yayıb. O, Novobavarskoyedə binaların bir hissəsinin dağıdıldığını qeyd edib. Oleq Sinegubov bildirib ki, raket zərbələri Xarkov Universitetini də dağıdıb: “Kiyev vilayətinə raket hücumu nəticəsində ali təhsil müəssisəsinin binası da dağıdılıb”. Oleq Sinegubov yaşayış binaları, açıq sahələr və buğda tarlasının yandığını əlavə edib.

Davamını oxu